HINI UWASI-BIADRCIMOWA ya-sfadoci MAFIYO 3:1 - Hini Uwasi-u-Biadrcimowa 1929

¹ Chena yolona grsagiki biawv Jrne inv Fvfvhqi-ulalhiwanv, pami nvnvhimiwa ini belasgi Cudia,

HINI UWASI-BIADRCIMOWA ya-sfadoci MAFIYO 3:1 Referans Kwoze

YASFADOCI LOKU 1:76

Hrnkv chena gelv, vpaluhfv, nili u mrmosigesqa-mvli inv Gci Mospi ga hvigopi : Xvga gelv ini ya-lvhfv-meqaci inv Dabalamiwatv ga hv wvhsi usi-macfatv-wvci u myawvli;

HINI UWASI-BIADRCIMOWA ya-sfadoci MAFIYO 11:11

Tapilo gi talapwv nelv, Alagenv nihki iqahi na-neginakucki mvtv mah’ pvfaqi ntvsi vlikv ya-lafitv Jrneli inv Fvfvhqi-ulalhiwawanv : pvyaqv inv macilofitv betiga ini wafapvh-kvmigigi ugimrwi-drmqa vlikv ilafi notv inv.

YA-SFADOCI MRKV 1:15

chena, Ini lrqr-mafewa uwa uqihfa-dota, chena ini u gimrwewa Mvnatu uwa nvhekv : mvtveni si tahaku gelvwv, chena dapwahtv-muku ini uwasi-biadrcimowa, isiwa.

HINI UWASI-BIADRCIMOWA ya-sfadoci MAFIYO 16:14

Chena nihki, Nrlatv Jrne nv Fvfvhqi-ulal-hiwanv, iwvki; nrlatv, Elvicv; chena kutvkvki, Calimriv, walr nakuti nihki mrmosigesqacki, iwvki, u talr-wrli.

YASFADOCI LOKU 7:24

Chena ina nihi Jrne u mesvmrga-mhi iah wapfalici, ut vlami ilvhi nihi mahsa-lalici Jrneli isi, Nahiwa gelvwv ki mv’ wrpvdr-nrwv waci ini si luhfr-yaqa belasgi? hv mfvsqvlwi nrno-mi-luhvnwi?

HINI UWASI-BIADRCIMOWA ya-sfadoci MAFIYO 11:7

Chena yasi iuhkumv hrwrci ya-hrwrci, Jesise ut vlami ilvhi nihi mahsalalici Jrneli isi, Nahiwa gelvwv ki mv’ wrpvdrnrwv waci ini belasgi si luhfryaqa? hv mfvsqvlwi nrnomi-luhvnwi?

HINI UWASI-BIADRCIMOWA ya-sfadoci MAFIYO 3:8

Biadoku waciganvhi mvwifowa nvhekv mvtveni si tahawa yaiqalamakugi :

HINI UWASI-BIADRCIMOWA ya-sfadoci MAFIYO 21:32

Xvga Jrne g’utfakuwv, biaci matamia ini mvyrwela-fewa, macimi gelvwv mvtv ki da-pwahtv-wrwv inv; wakv nihki daxewi-mrwvtu-nigah-feki chena nihki nrkvhowi-iqaki u dapwahtvwr-wrli nili : chena gelvwv, iah nama-yaqa ini, mvtv muhci mviuhqrci mvtveni ki tasi tahapwv geyrwv, wvhsi manvwvhga dapwahtv-waqa inv, u talvhi Jesise.

YA-SFADOCI MRKV 1:2

Datapilvhi yasi mahtvwi-gaci ini Visviv inv mrmosigesqa-tv, Wrpvmi, ni ta laskvwv ni mesvmr-gamv ya-lvhfvme-qaivni, Henv wah nvnvhih-fatu gi myawi;