HINI UWASI-BIADRCIMOWA ya-sfadoci MAFIYO 4:22 - Hini Uwasi-u-Biadrcimowa 1929

²² Chena nihki walanv u nv-kvdrnrwv ini ulvgasi macimi u fwrli, chena u nakvlrwrli nili.

HINI UWASI-BIADRCIMOWA ya-sfadoci MAFIYO 4:22 Referans Kwoze

HINI UWASI-BIADRCIMOWA ya-sfadoci MAFIYO 10:37

Hinv ya-vhqalamrtv ufimrli walr u gali vliwi notv nelv notqa-lamakufi neiv; macimi inv ya-vhqalamrtv uqihfimrli walr udrnfimrli vliwi notv nelv notqa-lamakufi neiv.

YASFADOCI LOKU 14:26

Qahqi wiyafv ilani bialutvwita, macimi mvtv u segalamrli nahvhvrkv u fvli chena u gali, chena wewvli, chena ut vpaluhfamhi, chena u janinvhi, chena u tiqamhi, hvnkv, macimi nahvlwrkv u ta lanvwawewa nahfrpi, mvtv-yaciwi inv nitv hu kvgahgimrfimi.

YA-SFADOCI MRKV 1:20

Chena walanv u wihku-mvhi nihi : macimi nihki u nvkvlr-wrli u fwrli Sapadeli ini ulvga-lagi weci nihi vlolrgrfhi, chena u mvwi-nvlr-wrli.

YASFADOCI LOKU 14:33

Yone yagi waciganvhi inv goqa-nafv-grci vpiwv gelvwv buryr pvgida-latvkv jrivhgi ini ba-bonvgi, mvtv-yaciwi inv nitv hu kvgahgimr-fimi.

HINI UWASI-BIADRCIMOWA ya-sfadoci MAFIYO 4:21

Chena yoci vlikv hawv, u nawvhi neswi kutvkhi wa-janinrtihi, Jamse, nili u qihfvli Sapade, macimi u janinrli Jrneli, weci u fwrli Sapadeli ini ulvga-lagi, bami cvhtuqanvmuwrci ud rqsqhr-kvnwv; macimi u tah wihkumvhi nihi.

HINI UWASI-BIADRCIMOWA ya-sfadoci MAFIYO 4:23

Chena mafhega Ir Galale brmfa Jesise, kvgahgimiwa betiga u msi-kvmikumwrgi, chena nvnvhimiwa ini ugimrwi-drmqa uci uwasi-biadrcimowa, chena gegahiwa jrivhki yagi kvtunawa, macimi jrivhki yagi vhqilugawa alagenv nihi lanvwahi.

YASFADOCI LOKU 5:11

Chena iah mahci nihki vsisgi si vqvhfado-wrci ulvgala-mwv, u nvkvdr-nrwv jrivhki, macimi u nakvlr-wrli nili.