HINI UWASI-BIADRCIMOWA ya-sfadoci MAFIYO 7:13 - Hini Uwasi-u-Biadrcimowa 1929

¹³ Uci becfrku gelvwv ini macqr-lvkvdofigi sqrta : xvga mfrlvkvtwi ini sqrta, macimi mfrbiaiv ini myawi, ya-sfagi iqinvmowanagi, chena maci nihki ntvsi waci becfrcki.

HINI UWASI-BIADRCIMOWA ya-sfadoci MAFIYO 7:13 Referans Kwoze

YA-SFADOCI JRNE 14:6

Neiv ini wvyaci, chena ini dabwawa, macimi ini lanvwawewa : mvtv wiyafv nili Ufimrli si biawv, wakv srpwi nelv, u talrli Jesise.

YA-SFADOCI JRNE 10:9

Neiv ini sqrta; qahqi wiyafv ilani nelv uci becfrta, wah wrpvnashofu inv, chena wah becfa macimi luhfa, macimi wa mkv wvhtvhpvh wihfanici.

HINI UWASI-BIADRCIMOWA ya-sfadoci MAFIYO 3:2

Mvtveni si tahaku gelvwv; xvga ini wafapvh-kvmigigi ugimrwi-drmqa uwa mrlrqvhi, pami iwv.

HINI UWASI-BIADRCIMOWA ya-sfadoci MAFIYO 3:8

Biadoku waciganvhi mvwifowa nvhekv mvtveni si tahawa yaiqalamakugi :

HINI UWASI-BIADRCIMOWA ya-sfadoci MAFIYO 23:13

Pvyaqv ki mvci-labwrwa-nipwv cahi gelvwv, yr-ivwigacki chena Palaseki, naluhci-lvwi-wahfeki ! xvga gelvwv ki giphv-mvwr-wrki ilaneki ini wafapvh-kvmigigi ugimrwi-drmqa : mfahgrci mvtv ki becfrpwv gelvwv, mvtv-nuhgi welrni ki tala-lamr-wrki nihki bami uttvgiki wvhsi becfr-wrci.

HINI UWASI-BIADRCIMOWA ya-sfadoci MAFIYO 25:46

Chena iuhkumv goqa-lrqvsi vludrfewa-nagi wa haki : wakv nihki ma-yrwela-ficki goqa-lrqvsi lanvwawewa-nagi wa haki.

HINI UWASI-BIADRCIMOWA ya-sfadoci MAFIYO 25:41

Hina uwa nahfrpi wa hilvhi nihi ini u nvmvjen-gigi, Nelv uci srwaku, gelvwv pvhtvhgr-fvki, ini hrku goqa-lrqvsi skuta mviahc-fado-fuci inv mvci-mvnatu macimi ut ancvle-mhi :

YASFADOCI LOKU 14:33

Yone yagi waciganvhi inv goqa-nafv-grci vpiwv gelvwv buryr pvgida-latvkv jrivhgi ini ba-bonvgi, mvtv-yaciwi inv nitv hu kvgahgimr-fimi.

YASFADOCI LOKU 9:33

Chena ini biamikvtwi, yasi nili uci pami tabrna hrwrci nihki, Betv u talrli Jesiseli, Mastala, ca huwasv ini utvsi vpivqa : macimi welrni na husdopa nfwi rjewi-kvmiku; nakuti gelv, chena Mosise welv nakuti, chena Elvicv welv nakuti : mvtv u wrkutv bami iuci.

HINI UWASI-BIADRCIMOWA ya-sfadoci MAFIYO 7:14

Xvga mrcqrlvkvdofi ini sqrta, macimi wesaiv ini myawi, ya-sfagi lanvwawewa-nagi, chena lrkufwihi nihki ma-mkvgiki ini.