HINI UWASI-BIADRCIMOWA ya-sfadoci MAFIYO 6:10 - Hini Uwasi-u-Biadrcimowa 1929

¹⁰ G’ ugimrwewa biaiv. Gi ta sitahawa wih silvwepi, brsi betiga wafapvh-kvmigigi, yone ivskv usgi-drmqa.

HINI UWASI-BIADRCIMOWA ya-sfadoci MAFIYO 6:10 Referans Kwoze

YA-SFADOCI JRNE 4:34

Wvhsi si lvweiv ini u tasi tahawa inv wa-wrwenaskvwitv, macimi wvhsi mahci lutvmvwvgi u pakvtafewa, heni ni wihfanewa u talvhi Jesise.

HINI UWASI-BIADRCIMOWA ya-sfadoci MAFIYO 26:42

Nuhgi mvwi-nesana wapfa, chena mvmrtuma, N’Uhfahi, qahqi yomv bur kvtvwi pamfa-yrga, waciwaphi nelv manaiv, gi tasi tahawa wa hisi lvwepi, iwv.

HINI UWASI-BIADRCIMOWA ya-sfadoci MAFIYO 12:50

Xvga goqa-nafv-grci wa hini silvwi u tasi tahawa n’ Uhfv ya-pitv wafapvh-kvmigigi, hinv ni janinv, chena nit iqamv, macimi ni giv, iwv.

YA-SFADOCI JRNE 6:40

Xvga yomv ini u tasi tahawa n’Uhfv, wvhsi jrgi wiyafv ya-lrpvmrtv nili Uqihfimrli, macimi dapwahsa nili, wih bonvgi goqa-lrqvsi lanvwawewa; macimi nelv na hunsgrnv inv tv hini jaiahqi gesagigi.

HINI UWASI-BIADRCIMOWA ya-sfadoci MAFIYO 7:21

Mvtv jrgi wiyafv, Dabalamiwatv, Dabalamiwatv, ya-sitv wah becfa ini wafapvh-kvmigigi ugimrwi-drmqa; hinv wakv yasi lvwetv ini u tasi tahawa n’ Uhfv yapitv wafapvh-kvmigigi.

HINI UWASI-BIADRCIMOWA ya-sfadoci MAFIYO 3:2

Mvtveni si tahaku gelvwv; xvga ini wafapvh-kvmigigi ugimrwi-drmqa uwa mrlrqvhi, pami iwv.

YASFADOCI LOKU 22:42

Ufimv, si tahaivna gelv neiv uci pvyrgilv iboni yrmv taphikv : pvyaqv mvtv nelv ni tasi tahawa, gelv wakv, wah silvwepi, iwvpi.

YA-SFADOCI JRNE 7:17

Qahqi ilani si tahata wvhsi u tasi tahawa-nilici si lvweci, wa hinv wrkutv ini kvgahgimiwawa, qahqi tuga ini Mvnatu uci, walr tuga ni kvlvwi pasiqi nelv uci.

HINI UWASI-BIADRCIMOWA ya-sfadoci MAFIYO 4:17

Hina Irqv uci Jesise vlami nvnvhimiwa, macimi, Mvtveni si tahaku gelvwv; xvga ini wafapvh-kvmigigi ugimrwi-drmqa uwa mrlr-qvhi, isiwa.

YASFADOCI LOKU 19:38

Gisrda-lamakufi ca hinv Ugimv ba-biatv ini u wefowa-nagi inv Dabalamiwatv : grmrnelafewa cahi betiga wafapvh-kvmigigi, macimi wvhfrci-makufewa ini wihkuci lspi, iwvki.

YA-SFADOCI MRKV 3:35

Xvga goqa-nafv-grci wah si Ivwi ini u tasi tahawa Mvnatu, henv inv ni janinv, chena nit iqamv, chena ni giv, iwv.

HINI UWASI-BIADRCIMOWA ya-sfadoci MAFIYO 16:28

Tapilo gi tala-pwv nelv, Hvbeki nihki nrlatv na-nepv-wicki utvsi, nihgeni mvtv wah wiahi si ku-tvdr-nrwv nabowa, brluhi nihki wah nawr-wrli nili u Qihfvli ilani pami biawv ini u gimrwewa-nagi.

YA-SFADOCI MRKV 11:10

Gisrtatiwi cahi ini ugimrwi-drmqa ba-biayrgi, ini u gimrwi-drm-kumi k’uhfanv Dapide : Hosanv cahi ini wihkuci Ispi, Ivhotv-moki.

YASFADOCI LOKU 19:11

Chena yasi nihi notvmalici yolumv wiahi, u golutu macimi kvlvwi pamrtuwawa, xvga mrlrqvhi Culosalamegi vpiwv, chena xvga nihki tuga si tahaki wvhsi ini ugimrwi-drmkumi Mvnatu walanv tapinvukugi.