HINI UWASI-BIADRCIMOWA ya-sfadoci MAFIYO 13:30 - Hini Uwasi-u-Biadrcimowa 1929

³⁰ Welrni nayeswi wi sqineginu nakudwasi brlu’ hini kvwvsqhrwaga : macimi ini Irqr-niga ini kvwvsqhrwa, Mrwvtunv-muku nhihtv nili myrsi-wvsku, macimi vfipi-doku nili wvhsi fvgfv-maqa : wakv ini kvwvsqi ni kvwv-sqigr-nagi si mrwvtunv-muku, na hilrki nihki ga-kvwvsqhr-wacki, u talvhi.

HINI UWASI-BIADRCIMOWA ya-sfadoci MAFIYO 13:30 Referans Kwoze

HINI UWASI-BIADRCIMOWA ya-sfadoci MAFIYO 3:12

u wawafhowa inv u lacigi vhdawi, macimi inv wah tvdakvqi fvfvyrgilutv u pvwvsqhrwi tapvkuf anowa; chena inv wah si mrwvtunv u kvwvskumi ini u kvwvsqigr-nagi, wakv nili wih-seqviv yrlwi-vhdahodagi skuta wah si jrkv-tafrnv inv.

YA-SFADOCI JRNE 15:6

Qahqi ilani vpita mvtv neyrgi, inv vlikv ipvgilofu brsi pah-gaiv-kugi, macimi svhfu; chena nihki u mrwvtunrnrwv nili, chena ini skudagi ut ipvgidrnrwv nili, macimi nili fvgita.

HINI UWASI-BIADRCIMOWA ya-sfadoci MAFIYO 25:32

macimi ya-lvhfv-melici nili wah mrwvtuskv jrivhki nili u tfwalowanv lanvwa : chena inv wah nuhbia-nvhi nakuti uci nakuti, yrsi inv gahcitvwv-hrtv nuhbianrci nihi magefhi nihi mrsi-magef hi uci;

YASFADOCI LOKU 3:17

u wawafhowa u lacigi vhdali, tvdakvqi wvhsi fvfvyrgi lutvgi pvwvsqhrwi u tapvkufa-nomi, macimi wvhsi ini kvwvsqi u kvwvs-qigrnagi si mrwvtu-nvgi; wakv nili wihseqviv wah jrkvta-frnv inv buryr kvtvwi vhtaho-dagi skuta wa hvwa, u pami ilvhi nihi jrivhki.

HINI UWASI-BIADRCIMOWA ya-sfadoci MAFIYO 25:41

Hina uwa nahfrpi wa hilvhi nihi ini u nvmvjen-gigi, Nelv uci srwaku, gelvwv pvhtvhgr-fvki, ini hrku goqa-lrqvsi skuta mviahc-fado-fuci inv mvci-mvnatu macimi ut ancvle-mhi :

HINI UWASI-BIADRCIMOWA ya-sfadoci MAFIYO 13:25

pvyaqv ia-haiahi nabr-lici ilanihi, u mvda-ladewa-nvli biali u tidr-goli nahfrpi myrsi-wvsku alagenv ini kvwvsqi, chena wapfali.

HINI UWASI-BIADRCIMOWA ya-sfadoci MAFIYO 13:29

Pvyaqv, Mvtv, u talvhi; Belaba gah weci puqvh-ganvnrwv ini kvwvsqi, yasi mrwvtunv-maqa nili myrsi-wvsku.