HINI UWASI-BIADRCIMOWA ya-sfadoci MAFIYO 6:5 - Hini Uwasi-u-Biadrcimowa 1929

⁵ Chena ina gelvwv mvmrtumayaqa, tagi brsi nihki nvya-luhcilvwecki ga hilafipwv : xvga nihki ut vhqaladrnrwv wvhsi nepvwiwrci macimi mvmrtumrwrci betiga nili msi-kvmiku chena nili tvh be-bojayrgi nili udawani-myawvli, wvhsi manvwvhi nihki nvukuwrci ilanihi. Tapilo gi talapwv nelv, Naiahkv nihki utfakunrwv u taphufewanwv.

HINI UWASI-BIADRCIMOWA ya-sfadoci MAFIYO 6:5 Referans Kwoze

HINI UWASI-BIADRCIMOWA ya-sfadoci MAFIYO 6:2

Hina waciganvhi gelv gisrcigawa silvweivna, tagi ulwahdolu papiqv ya-lvhfvmeivni, brsi nihki nvya-luhcilvwecki yr-silvwewrci betiga nili msi-kvmiku macimi nili Ir udawani-myawvli, wvhsi nihki manvwvhi bonvmuwrci u wvhfrci-makufewanwv ilaneki. Tapilo gi talapwv nelv, Naiahkv nihki utfakunrwv u taphufewanwv.

YASFADOCI LOKU 18:13

Wakv inv daxewi-mrwvtun-igahfi, bami nepvwici paluwihi, mvtv muhci spamagi manqvtugi wih Irpici u sgesaku, pvyaqv u pgitahv u pvlacikv, Mvnatu, gitam-inrqi ilafilu nelv majelafitv, iwvpi.

YA-SFADOCI MRKV 11:25

Chena goqa-lrqv-grci ki nepvwi-pwv ki pami mvmrtumr-pwv, pvgfa-latvmvwi-waku, qahqi bonvmv-waqa pipahci wiahi wiyafv; wvhsi k’Uhfwv wafapvh-kvmigigi ya-pitv nahfrpi manvwvhi pvgfa-latvmol-wrqa gelvwv kit vlfwrci-lvwewa-nwv.

YASFADOCI LOKU 20:47

jr-jrkvtvgiki sekvwi-iqahi yadrlici wegiwrpvli, macimi naluhci-lvwewa uci usdonrwv ganwrki mvmrtumawanv : iuhgoni vlikv myrlvh-kuwrfowa wa hutfakunrwv.

YASFADOCI LOKU 18:1

Chena u kvlolvhi pamrtuwawa ini wvyaci wvhsi grgikviu mvmrtumalici, macimi wvhsi tagi srqalamulici;

YASFADOCI LOKU 11:43

Mvci-labwrwa cahi gelvwv Palaseki ! xvga ki manwaladr-nrwv nili vliwesi vhpvbewanv betiga nili msi-kvmiku, macimi nili usilvwrladewanv betiga nili yrtvh wewedgegi.

HINI UWASI-BIADRCIMOWA ya-sfadoci MAFIYO 21:22

Macimi jr-ivhki wiahi, goqa-nahi-grci gelvwv gah nvtudr-nrwv, mvmrtumawa-nagi, pami dapwahsa-yaqa, ga hutfaku-nrwv gelvwv, u talvhi.

YA-SFADOCI JRNE 16:24

Yone lrqvsi mvtv wiahi ki mah’ nvtudrnrwv ni wefowa-nagi : nvtutvmuku, macimi ga hutafipwv, wvhsi k’ usvsilabwrwa-nwv manvw’ huqrwi sdodagi.

YA-SFADOCI MRKV 12:38

Chena u pami kvgahgimiwawa-nagi, Mvhgani cahi nihki yr-ivwi-gacki, mr-mrtvwi brmfacki ginwi pihtvwi-betanikv-nagi, chena wvhsi bonvmu-wrci usilvwr-ladewanv betiga nili yr-tvh we-wedgeki,

HINI UWASI-BIADRCIMOWA ya-sfadoci MAFIYO 9:38

Mvmrtumahku waciganvhi inv Dabalatvkv ini kvwvsqhrwa, wvhsi ini laskv-wrci br-pakvta-filici u kvwvsqhrwa-nagi.

HINI UWASI-BIADRCIMOWA ya-sfadoci MAFIYO 23:13

Pvyaqv ki mvci-labwrwa-nipwv cahi gelvwv, yr-ivwigacki chena Palaseki, naluhci-lvwi-wahfeki ! xvga gelvwv ki giphv-mvwr-wrki ilaneki ini wafapvh-kvmigigi ugimrwi-drmqa : mfahgrci mvtv ki becfrpwv gelvwv, mvtv-nuhgi welrni ki tala-lamr-wrki nihki bami uttvgiki wvhsi becfr-wrci.

HINI UWASI-BIADRCIMOWA ya-sfadoci MAFIYO 23:6

chena u manweladr-nrwv ini vliwi yagi tvh we-wihfancigaki, chena nili vliwi yaki vhpvbe-wanv betiga nili msi-kvmiku,

HINI UWASI-BIADRCIMOWA ya-sfadoci MAFIYO 6:16

Chena nuhgi ina fvfvhqi-ucigayaqa gelvwv, tagi ilafiki, brsi nvya-luhcilvwecki, mvcilabwr-pasgrki : xvga nihki u wivgrcidonrwv u ta Irbawanwv, wvhsi manvwv’ hilanihi nvukuwrci yasi fvfvhqi-ucigawrci. Tapilo gi talapwv nelv, Naiahkv nihki utfakunrwv u taphufewanwv.

HINI UWASI-BIADRCIMOWA ya-sfadoci MAFIYO 6:1

Gcitvwrfeku wvhsi bur pagilutv-maqa ki tapvsvwelafewanwv yalvhfvmewrci ilaneki, wvhsi nihki nvulwrqa : belaba gelvwv mvtv ki bonrnrwv taphufewa k’ Uhfwrgi ya-pitv wafapvh-kvmigigi.

HINI UWASI-BIADRCIMOWA ya-sfadoci MAFIYO 23:5

Wakv jrivhki u pakvtafewa-nwv yrsi Ivwe-wrci nihki wvhsi ilanihi nvuku-wrci uci : xvga u mr-mf rpiahdo-nrwv u giginoci-betanikv-nwv, macimi u mr-msihdo-nrwv tv nipaniqr-claki u betanikv-nwv,

YASFADOCI LOKU 6:24

Pvyaqv mvci-labwrwa cahi gelvwv ba-pvwrcki ! xvga naiahkv ki mahci utfaku-nrwv ki wegahofowa-nwv gelvwv.