HINI UWASI-BIADRCIMOWA ya-sfadoci MAFIYO 13:31 - Hini Uwasi-u-Biadrcimowa 1929

³¹ Nuhgi kutvgi pamrtuwawa u tah pvgfanvmv-wvhi ya-lvhfv-melici nihi, Hini wafapvh-kvmigigi ugimrwi-drmqa brsi nakuti-paqa mvstvdewi menkv inwi, ma-mvmagi ilani, macimi u titu u gitigr-nagi :

HINI UWASI-BIADRCIMOWA ya-sfadoci MAFIYO 13:31 Referans Kwoze

HINI UWASI-BIADRCIMOWA ya-sfadoci MAFIYO 17:20

Xvga mrcqrfi ki dapwahsawa-nwv : tapilo gi tala-pwv nelv, Xvga bonv-maqa gelvwv dapwahsawa brsi nakuti paqa mvstvdewi menkv, Yoci vlvina hrla itv-maqa yomv maqvhgigi, macimi ini wa haiv; chena mvtv wiahi wah mvtvyaci-wvtwi geyrwrgi, u talvhi.

YASFADOCI LOKU 17:6

Macimi inv Dabalamiwatv isiwa, Qahqi naiahkv bonv-maqa dapwahsawa brsi nakuti paqa mvstvdewi menkv, yrmv gicimewi-mtaqrpvlwv, Puqvhgasgrlu macimi ini msi-napigi si rcfulu, ki hilrwv; macimi inv kih malun-ahdr-kuwv.

HINI UWASI-BIADRCIMOWA ya-sfadoci MAFIYO 13:24

Kutvgi nuhgi pamrtuwawa u tah pvgfanvmvwvhi ya-lvhfvmelici nihi, Hini wafapvh-kvmigigi ugimrwi-drmqa brsi ilani ya-dotv uwasi menkv u gitigr-nagi si tvqa-lama-qvtwi :

YASFADOCI LOKU 20:9

Macimi ut vlami kvlolvhi nihi lanvwahi yomv pamrtu-wawa : Ilani gtiga mfvlomi-gtikv, chena ini gtigawi-lanihi ut vuhvhi, macimi wapfa kutvgi drmqa hawv pihci.

YASFADOCI LOKU 19:11

Chena yasi nihi notvmalici yolumv wiahi, u golutu macimi kvlvwi pamrtuwawa, xvga mrlrqvhi Culosalamegi vpiwv, chena xvga nihki tuga si tahaki wvhsi ini ugimrwi-drmkumi Mvnatu walanv tapinvukugi.