HINI UWASI-BIADRCIMOWA ya-sfadoci MAFIYO 16:16 - Hini Uwasi-u-Biadrcimowa 1929

¹⁶ Macimi Svimvn’ Betv rpvf-sa, Inv Klvisde gelv, nili u Qihfli inv ya-pitv Mvnatu, u talrli.

HINI UWASI-BIADRCIMOWA ya-sfadoci MAFIYO 16:16 Referans Kwoze

HINI UWASI-BIADRCIMOWA ya-sfadoci MAFIYO 14:33

Chena nihki ulvga-lagi ya-picki usvsilvwahr-wrli nili, Dabwawa, inv u Qihfvli Mvnatu gelv, isiwaki.

YA-SFADOCI JRNE 11:27

Hvnkv, Dabalamiwatv; naiahkv ni dapwahsa yasi geiv-wivni inv Klvisde, nili u Qihfvli Mvnatu, datapilvhi inv ba-birtv ini yalakuqvh-kvmigigi, u talrli Mrfa.

HINI UWASI-BIADRCIMOWA ya-sfadoci MAFIYO 27:54

Huwa inv kvpdenv, chena nihki weci nili bami gcitvwrpv-mrcki Jesiseli, iah namu-wrci ini vsisgi-nomas-grwa macimi nili wiahi ya-ipanvdo-daki, vnhiwawi kupanaki, Dabwawa yrmv nileni u Qihfvli Mvnatu, iwvki.

HINI UWASI-BIADRCIMOWA ya-sfadoci MAFIYO 26:63

Pvyaqv Jesise nolawi. Chena inv mospi-maku-fewi mkvtaukulvia Gi mvyrwi vhdoci-mala inv la-nvwawitv Mvnatu, wvhsi gelv wetvmvwi-yrga qahqi tuga geiv inv Klvisde, nili u Qihfvli Mvnatu u talrli.

YA-SFADOCI MRKV 14:61

Pvyaqv ud ryetvtanv u nolawewa, macimi mvtv-wiahi rpvfsa. Nuhgi inv mospi-makufewi mkv-taukulvia u nvtuhtv-wrli, Hv geiv inv Klvisde, nili u Qihfvli inv Gisrciwafinv? u talrli.

YA-SFADOCI JRNE 20:31

wakv yolumv vwigapi, wvhsi gelvwv manvwvhi dapwahsayaqa yasi Jesise inv Klvisde-wici, nili u Qihfvli Mvnatu; macimi wvhsi dapwahsawiyaqa manvwvhi gelvwv bonvmaqa lanvwawewa u wefowa-nagi.

YA-SFADOCI JRNE 1:49

Nafanivle ud rpvftvwrli, Labrye, nili Mvnatu u Qih-fvli gelv; Ugimrmvli Iswelv gelv, u talrli.

HINI UWASI-BIADRCIMOWA ya-sfadoci MAFIYO 4:3

Macimi inv kucilahfi biawv chena, Qahqi geyrwivna nili u Qihfvli Mvnatu, tapigamulu wvhsi iuhkumv sekunvki tvkuwhrni-wiwrci, u tagoli.

YA-SFADOCI JRNE 6:69

Chena ni mahci dapwahsapa macimi ni wrkudrpa yasi gelr-wivni inv Wafapafitv Nakuti Mvnatu uci, u talrli.

HINI UWASI-BIADRCIMOWA ya-sfadoci MAFIYO 1:16

chena Jakvbe u nejrninrli Joseli nili wahsici Male, inv na-neginrtv Jesiseli, Kivisde yr-lofulici.

HINI UWASI-BIADRCIMOWA ya-sfadoci MAFIYO 16:15

Wakv nafvwa nelv ki taiupwv gelvwv? u talvhi.

YASFADOCI LOKU 2:11

xvga ’n’tvsi lanvwawi gelvwv inugi grsagigi ini Dapide ut udawa-nagi Wrpvn-sewanv, Klvisde inv inv Dabalamiwatv.

YA-SFADOCI JRNE 6:57

Yasi inv Ufimv la-nvwawitv wr wenaskv wici, macimi lanvwa-wi v xvga inv Ufimv uci; yone ivskv inv ya-mwitv, nahfrpi inv wah lanvwawi xvga neiv uci.

YA-SFADOCI JRNE 6:68

Svimvn’ Betv ud rpvftvwrli, Dabalamiwatv, drnvwa inv na hrpa? gelv gi bonrnv nili goqa-lrqvsi lanvwawewa si kvlvwewanv.