HINI UWASI-BIADRCIMOWA ya-sfadoci MAFIYO 3:9 - Hini Uwasi-u-Biadrcimowa 1929

⁹ chena tagi si tahaku betiga geyrwv wvhsi, Ni bonrpa Aplahame ni uhfipa, iuyaqa : xvga gi talapwv nelv, yasi inv Mvnatu dabelafici wvhsi iuhumv sekunhi uci unsgrnvmv-wrci Aplahameli vpalufhi.

HINI UWASI-BIADRCIMOWA ya-sfadoci MAFIYO 3:9 Referans Kwoze

YASFADOCI LOKU 3:8

Negidoku waciganvhi mvwifowanv nvhekv ya-iqa-lamakuki mvtveni si tahawa, macimi tagi vlami iuku betiga geyrwv, Ni bonrpa Aplahame ni uhfipa : xvga gi tala-pwv nelv, yasi Mvnatu dabelafici wvhsi iuhumv sekunhi uci unsgrnvmv-wrci Aplahameli vpalufhi.

YA-SFADOCI JRNE 8:33

Hud rpvfdrkuhi nihi, Aplahame u menkv nelvwa, macimi mvtv-lrqv gawvgi ni mah’ geganikvni-nakunv ilani : nahiwa gelv g’uci, Gah melakunrwv tabalatvmowafewa, iu?

YASFADOCI LOKU 16:24

Macimi ntvlvhotvmwv, Ufimv Aplahame, bonv-mvwilu gitaminr-qa-ladewa, macimi wrweni Lasulase wvhsi manvwv’ hinv napigi si goginrci ini vnvhqi u lajali, macimi tigihfatvwici nelvni; xvga bami vhqinvmuiv nelv beci yomv pahkvlagi, iwvpi.

YA-SFADOCI JRNE 8:53

Hv vlikv gi ta lafi n’ uhfanv Aplahame, napakv? macimi nihki mrmosiges-qacki naboki : nafvwa gi tasdo geiv gelv? u talrwrli.

YASFADOCI LOKU 5:22

Pvyaqv Jesise u pami mola-latvmv-wvhi yasi tahawa-nilici, rpvfsa, Goeiwa ki mamagini-taha-pwv ki tahi-wrgi? u talvhi.

YA-SFADOCI MRKV 7:21

Xvga Irmagi uci, nili u tahiwv iianeki uci luhfaiv mvci mamagini-tahawanv, wabaladewanv, gimodowanv, nfadewanv, wrpvsiphiga-wanv,

YASFADOCI LOKU 19:40

Macimi rpvfsa chena, Gi talapwv ini, qahqi wah nolaweki iuhkumv nihki sekunvki wah wivkvhotvmoki, iwv inv.

YASFADOCI LOKU 7:39

Huwa inv Palasi mviahci vlvnrtv nili iah namagi ini, kvlvwi Irmagi weiv, Yrmv ilani, qahqi mrmosige-sqa-wita, naiahkv wih mola-latv si wiyafvli macimi yasi-wafilici yolumv iqali ba-pahsa-nakuci, ma-jelafitv inv, iwvpi.

YASFADOCI LOKU 12:17

Macimi mamagini-taha inv weyrgi, Cah’ na-hiwa nah si lvwi, xvga mvtv ni bonv wvh tvh bonvmv ni mvwi-fowanv? iwvpi.

YA-SFADOCI JRNE 8:37

Gi wrkumalapwv yasi Aplahame u mengrnici gelvwv; pvyaqv ki nvtunahrnrwv wvhsi nsiyaqa, xvga ni kvlvwewa mvtv mah’ tabalatvmfaiv geyrwrgi.