HINI UWASI-BIADRCIMOWA ya-sfadoci MAFIYO 24:9 - Hini Uwasi-u-Biadrcimowa 1929

⁹ Hina uwa gesanrci-nvmowa-nagi gah si pvgfa-naku-wrki nihki, macimi gah nfaku-wrki : chena gah segalama-kufe-maku-wrki nihki jrivhki dfwa-lanv si lanvwaki xvga ni wefowa uci.

HINI UWASI-BIADRCIMOWA ya-sfadoci MAFIYO 24:9 Referans Kwoze

YA-SFADOCI JRNE 16:2

Nihki nili msi-kvmiku ga huci luhfa-pvgilaku-wrki : hvnkv, ini yrtafvgi biaiv, wvhsi goqa-nafvgrci nfalwrqa wah sitaha yasi inv gisrcilutvwrci Mvnadoli.

YASFADOCI LOKU 21:12

Pvyaqv wihsi-bur jrivhki yolumv wiahi igi, gah masana-kuwrki nihki, macimi gah nrnuhgrcha-kuwrki, nili msi-kvmiku chena giphudewi-grnv gah si pvgfana-kuwrki, yalvhfvmelici mvgi ugimvhi macimi kvpanvlihi gah si biala-kuwrki xvga ni wefowa uci.

YASFADOCI LOKU 11:49

Waciganvhi iyoiv nahfrpi ini u laburwa Mvnatu, Ni nah laskvmv-wrki mrmosigesqalici macimi apvstvlihi; chena nrlatv nihi wa nfrwvhi nihki macimi wah nrnuhgrchr-wvhi;

HINI UWASI-BIADRCIMOWA ya-sfadoci MAFIYO 23:34

Waciganvhi, wrpvmahku, gi talaskvmo-lapwv mrmosiges-qacki, chena laburwi ’laneki, chena yr-ivwigacki : nrlatv nihki ga nfr-wrki macimi ga hrsitaf-whr-wrki; chena nrlatv nihki gah lihfe-wvnwhr-wrki betiga ki msi-kvmiku-mwrki, macimi gah nrnuhgrchr-wrki udawa-nagi uci udawa-nagi si :

HINI UWASI-BIADRCIMOWA ya-sfadoci MAFIYO 22:6

chena nihki mvisi-nrlatv u mvwinvcdr-kuhi ut vlolrkvnhi, chena u taqau-panvlr-wvhi, macimi u nfr-wvhi nihi.

YA-SFADOCI JRNE 15:18

Qahqi inv yalakuqvh-kvmigigi segalamalwrqa, ki wrkudrnrwv yasi inv naiahkv segalamici nelv ivihsi-bur inv segalamalwrqa gelvwv.

YA-SFADOCI JRNE 15:21

Wakv jrivhki yolumv wiahi ga ipanvlakuwrki nihki xvga ni wefowa uci, xvga nihki mvtv u wrkumrwrli nili wa-wrwenas-kvwilici.