HINI UWASI-BIADRCIMOWA ya-sfadoci MAFIYO 24:30 - Hini Uwasi-u-Biadrcimowa 1929

³⁰ chena ina uwa manqvtugi wah tapinr-qvtwi ini u giginolowa inv u Qihfvli ilani : chena uwa ina jrivhki lanv-wa u dfwalowanv ini usgi-drmqa uci wah mvwa, macimi nihki wah na-wr-wrli nili u Qihfvli ilani pami biali usgici nili manwvtuwi brfqvhki gilagi wrsikvgi chena mahsrgi wvhfrci-makufewa.

HINI UWASI-BIADRCIMOWA ya-sfadoci MAFIYO 24:30 Referans Kwoze

HINI UWASI-BIADRCIMOWA ya-sfadoci MAFIYO 26:64

Gi mahtuwa, u talrli Jesise : Pvyaqv gi talapwv nelv, Yoci inugi gah nawrwv gelvwv inv u Qihfvli ilani pami lamvtvpi tv hini mvyrwen-gigi Wrsikvgi, macimi pami biawv usgici nili manqvtwi uci brfqvki u talrli nili.

YASFADOCI LOKU 21:27

Macimi ina uwa nihki wah nawr-wrli nili u Qihfvli ilani brfqvhgegi pami biali gilagi wrsikvgi macimi msi wvhfrci-makufewa.

HINI UWASI-BIADRCIMOWA ya-sfadoci MAFIYO 24:3

Chena yasi lamvtv-piei wahsatagi ini Vlifiwi mahqvgigi, u gemi utfa-kuhi nihi kvgahgmrfhi, Wetvmvwi-nrga, drniwa Irqv ina wa vdawv yolumv wiahi? chena nahiwa wah si giginolowa-niwi gi birwa, macimi ini jaiah-qrga ini ya-lakuqvh-kvmigigi? u takuhi.

YA-SFADOCI MRKV 13:26

Macimi ina uwa nihki wah nawr-wrli nili u Qihfvli ilani pami biali brfqvhgegi gilagi msrwi wrsikvgi macimi wvhfrci-makufewa.

YASFADOCI LOKU 22:69

Pvyaqv yoci inugi inv u Qihfvli ilani wah lamvtvpi ini tvhi mvyrwengigi ini u wesikv-tuwewa Mvnatu, u talvhi nihi.

YA-SFADOCI MRKV 13:4

Wetvmvwi-nrga drniwa lrqv yolumv wiahi wa vhdawv? chena nahiwa wa hinwi ini giginolowa ina nvwitu jrivhki yolumv wiahi wah macdrqvtu? u takuhi.

HINI UWASI-BIADRCIMOWA ya-sfadoci MAFIYO 24:37

Chena brsi nili u gesakv-namv Nuwv yaki, yone wa higi ini u birwa inv u Qihfvli ilani.

HINI UWASI-BIADRCIMOWA ya-sfadoci MAFIYO 24:39

Chena nihki mvtv u wrkudr-nrwv brlu’ hini lakhuqewa biaiv, macimi ud rmwalaku-nrwv nihki jrivhki; yone wa higi ini u birwa inv u Qihfvli ilani.