HINI UWASI-BIADRCIMOWA ya-sfadoci MAFIYO 18:3 - Hini Uwasi-u-Biadrcimowa 1929

³ chena, Tapilo gi tala-pwv nelv, Waciwaphi gelvwv kutaqe-yaqa, macimi ilafi-yaqa brsi vpaluhfafvki, mvtv gelvwv gah wiahisi becfr-pwv ini wafapvh-kvmigigi ugi-mrwi-drmqa, isiwa inv.

HINI UWASI-BIADRCIMOWA ya-sfadoci MAFIYO 18:3 Referans Kwoze

HINI UWASI-BIADRCIMOWA ya-sfadoci MAFIYO 19:14

Pvyaqv Jesise Welrni la-lamahku nihki vpaluhfa-fvki, macimi tagi kutalahku nihki, wvhsi bialutvwi-wrci : xvga iuhgoni welvwv ini wafapvh-kvmigigi ugimrwi-drmqa, isiwa.

YA-SFADOCI JRNE 3:5

Rpvfsa Jesise, Tapilo, tapilo, gi tala nelv, Waciwaphi wiyafv napi macimi nili Ucvjrlvh-qvli uci usgilanvwawita, mvtv inv u tvh kvtvwi becfvtv ini ugim-rwi-drmkumi Mvnatu.

YA-SFADOCI JRNE 3:3

Jesise rpvfsa macimi, Tapilo, tapilo, gi tala nelv, Waci-waphi wiyafv mvivgi usgi-lanvwawita, mvtv inv u tvh kvtvwi nama ini ugimrwi-drmkumi Mvnatu, u talrli.

YASFADOCI LOKU 13:24

Wesigihkv-muku wvhsi uci becfr-yaqa ini mrcqrlvkvdofi sqrta : xvga maci, gi tala-pwv nelv, wah nvtunahr-nrwv wvhsi becfr-wrci, macimi wa hrlwi ilafeki.

YA-SFADOCI JRNE 1:51

Chena Tapilo, tapilo, gi tala nelv, Gah namanrwv ini manqvtwi wah tvwaskv, macimi nihi ut ancvle-mhi Mvnatu bami vgofiwalici chena bami lrsiwalici usgici nili u Qihfvli Ilani, u talrli.

HINI UWASI-BIADRCIMOWA ya-sfadoci MAFIYO 5:20

Xvga gi talapwv nelv, waciwaphi vntvwaqa ki tapvsvwelafewanwv yanwilici ini u tapvsvwelafewanwv nihki yrivwigacki macimi Palaseki, mvtv gelvwv gah wiahisi becfrpwv ini wafapvh-kvmigigi ugimrwi-drmqa.

YASFADOCI LOKU 22:32

pvyaqv gi macdola nvnvhbrcigamowa, wvhsi bur gi dapwahsawa hrlwi ilafeyrgi; macimi silwelu gelv, ina balaku nuhgi mahci kugeivna, hryecsimi gi janinrki.

YA-SFADOCI MRKV 4:12

wvhsi nihki nagawrta manvwvhi namu-wrci, macimi bur mosi-taha-wrci; chena nodrga-wrta nihki ma-nvwvhi nodrga-wrci, macimi bur nanuhsa-wrci; belabaga nihki wih kugeki nuhgi, macimi ini wih pvgfa-latvmv-wofoki.

HINI UWASI-BIADRCIMOWA ya-sfadoci MAFIYO 19:23

Chena Tapilo gi tala-pwv nelv, Gesanr-tatwi ini wvhsi bec-frci pvwawi ’lani ini wafapvh-kvmigigi ugimrwi-drmqa, u talvhi Jesise u kvgahgimrfhi.

HINI UWASI-BIADRCIMOWA ya-sfadoci MAFIYO 13:15

Xvga yrmv lanvwa u tahi vlvlikv si kufaqvnwi, Macimi u tvwvgrwv nodrgawa si saqvnu, Chena u sgesakuwv naiahkv pafvkuqenoki nihki; Belaba nihki u sgesakuwv wi huci nawiwaki, Macimi uci nodrgaki u tvwvgrwv, Macimi uci nanuhsaki u tahiwv, Chena wi kutaqeki nuhgi, Macimi nih gegahrki nihki.

HINI UWASI-BIADRCIMOWA ya-sfadoci MAFIYO 6:16

Chena nuhgi ina fvfvhqi-ucigayaqa gelvwv, tagi ilafiki, brsi nvya-luhcilvwecki, mvcilabwr-pasgrki : xvga nihki u wivgrcidonrwv u ta Irbawanwv, wvhsi manvwv’ hilanihi nvukuwrci yasi fvfvhqi-ucigawrci. Tapilo gi talapwv nelv, Naiahkv nihki utfakunrwv u taphufewanwv.

HINI UWASI-BIADRCIMOWA ya-sfadoci MAFIYO 6:5

Chena ina gelvwv mvmrtumayaqa, tagi brsi nihki nvya-luhcilvwecki ga hilafipwv : xvga nihki ut vhqaladrnrwv wvhsi nepvwiwrci macimi mvmrtumrwrci betiga nili msi-kvmiku chena nili tvh be-bojayrgi nili udawani-myawvli, wvhsi manvwvhi nihki nvukuwrci ilanihi. Tapilo gi talapwv nelv, Naiahkv nihki utfakunrwv u taphufewanwv.

HINI UWASI-BIADRCIMOWA ya-sfadoci MAFIYO 6:2

Hina waciganvhi gelv gisrcigawa silvweivna, tagi ulwahdolu papiqv ya-lvhfvmeivni, brsi nihki nvya-luhcilvwecki yr-silvwewrci betiga nili msi-kvmiku macimi nili Ir udawani-myawvli, wvhsi nihki manvwvhi bonvmuwrci u wvhfrci-makufewanwv ilaneki. Tapilo gi talapwv nelv, Naiahkv nihki utfakunrwv u taphufewanwv.

HINI UWASI-BIADRCIMOWA ya-sfadoci MAFIYO 5:18

Xvga tapilo gi talapwv nelv, Brluhi manqvtwi macimi vsisgi-drmqa wa hvsanu, mvtv nakuti gcimrlacihi walr nakuti-paqa wa hini kutaladewa-nagi uci wiahisi vsanwi, brluhi jrivhki wiahi wah mahciludota.

HINI UWASI-BIADRCIMOWA ya-sfadoci MAFIYO 18:2

Chena inv u tah wihku-mrli vpaluhfa-fvli, macimi u lamvtvp-hrli ini alaghi nihi,

HINI UWASI-BIADRCIMOWA ya-sfadoci MAFIYO 18:4

Goqa-nafv-grci waciganvhi wah nvnvhbrci ludr-weiv brsi yrmv vpaluhfafv, yonv inv vliwi mselafi betiga ini wafapvh-kvmigigi ugimrwi-drmqa.