HINI UWASI-BIADRCIMOWA ya-sfadoci MAFIYO 26:53 - Hini Uwasi-u-Biadrcimowa 1929

⁵³ Walr tuga gi tasi taha yasi nelv rlwi kvtvwi nvnvhbrci-mvgi n’Uhfv, chena inv weginrqi inugi utvhfv nah laskv-mrqv ancvlihi vlikv tfwi ini matvhfwi-gita-neswi tfwa-lanv mahsa-lakv?

HINI UWASI-BIADRCIMOWA ya-sfadoci MAFIYO 26:53 Referans Kwoze

HINI UWASI-BIADRCIMOWA ya-sfadoci MAFIYO 4:11

Hina uwa inv mvci-mvnatu u nvkvlrli nili; macimi wrpvmahku, ancvleki biaki macimi u mesvmvwrwrli nili.

YASFADOCI LOKU 8:30

Chena Jesise u nvtuhtv-wrli, Na-hiwa gi tasifu? Mahsa-lakv, isiwa inv; xvga maci wvninahfihi udwrla-kuhi.

HINI UWASI-BIADRCIMOWA ya-sfadoci MAFIYO 25:31

Pvyaqv ina inv u Qihfvli ilani wah biawv u wvhfrci-maku-fewa-nagi, chena jrivhki nihki ancvleki weci nili, hina uwa wa ipvpi ini ugimrwi vhpvbewa u wvhfrci-makufewa uci :

YA-SFADOCI MRKV 5:9

Chena u nvtuhtv-wrli, Nahiwa gi tasifu? Mahsa-lakv ni tasifu; xvga maci nelvwa, u tagoli.

YA-SFADOCI MRKV 5:15

Macimi Jesiseli si biaki nihki, chena u talrpvmr-wrli nili la-kusgr-kutv wvninah-fihi bami lamvtv-pilici, betani-gali chena mvyrwi gesqali, inv mviahci bonrtv nili mviahsa-lalici : chena grwilv-waki nihki.

YA-SFADOCI JRNE 10:18

Mvtv wiyafv ni mvmrqv ini, wakv pasiqi neiv ini ni sagifatu. Ni bonv wrsikvgi wvhsi sagifadoiv ini, macimi ni bonv wrsikvgi wvhsi mvmaiv ini nuhgi. Yomv tapigamowa n’ Uhfv n’ utvtanv.

YA-SFADOCI JRNE 18:36

Hrpv-fsa Jesise, N’ ugimrwewa mvtv yomv yalakuqvh-kvmigigi uciwi : qahqi n’ ugimrwewa yomv yalakuqvh-kvmigi uciwiga, ina wih nochiwaki nit vlolrkvnvki, wvhsi bur nelv nihki Josvki si pvg-fanigi : wakv uwa mvtv yociweiv n’ ugimrwewa, u talvhi.