HINI UWASI-BIADRCIMOWA ya-sfadoci MAFIYO 26:11 - Hini Uwasi-u-Biadrcimowa 1929

¹¹ Xvga mosvtvwi ki bo-nrwv weci gelvwv inv gitamrfv; wakv nelv mvtv mosvtvwi ki bonipwv.

HINI UWASI-BIADRCIMOWA ya-sfadoci MAFIYO 26:11 Referans Kwoze

YA-SFADOCI MRKV 14:7

Ki bonr-wrki xvga nihki gitamr-fvki mosvtvwi weci gelvwv, macimi goqa-lrqv-grci si taha-yaqa gelvwv kih kvtvwi uwas’ panvlr-wrki nihki : wakv nelv mvtv mosvtvwi ki boni-pwv.

YA-SFADOCI JRNE 12:8

Xvga inv gitamrfv mosvtvwi ki bonrwv weci gelvwv; wakv nelv mvtv mosvtvwi ki bonipwv, isiwa.

YA-SFADOCI JRNE 16:28

Hinv Ufimv n’ uci biaci luhfv, macimi ini yalakuqvh-kvmigigi ni tah bir : nuh-gi, ni nvkvtv ini yalakuqvh-kvmigigi, macimi inv Ufimv ni-tv.

YA-SFADOCI JRNE 16:5

Pvyaqv uwa inv ni-tv wawrwenaskvwitv; macimi mvtv nakuti gelvwv ni nvtuhdrqv, Drniwa gi-tv?

YA-SFADOCI JRNE 14:19

Gawvgi frbemahi, macimi inv yalakuqvh-kvmigigi ni talrpvmaqv mvtv gidani; gelvwv wakv ki talrpvmipwv : xvga ni ta lanvwawi, macimi nahfrpi gelvwv gah lanvwawipwv.

YA-SFADOCI JRNE 13:33

Hvpaluhfa-fati, gawvgi frbemahi gi weci vbemalapwv. Gah nvtunawhipwv gelvwv : chena yalvki nihki Josvki, Iahriv, ga hrlwi birpwv; yone inugi ya-lalvku gelvwv.

YA-SFADOCI JRNE 17:11

Chena mvtv gidani ini yalakuqvh-kvmigigi nit vpi, chena iuhkumv vbeki ini yalakuqvh-kvmigigi, macimi gi bialudola nelv. Ufapi Ufimv, gjetuni nihki gi wefowa-nagi mviahci gelv melivni, wvhsi manvwvhi nihki nakudefiwrci, datapilvhi yasi wivqa gelvwa.

HINI UWASI-BIADRCIMOWA ya-sfadoci MAFIYO 28:20

pami kvgahgi-mahku nihki wvhsi giginvmu-wrci jrivhki wiahi goqa-nahi-grci gi tapima-lapwv : macimi sci, nelv weci gelvwv mosvtvwi, weginrqi brlu’ hini jaiaqvh-kvmigiga ini ya-lakuqvh-kvmigigi.

HINI UWASI-BIADRCIMOWA ya-sfadoci MAFIYO 18:20

Xvga lrqv tvsi neswi walr nfwi mrwvdwa-loki ni wefowa-nagi, ’n’tvsi nelv alaghi nihki.

HINI UWASI-BIADRCIMOWA ya-sfadoci MAFIYO 26:10

Pvyaqv Jesise u pami mola-latv ini, Gociwa gelvwv ki patfvg-hrwv inv iqawv? xvga-iu ni mahci pakvtanv-mrqv uwasi pakvtafewa neyrgi, u talvhi nihi.