HINI UWASI-BIADRCIMOWA ya-sfadoci MAFIYO 6:1 - Hini Uwasi-u-Biadrcimowa 1929

¹ Gcitvwrfeku wvhsi bur pagilutv-maqa ki tapvsvwelafewanwv yalvhfvmewrci ilaneki, wvhsi nihki nvulwrqa : belaba gelvwv mvtv ki bonrnrwv taphufewa k’ Uhfwrgi ya-pitv wafapvh-kvmigigi.

HINI UWASI-BIADRCIMOWA ya-sfadoci MAFIYO 6:1 Referans Kwoze

HINI UWASI-BIADRCIMOWA ya-sfadoci MAFIYO 23:5

Wakv jrivhki u pakvtafewa-nwv yrsi Ivwe-wrci nihki wvhsi ilanihi nvuku-wrci uci : xvga u mr-mf rpiahdo-nrwv u giginoci-betanikv-nwv, macimi u mr-msihdo-nrwv tv nipaniqr-claki u betanikv-nwv,

YA-SFADOCI JRNE 12:43

xvga nihki vlikv u nrswaladrnrwv ini wvhfrci-makufewa ilaneki waciwigi notv ini wvhfrci-makufewa Mvnatu waciwigi.

YASFADOCI LOKU 16:15

Macimi inv u talvhi nihi, Nihgeni gelvwv pasiqi da-pvsvudoci weyrwv ini ilaneki uta lrbewanwrgi; pvyaqv Mvnatu u wrkudrnv ki tahiwv : Xvga ini ma-mosbalamaqi-dodagi alagenv ilaneki lvsegrci-wafewa ini ini uta lrbewa-nagi Mvnatu.

YA-SFADOCI JRNE 5:44

Nahiwa gelvwv gahsi kvtvwi dapwahsapwv, luhkumv pasiqi wa-tvhpanv-mrticki wvhfrci-makufewa, chena ini wvhfrci-makufewa inv Mvnatu pahi wa-moyrgi mvtv ki nvtunahrnrwv?

YA-SFADOCI MRKV 8:15

Chena u tapinvlaqi-mvhi, Gcitvwr-feku mvhgani ini unvlascikv-nwv nihki Palaseki chena ini unvlascikv Halade, isiwa.

HINI UWASI-BIADRCIMOWA ya-sfadoci MAFIYO 6:16

Chena nuhgi ina fvfvhqi-ucigayaqa gelvwv, tagi ilafiki, brsi nvya-luhcilvwecki, mvcilabwr-pasgrki : xvga nihki u wivgrcidonrwv u ta Irbawanwv, wvhsi manvwv’ hilanihi nvukuwrci yasi fvfvhqi-ucigawrci. Tapilo gi talapwv nelv, Naiahkv nihki utfakunrwv u taphufewanwv.

HINI UWASI-BIADRCIMOWA ya-sfadoci MAFIYO 16:6

Chena Jesise, Gcitvwr-feku macimi mvhgani ini unvlascikv-nwv nihki Palaseki chena Satuseki, u talvhi.

YASFADOCI LOKU 12:15

Macimi gici-tvwrfeku, chena jrivhgi vbaladewa uci gicitvwi nuhbianv-muku geyrwv : xvga ilani u ta lanvwawewa mvtv ini utatwi mrlafewa-nagi uci ini wiahi ba-bonvgi, u talvhi nihi.

HINI UWASI-BIADRCIMOWA ya-sfadoci MAFIYO 5:48

Gah mafafipwv waciganvhi gelvwv, yasi inv mafafici wafapafitv k’ Uhfwv.

HINI UWASI-BIADRCIMOWA ya-sfadoci MAFIYO 5:16

Datapilvhi yone si welrni ki wvhfayrmwv netvwayaqa yalvhfvmewrci ilaneki; wvhsi manvwvhi nihki namuwrci k’ uwasi pakvtafewanwv, macimi wvhfrci-makufihaqa k’ Uhfwv wafapvh-kvmigigi ya-pitv.

YASFADOCI LOKU 11:35

Wrpvtvnu waciganvhi qahqi tuga ini wvivhfayrgi geyrgi ya-dagi mvtv bapagijrgi inwi.

YASFADOCI LOKU 12:1

Hini alaghi lrqv, ina inv macitfana matvhfana tabawa mahsa-lakv mrwvtuskv, waciganvhi kvgalgrdeki nihki, ut vlami ilvhi u kvgahgimrfhi nhihtv, Mvhgani gelvwv ini unvlascikv-nwv nihki Palaseki, naluhci-lvwewa ini.

HINI UWASI-BIADRCIMOWA ya-sfadoci MAFIYO 25:40

Macimi inv Ugimv wa hrpvfsa chena, Tapilo gi talapwv nelv, xvga yasi ini panv-laqa nakuti iuh-kumv ni janinrki, weginrqi iuhkumv gahci-macilo-ficki, nelv ini kit panv-sipwv, wa hilvhi.

HINI UWASI-BIADRCIMOWA ya-sfadoci MAFIYO 5:46

Xvga qahqi vhqalamaqa nihki ya-vhqalamalwrqa, nahiwa si taphufewa ki bonrnrwv? hv datapilv’ hini-ivskv silvweki nihki daxewi mrwvtunigahf eki?

HINI UWASI-BIADRCIMOWA ya-sfadoci MAFIYO 23:13

Pvyaqv ki mvci-labwrwa-nipwv cahi gelvwv, yr-ivwigacki chena Palaseki, naluhci-lvwi-wahfeki ! xvga gelvwv ki giphv-mvwr-wrki ilaneki ini wafapvh-kvmigigi ugimrwi-drmqa : mfahgrci mvtv ki becfrpwv gelvwv, mvtv-nuhgi welrni ki tala-lamr-wrki nihki bami uttvgiki wvhsi becfr-wrci.

HINI UWASI-BIADRCIMOWA ya-sfadoci MAFIYO 6:9

Waciganvhi nrwvhvi yomv yagi si mvmrtumaku : N’ Uhfanv ya-pivni wafapvh-kvmigigi, Hvhbalamaqvnwi gi wefowa.

HINI UWASI-BIADRCIMOWA ya-sfadoci MAFIYO 16:27

Xvga inv u Qihfvli ilani wah biawv ini u wvhfrci-makufewa-nilici u’Fvli gilagi lit ancvle-mhi; macimi ina uwa wah tapvsvwi me-lrli jrgi si ilaneli yasi Ivwewa-nilici.