HINI UWASI-BIADRCIMOWA ya-sfadoci MAFIYO 26:5 - Hini Uwasi-u-Biadrcimowa 1929

⁵ Pvyaqv, Tagi ini lrqvsi wa-wihfanci-gagi, belapa tvtvwrngawa wah pvfaqeiv alagnev nihki lanvwaki, iwvki.

HINI UWASI-BIADRCIMOWA ya-sfadoci MAFIYO 26:5 Referans Kwoze

HINI UWASI-BIADRCIMOWA ya-sfadoci MAFIYO 27:24

Waciganvhi iah namagi Brlvde yasi brmaci grjekv tvtv-wrn-gawa pami pvfaqe-yrlici, u tah mvma napi, macimi gifi-lacv ya-lvhfv-melici nihi mahsa-lalici, Ni fvfvyr-gifi ini u mskumi yrmv tapvsvwi-lani : gelvwv mamaginr-pvtv-muku, isiwa.

HINI UWASI-BIADRCIMOWA ya-sfadoci MAFIYO 21:26

Wakv qahqi Ilaneki uci ga hiupa; ki kufrpa nihki mahsa-lagiki; xvga mrmosi-gesqatv u ta lvgimr-wrli Jrneli, iwvki.

HINI UWASI-BIADRCIMOWA ya-sfadoci MAFIYO 14:5

Chena iah wesv naiahkv nfrci nili, u kufvhi nihi mahsa-lalici, xvga nihki mrmosigesqatv u ta lvgimr-wrli nili.

YA-SFADOCI MRKV 14:27

Chena u talvhi Jesise, Jrivhki gelvwv gah gisfago-pwv : xvga mahtvwi-gapi ini, Nah gicitwhv inv gahcitvwv-hrtv magefhi, macimi nihki magefvki mafhega wah si lfwalgo-foki.

YA-SFADOCI MRKV 14:12

Chena ina wasgi grsagigi waci vhdagi buryr unadagi tvkuwhv, ia hvpana-wrci nihki ini pamfrsiwawa, u takuhi u kv-gahgimrfhi, Drniwa tvsi gi tas’ taha wi hr-yrga macimi husi-macfado-yrga wvhsi manvwvhga gelv meci-ivni ini pamfrsiwawa?

YA-SFADOCI MRKV 14:2

xvga nihki iwvki, Tagi ini Irqvsi wa-wihfancigagi, bela-baga gikvmoci ’n’tvsi wa vhdawi u tvtvwrngawa-nwv nihki lanvwaki.

YA-SFADOCI JRNE 18:28

Nihki waciganvhi Gayafaseli uci fvginrbirlrwrli Jesiseli ini Pladolivmegi haki : chena ini kulvhwhrpvnwi; chena mvtv nihki welvwv becfaki ini Pladolivme, wvhsi manvwvhi bur myrshofuwrci, wakv manvwvhi meciwrci ini pamfrsiwawa.

YASFADOCI LOKU 22:7

Macimi ini buryr upsqadagi tvkuwhv si grsagigi biaiv, wvhtv hini pamfrsiwawa qelvhi vpanvwagi.

YASFADOCI LOKU 20:6

Wakv qahqi, Ilaneki uci, ga hiupa; jrivhki nihki lanvwaki gah sekunhuku-nrki : xvga kulapgrmofoki nihki yasi Jrneli mrmosigesqawilici, iwvki.