HINI UWASI-BIADRCIMOWA ya-sfadoci MAFIYO 4:24 - Hini Uwasi-u-Biadrcimowa 1929

²⁴ Macimi ini u ta Irci-makufewa wapfaiv mafhega Ir Silia haiv : macimi nihki u biatvwr-wrli jrivhki ya-vhqilugalici, fvyoginakucki qvqatvgi si kvtunawa-nv macimi vhqilugawanv, la-kusgrkucki wvninahfihi, chena mr-mrtv-kusgrcki, chena na-nagificki; macimi u gegahvhi nihi.

HINI UWASI-BIADRCIMOWA ya-sfadoci MAFIYO 4:24 Referans Kwoze

HINI UWASI-BIADRCIMOWA ya-sfadoci MAFIYO 17:15

Dabalamiwatv, bonv-mvwi gitaminrqa-ladewa ni qihfv : xvga inv mr-mrtvkuskv, macimi mvmyanrni vhqi-nvmwv : mosvgi lrqv xvga ini skudagi yr-sfa, chena mosvgi ini napigi.

HINI UWASI-BIADRCIMOWA ya-sfadoci MAFIYO 8:6

Dabalamiwatv, nit vlolrkv saxinwv ini wegiwrpagi vhqiluga ini nanagifewa, mvmyanrni vhqinvmwv, u tagoli.

YASFADOCI LOKU 5:15

Pvyaqv brmaci ini vlikv si wapfaiv ini lrcimowa inv si : macimi maci mahsa-lagiki biaci mrwvsgrki wvhsi nodrga-wrci, macimi wvhsi gegahofu-wrci u ta silugawa-nwv.

YASFADOCI LOKU 2:2

Heni yomv wasgi vgimvwigawa mac-dota ina Qilenivs’ kvpanvlewi Siliagi.

HINI UWASI-BIADRCIMOWA ya-sfadoci MAFIYO 17:18

Chena Jesise u kutalrli nili; macimi inv wvninah-fi nili uci luhfa : chena gega-hofu inv sgilvwah-fefv ini yrtafvgi.

HINI UWASI-BIADRCIMOWA ya-sfadoci MAFIYO 15:22

Macimi wrpv-mahku, Ganvnewi-iqawv biaci luhfa nala sqriv uci, chena, Bonvmv-wilu gitaminrqa-ladewa,

HINI UWASI-BIADRCIMOWA ya-sfadoci MAFIYO 12:22

Hina uwa biadrqi nakuti u lakusgrgoli wvninahfeli, kvgabeqa macimi gipitunwv : macimi inv u gegahrli nili, dapi laghi wvhsi inv gipitunawi-lani kvtvwici macimi tapinvgi.

YA-SFADOCI MRKV 2:3

Chena biaki nihki, u biatvwr-wrli ilaneli vhqi-lugali nanagi-fewa, nyawi u nemr-wrli.

YA-SFADOCI MRKV 1:32

Chena walrqe-figi, iah pvximuci inv gesagi-gesfwv, u bia-tvwr-wrli nihki nihi jrivhki ya-qilu-galici, chena nihi la-kusgr-kulici wvninah-fihi.

HINI UWASI-BIADRCIMOWA ya-sfadoci MAFIYO 4:23

Chena mafhega Ir Galale brmfa Jesise, kvgahgimiwa betiga u msi-kvmikumwrgi, chena nvnvhimiwa ini ugimrwi-drmqa uci uwasi-biadrcimowa, chena gegahiwa jrivhki yagi kvtunawa, macimi jrivhki yagi vhqilugawa alagenv nihi lanvwahi.

YASFADOCI LOKU 4:14

Chena Jesise patagi ini u wesikvtuwewa-nagi inv Ucvjrl-vhqv hawv Galalegi : macimi u ta lrcimakufewa mafhega si luhfaiv srpwi ini gryrukv tvsi.

