HINI UWASI-BIADRCIMOWA ya-sfadoci MAFIYO 13:23 - Hini Uwasi-u-Biadrcimowa 1929

²³ Chena inv ya-vhcigagi ini uwasi vsisgegi, hinv yrmv na-notvkv ini kvlvwewa, macimi nanuhsa ini; yonv tapilo u negtu mvwifowa, macimi u biatu, nrlatv tabawa tfwag-fanwi, nrlatv nakudwrsi, nrlatv nfwr-pitvgi.

HINI UWASI-BIADRCIMOWA ya-sfadoci MAFIYO 13:23 Referans Kwoze

YA-SFADOCI JRNE 15:16

Mvtv gelvwv ki mvmipwv, wakv nelv gi mvmalapwv, macimi gi mvyrusi-malapwv, wvhsi gelvwv hryaqa macimi negidoyaqa mvwifowa, chena wvhsi ki mvwifowa-nwv vhdagi : wvhsi goqa-nahi-grci gelvwv gah nvtutvmvwrwv inv Ufimv ni wefowa-nagi, manvwv’ hinv melalwrqa ini.

HINI UWASI-BIADRCIMOWA ya-sfadoci MAFIYO 12:33

Walr u uwasdoku ini mtaqi, macimi ini mvwifowa uwasv; walr myrsdoku ini mtaqi, macimi ini mvwifowa myrlatwi : xvga ini mtaqi ini mvwi-fowa uci wrkudota.

HINI UWASI-BIADRCIMOWA ya-sfadoci MAFIYO 13:8

chena kutvkvli ini uwasi vsisgegi si panfanu, macimi neginwi mvwifowa, nrlatv tabawa tfwagfanwi, nrlatv nakudwrsi, nrlatv nfwr-pitvgi.

HINI UWASI-BIADRCIMOWA ya-sfadoci MAFIYO 3:8

Biadoku waciganvhi mvwifowa nvhekv mvtveni si tahawa yaiqalamakugi :

YASFADOCI LOKU 13:9

chena qahqi negiga ini mvwifowa yoci inugi, hu-wasv; wakv qahqi mvtv, gah kvuhv ini, u talrli inv.

YA-SFADOCI JRNE 8:47

Hinv Mvnadoli waciwitv u nodrnv nili u kvlvwewanv Mvnatu : xvga vlv-yomv waci mvtv notvmaqa nili, xvga mvtv Mvnatu k’uciwipwv gelvwv.

YASFADOCI LOKU 8:15

Chena ini ini uwasi-vsisgegi, iuhgoni ya-laficki brsi dapvsvwigi macimi uwasi-tahawa-nagi u pami machi nodr-nrwv ini kvlvwewa, ud ryetvtanr-nrwv ini, macimi u biado-nrwv mvwifowa weci besi-tahawa.

YA-SFADOCI MRKV 10:15

Tapilo gi tala-pwv nelv, Goqa-nafv-grei mvtv u tvhsi utvhpanv ini ugimrwi-drmkumi Mvnatu brsi cvgi vpaluhfafv, mvtv ivh wiahisi becfa ’n’tvsi, u talvhi.

YA-SFADOCI MRKV 4:20

Chena nahga nihki ya-dofucki ini uwasi vsisgegi; nihgeni u nodr-nrwv ini kvlvwewa, macimi u mvma-nrwv ini, chena u negdo-nrwv mvwifowa, nfwrpitvgi tfwagfanwi, chena nakudwrsi tfwagfanwi, chena tabawa tfwagfanwi, u talvhi.

HINI UWASI-BIADRCIMOWA ya-sfadoci MAFIYO 3:10

Chena datapilv’ hini uwa taghrkv sagfanwi tv hini ujapkvhkvtuwigi nili mtaku : jrgi mtaqi waciganvhi waci bur negigi uwasi mvwifowa kvuhota, macimi ini skudagi ipvgidota.

YASFADOCI LOKU 8:8

Chena nrlatv ini uwasi vsisgegi si panfanwi, chena sqineginwi, macimi ini neginwi mvwifowa tabawa-tfwaginwi, isiwa. Yasi yolumv wiahi iuci, ulrmuwa, Hinv ba-bonvkv utvwvgr-wvli wvhsi nodr-gaci, welrni inv nodrgata, isiwa.