HINI UWASI-BIADRCIMOWA ya-sfadoci MAFIYO 13:57 - Hini Uwasi-u-Biadrcimowa 1929

⁵⁷ Macimi u gisfaku-wrli nili. Pvyaqv Jesise, Mrmosigesqatv mvtv bur vhdali utvga-lamakufewa, waciwaphi nahvlwrkv ut vsisge-magi, macimi ya-drci wegiwv; u talvhi.

HINI UWASI-BIADRCIMOWA ya-sfadoci MAFIYO 13:57 Referans Kwoze

YA-SFADOCI JRNE 4:44

Xvga nahvlwrkv Jesise tapinvlakuwa, yasi mrmosiges-qatv bur bonvgi utvga-lamakufewa u nhvlwrgi drmkugi.

HINI UWASI-BIADRCIMOWA ya-sfadoci MAFIYO 11:6

Chena gisrdalamakufi inv, goqa-nafv-grci mvtv wa mkv wvh huci utvgikvhsinagi neyrgi, u talrli nihi.

YASFADOCI LOKU 4:24

Macimi, Tapilo gi talapwv nelv, Mvtv-lrqv mrmosigesqatv manwa-lamofu nahvl-wrkv ut vsisge-magi.

YA-SFADOCI JRNE 6:61

Pvyaqv bami wrkutvgi Jesise weyrgi yasi u kvgahgimrfhi pagihgrtv-malici yomv, Hv xvga yomv git panvlakunrwv wvhsi utvgikvhsina-yaqa? u talvhi.

YA-SFADOCI JRNE 6:42

Chena, Hv mvtv Jesise yrmv, u qihfvli Jose, ufvli macimi u gali ki wrkumrpa? nahiwa si inugi, Wafapvh-kvmigigi n’ uci svhgigi si luhfv, iwv? hiwvki nihki.

YASFADOCI LOKU 7:23

Macimi gisrda-lama-kufi cahi inv, goqa-nafv-grci mvtv wa mkv wv huci neyrgi utvgi-kvhsigi, u talvhi nihi.

YA-SFADOCI MRKV 6:14

Chena ugimv Halade nodrga ini; xvga u wefowa naiahkv wr-kudota : chena Jrne inv Fvfvhqi-ulalhiwanv uwa unskv nili na-palici uci, macimi waciganhi yolumv wrsikvki pakvtafe-yrli weyrgi, iwvpi.

YA-SFADOCI MRKV 6:3

Hv mvtv inv yrmv utqi-pakvtafewi-lani, nili u qihfvli Male, chena u janinrli Jamse, chena Josise, chena Svimvne? macimi hv mvtv ut iqamhi weci utvsi gelvwa? iwvki. Macimi u gisfaku-wrli nihki.

HINI UWASI-BIADRCIMOWA ya-sfadoci MAFIYO 13:58

Chena svpkvhi mvtv maci si Ivwi mvgeci pa-kvtafewanv ’n’tvsi xvga mvtv dapwahsawa-nihi.

YA-SFADOCI MRKV 6:1

Chena ini uci luhfa; macimi nahvlwrkv ut vsisgegi si bia-wv; chena u kvgahgimrfhi u nakvla-kuhi.

YA-SFADOCI MRKV 6:4

Chena Jesise, Mrmosigesqatv mvtv bur vdali utvga-lamakufewa, waci-waphi nahvlwrkv ut vsisgegi, chena alagenv nahvlwa-lamrci macimi nahvlwrkv ya-drci wegiwr-pagi, u talvhi nihi.