YA-SFADOCI MRKV 1:28

Chena u ta lrci-makufewa wapfa-yrli walanv mafhega ini lr Galalewi drmqa gryrukv haiv.

HINI UWASI-BIADRCIMOWA ya-sfadoci MAFIYO 14:1

Hina lrqv Halade inv nakutah-fapvti ugimv nodrga ini ya-lrcimo-fulici Jesiseli,

YA-SFADOCI JRNE 10:21

Kutvkvki, Mvtv yolumv nili u tayowanv wiyafv ba-bonvhfomakutv wvninahfeli. Hv wih kvtvwi wvninahfi tv-wanvmvwrli nili u sgesaku inv ga-kvgabeqatv? iwvki.

HINI UWASI-BIADRCIMOWA ya-sfadoci MAFIYO 9:35

Chena mafhega nili udawanv macimi nili udawanafv brmfa Jesise, pami kvgahgimiwa u msi-kvmikum-wrki, chena pami nvnvhi-miwa ini uwasi-biadrcimowa ini ugimrwi-drmqa uci, macimi pami gega-hiwa jr-ivhgi si kvtunawa macimi jrivhgi si vhqi-lugawa.

HINI UWASI-BIADRCIMOWA ya-sfadoci MAFIYO 9:26

Chena yomv wrwena-kufe-wa ntvsi uci wapfaiv mafhega ini vsisgegi haiv.

HINI UWASI-BIADRCIMOWA ya-sfadoci MAFIYO 8:28

Chena ina ini vsuwa grmagi iah si birci bec-drmqa ini ut vsisgemwv nihki Gatalenvki, u nvxgrkuhi ntvsi neswi la-kusgrkucki wvninahfihi, nili nabowrlvku uci biaci luhfahi, vnhiwawi wivkuwahi, waciganvhi mvtv ini wvyaci si kvtvwi pamfa ilani.

HINI UWASI-BIADRCIMOWA ya-sfadoci MAFIYO 8:33

Chena nihki ya-svmrcki nihi usimoki, macimi wapfaki ini udawa-nagi haki, macimi rcimoki jrgi wiahi, chena ini ya-sinvmalici nihi la-kusgrkulici wvninahfihi.

YA-SFADOCI MRKV 2:4

Chena ia hrlwi nihki mrlrqvhi bir-wrci nili xvga nihki ya-fusgrcki uci, u pvhginr-nrwv ini vpvhqahfacikv tv hvpici inv : chena iah mahci pukhvmu-wrci ini utah lrsiwanr-nrwv ini tfvni tv hvpici inv ya-qilugatv ini nanagi-fewa.

YA-SFADOCI MRKV 2:9

Drniwa v-liwi wacihi, Hv gi mvjelafewanv pvgfa-ladota; walr tuga, Unsgrlu, chena mvmalu gi tfvni, macimi pamfalu, wvhsi ilo-fuci inv ya-qi-lugatv ini nanagi-fewa?

YASFADOCI LOKU 4:38

Chena inv uci pvfaqi ini msi-kvmikugi, macimi ini wegiwv si becfa ya-drci Svimvne. Macimi Svimvne wewvli u gali bami fogina-kuci msi gisifowa; macimi nili uci nvnvhbrci-makuhi nihi.

YASFADOCI LOKU 5:24

Wakv wvhsi gelvwv manvwvhi wrkutv-maqa yasi inv u Qihfvli ilani bonvgi simakufewa usgi-drmqa wvhsi pvgfa-latvmv-wiwaci mvjelafewa-nv (u tah kvlo-lrli nili na-nagifilici), Gi tala nelv, Unsgrlu, chena mvmalu gi tfvni, macimi nhrla wegiwv ya-drivni, u talrli nili.

YASFADOCI LOKU 7:17

Chena yomv Ircimo-wa inv isi mafhega ini Cudia si wapfaiv, macimi mafhega ini gryrukv tvsi.