HINI UWASI-BIADRCIMOWA ya-sfadoci MAFIYO 13:47 - Hini Uwasi-u-Biadrcimowa 1929

⁴⁷ Nuhgi, ini wafapvh-kvmigigi ugimrwi-drmqa brsi rqvsqhrkv inwi, ya-ipvgido-dagi ini msi-napigi, macimi mrwvtuni-gaiv jrgi ya-talici :

HINI UWASI-BIADRCIMOWA ya-sfadoci MAFIYO 13:47 Referans Kwoze

YA-SFADOCI JRNE 15:6

Qahqi ilani vpita mvtv neyrgi, inv vlikv ipvgilofu brsi pah-gaiv-kugi, macimi svhfu; chena nihki u mrwvtunrnrwv nili, chena ini skudagi ut ipvgidrnrwv nili, macimi nili fvgita.

YA-SFADOCI MRKV 1:17

Macimi Jesise, Birku gelvwv vkuwiku, chena nr-nvmafgr-lrcki ilanihi ga shalapwv, u talvhi nihi.

YASFADOCI LOKU 5:10

macimi yone ya-iafi-wrci nahfrpi Jamse chena Jrne, u qifhi Sapade, wa-wihgrni-nrcki Svimvneli. Macimi Jesise, Tagi grwilvwaku; yoci inugi ilaneki gah pathvnrki, u talrli Svimvneli.

HINI UWASI-BIADRCIMOWA ya-sfadoci MAFIYO 4:19

Chena Birku nrwvluskvwiku gelvwv, macimi ilanihi na-nvmafgrlrcki ga shalapwv, u talvhi nihi.

YA-SFADOCI JRNE 15:2

Jrgi pah-gaivkugi neyrgi waci bur negigi mvwifowa, hinv u mvma ini vlikv u ta siwatu : chena jrgi pah-gaivkugi waci negigi mvwifowa inv u fvfvyrgilutv ini, wvhsi manvwv’ hini uci vlikv si negigi mvwifowa.

HINI UWASI-BIADRCIMOWA ya-sfadoci MAFIYO 13:44

Hini wafapvh-kvmigigi ugimrwi-drmqa brsi pvwrwa inwi gi-gidota ini gitigr-nagi; ma-mkvgi ilani, macimi u gigitu; chena wapfa via uwasi-labwrwani macimi inv u myaga jrivhgi ba-bonvgi, macimi u tapanv ini gitikv.

HINI UWASI-BIADRCIMOWA ya-sfadoci MAFIYO 13:46

macimi u mahci mkv-wrli nakuti megafvli gasuwa-lamaku-filici, wapfa inv macimi u myaga jrivhgi ba-bonvgi, macimi u tapanrli nili.

HINI UWASI-BIADRCIMOWA ya-sfadoci MAFIYO 13:48

ini ia uqihfagi, nihki utvhpanr-nrwv sqrbia-gesi; macimi nihki lamvtvbeki, chena u tah mrwvtunr-wvhi nihi wa-lafilici nili bonvhfu-cikvnv, wakv nihi ma-tafe-filici u pvgilr-wvhi.