HINI UWASI-BIADRCIMOWA ya-sfadoci MAFIYO 14:18 - Hini Uwasi-u-Biadrcimowa 1929

¹⁸ Chena Biatv-wiku nili mrtvsi, isiwa.

HINI UWASI-BIADRCIMOWA ya-sfadoci MAFIYO 14:18 Referans Kwoze

HINI UWASI-BIADRCIMOWA ya-sfadoci MAFIYO 14:17

Chena nihki, Ni bonrpa utvsi nyrlvnwi pvyaqv wapsqada-wvli, chena ne-swi nvmahfvki, u talr-wrli.

HINI UWASI-BIADRCIMOWA ya-sfadoci MAFIYO 14:19

Macimi u tapi-mvhi nihi Mahsa-lalici wvhsi lamtv-pilici svhgigi usgici nili mskuta-qvlu; chena u tah mvmanv nili nyrlvnwi wapsqada-wvli, macimi nihi neswi nvmafhi, chena spamagi pami lrpi manqvtugi, gisrtafi, chena u pusku-nrnv macimi u tah melvhi nihi kvgahgimrfhi nili wapsqada-wvli, chena nihki kvgah-mrfvki uci nihi mahsa-lalici.

YA-SFADOCI MRKV 8:6

Ma-cimi u tapi-mvhi nihi mahsa-lalici wvhsi lamvtv-pilici svhgigi ini vsisgegi : chena u mvmanv nili neswvhfwi wapsqada-wvli, macimi pami mahci meliwa niyrwa, u pus-ku-nrnv, chena u melvhi u kvgahgimrfhi, wvhsi yalvhfv-melici nihi si pvkfanv-malici; macimi nihki u tah pvgfanr-nrwv nili yalvhfv-melici nihi mahsa-lalici.

YA-SFADOCI JRNE 6:10

Lamvtvp-hahku nihki lanvwaki, isiwa Jesise. Huwa mskutahqvlwihgi ulrmi ini tvsi. Waciganvhi nihki ilaneki svhgigi si lamvtvbeki, ya-tfwiwrci nvwitu nyrlvna-matvhfana-tabawa.