HINI UWASI-BIADRCIMOWA ya-sfadoci MAFIYO 13:12 - Hini Uwasi-u-Biadrcimowa 1929

¹² Xvga goqa-nafv-grci u bonv, inv wah si meliwapi, macimi inv wah bonv mrlafewa : wakv goqa-nafv-grci mvtv u bonv, wah mvmrqi muhci ini ba-bonvgi inv.

HINI UWASI-BIADRCIMOWA ya-sfadoci MAFIYO 13:12 Referans Kwoze

HINI UWASI-BIADRCIMOWA ya-sfadoci MAFIYO 25:29

Xvga jrgi wiyafv ba-bonvkv wah melofu, macimi inv wah bonv mrlafewa : wakv inv buryr bonvkv, weginrqi ini ba-bonvgi wa huci mvmrqi.

YASFADOCI LOKU 8:18

Gcitvwrfeku waciganvhi yasi nodrga-yaqa : xvga goqa-nafv-grci u bonv, henv wah melofu; macimi goqa-nafv-grci mvtv u bonv, henv wa huci mvmota datapilvhi ini inv ni bonv yasi tahaci.

YASFADOCI LOKU 16:25

Pvyaqv iwv Aplahame, Uqihfimv, mkvwala-tvnu yasi gelv utfakuivni g’ uwasi wiahemv, macimi nahf rpi Lasulase mvci wiahi : pvyaqv uwa inv utvsi uwasi-lapwvhofu, macimi gelv bami vhqinvmuivni.

HINI UWASI-BIADRCIMOWA ya-sfadoci MAFIYO 21:43

Waciganvhi gi talapwv nelv, Ini u gimrwewa Mvnatu gah mvmr-gopwv, macimi wah melofu kutvgi si lanvwa ini waci pami biadotv ini mvwifowa.

YASFADOCI LOKU 16:2

Chena utvhpi-mrli nili, macimi, Nahiwa yomv yasi nodrgaiv gelv si? patakv-gitvnu ini gi nosrf ewa; xvga mvtv vlikv lrqvsi gitvh kvtwi nosrfewanv ilafi, u talrli.

YASFADOCI LOKU 10:42

pvyaqv wiahi vgrwrtatwi : xvga Male u mahci mvma ini uwasi wvyatvhqa, ini mvtv inv wa huci mvmrqi, u talrli.

YASFADOCI LOKU 9:26

Xvga goqa-nafv-grci nah taqah-aqv macimi ni kvlvwewa, nileni inv u Qihfvli ilani wah taqahrli, ina birta nahvlwrkv u wvhfrci-makufewa-nagi, macimi ini u wvhfrci-makufewa inv Ufimv, chena nihki ufapi ancvleki.

YA-SFADOCI MRKV 12:9

Nahiwa waciganhi wah si Ivwi inv dabalatvkv ini mfvlomi-gtikv? wah biawv inv macimi wah mvcilutv-wvhi nihi gtigawi-lanihi, chena kutvkhi wah melvhi ini mfvlomi-gtikv.

YASFADOCI LOKU 12:48

Wakv inv ba-bur wrkutvkv, macimi wiahi si lvwi nvhekv iqvtwi lihfewvn-hudewv-wigrfo-wanv, wa ppvgtahofu lrkufwe-mahi lihfewvn-hudewv-wigrfowa-nv. Chena goqa-nafv-grci maci-laghi melofu, maci-iaghi wa hinv udalatv-mrqi : macimi nili nihki maci-laghi da-lwvhfwr-wrci, nileni wah nvtutvmvwr-wrli ini vlikv laghi.