HINI UWASI-BIADRCIMOWA ya-sfadoci MAFIYO 13:39 - Hini Uwasi-u-Biadrcimowa 1929

³⁹ chena inv mvda-ladewanv ya-vhdotv nili mvci-mvnatu inv : chena ini kvwvsqhrwa ini ya-qrgi ini ya-lakuqvh-kvmigigi; chena nihki ga-kvwvsqhr-wacki ancvleki nihki, iwv.

HINI UWASI-BIADRCIMOWA ya-sfadoci MAFIYO 13:39 Referans Kwoze

HINI UWASI-BIADRCIMOWA ya-sfadoci MAFIYO 13:49

Yone wa higi ini ina jaiahqvh-kvmigiga : nihki ancvleki wah biaki, macimi wah pginr-wvhi nihi ma-jela-filici alagenv uci nihi ma-yrwela-filici,

HINI UWASI-BIADRCIMOWA ya-sfadoci MAFIYO 25:31

Pvyaqv ina inv u Qihfvli ilani wah biawv u wvhfrci-maku-fewa-nagi, chena jrivhki nihki ancvleki weci nili, hina uwa wa ipvpi ini ugimrwi vhpvbewa u wvhfrci-makufewa uci :

HINI UWASI-BIADRCIMOWA ya-sfadoci MAFIYO 24:3

Chena yasi lamvtv-piei wahsatagi ini Vlifiwi mahqvgigi, u gemi utfa-kuhi nihi kvgahgmrfhi, Wetvmvwi-nrga, drniwa Irqv ina wa vdawv yolumv wiahi? chena nahiwa wah si giginolowa-niwi gi birwa, macimi ini jaiah-qrga ini ya-lakuqvh-kvmigigi? u takuhi.

HINI UWASI-BIADRCIMOWA ya-sfadoci MAFIYO 13:25

pvyaqv ia-haiahi nabr-lici ilanihi, u mvda-ladewa-nvli biali u tidr-goli nahfrpi myrsi-wvsku alagenv ini kvwvsqi, chena wapfali.

HINI UWASI-BIADRCIMOWA ya-sfadoci MAFIYO 28:20

pami kvgahgi-mahku nihki wvhsi giginvmu-wrci jrivhki wiahi goqa-nahi-grci gi tapima-lapwv : macimi sci, nelv weci gelvwv mosvtvwi, weginrqi brlu’ hini jaiaqvh-kvmigiga ini ya-lakuqvh-kvmigigi.

HINI UWASI-BIADRCIMOWA ya-sfadoci MAFIYO 13:28

Macimi, Mvda-ladewanv yasi lvweci yomv, u talvhi. Chena Hv ni na hrpa uwa wvhsi macimi mrwvtunv-mrga nili? u takuhi nihi vlolrkvnhi.

HINI UWASI-BIADRCIMOWA ya-sfadoci MAFIYO 12:32

Chena goqa-nafv-grci wa pipahcimrli kvlvwewa nili u Qihfvli ilani, ini wah pvgfa-latvmrqi inv; wakv goqa-nafv-grci wa pipahcimrli nili Ufapi Ucvjrlvhqvli, mvtv ini ivh pvgfa-latvmrqi inv, nayeswalanv mvtv utvsi ya-lakuqvh-kvmigigi macimi ini betiga wrsv biayrgi.

HINI UWASI-BIADRCIMOWA ya-sfadoci MAFIYO 13:22

Chena inv ya-vhcigagi alagenv nihi grwesahi, hinv yrmv na-notvkv ini kvlvwewa; macimi ini utvmafewa ini ya-lakuqvh-kvmigigi uci, chena ini pvwrwanv uci wvnimafewa napwvsqayrli ini kvlvwewa, macimi mvtv mvwifowa-niwi inv.

HINI UWASI-BIADRCIMOWA ya-sfadoci MAFIYO 13:40

Yasi waciganvhi mrwvtuno-daki nili myrsi-wvsku macimi fvgfo-daki skudagi; yone wa higi ina jaiahqvh-kvmigiga.