HINI UWASI-BIADRCIMOWA ya-sfadoci MAFIYO 13:11 - Hini Uwasi-u-Biadrcimowa 1929

¹¹ Chena inv rpvfsa macimi, Gelvwv si meliwapi ini wvhsi wrkutvmaqa nili ini wafapvh-kvmigigi ugimrwi-drmqa uci ma-ivtki, wakv nihki mvtv si meliwapi ini.

HINI UWASI-BIADRCIMOWA ya-sfadoci MAFIYO 13:11 Referans Kwoze

HINI UWASI-BIADRCIMOWA ya-sfadoci MAFIYO 19:11

Pvyaqa, Mvtv jrivhki ilaneki u tvh kvtvwi utvhpanr-nrwv yomv iyowa, nihki wakv ini ma-melofucki, u talvhi.

HINI UWASI-BIADRCIMOWA ya-sfadoci MAFIYO 16:17

Chena Jesise rpvfsa, Gi gisrtafi gelv, Svimvn’ Br-Jonv : xvga mvtv wivufi macimi msqi gi mahci pvhginv-mrku ini, n’Uhfv wakv ya-pitv wafapvh-kvnigigi.

YASFADOCI LOKU 8:10

Macimi isiwa, Gelvwv si meliwapi wvhsi wrkutv-maqa nili girjelafewanv ini Mvnatu ugimrwi-drm-kumi uci : wakv nihki mvisi nrlatv pamrtuwawanv isi; wvhsi nihki pami naga-wrta manvwvhi bur namu-wrci, macimi pami nodrga-wrta nihki manvwvhi bur nanuhsa-wrci.

YA-SFADOCI JRNE 6:65

Macimi iwv, Xvga yomv uci g’uci mahci ilalapwv, wvhsi ilani mvtv kvtvwi bialutvwici, wacip’ hini melata nili Ufimrli uci.

YA-SFADOCI MRKV 4:11

Chena u talvhi, Gelvwv si melatipi ini ma-mvivtgi ini u-gimrwewa-nagi Mvnatu uci : wakv nihki ya-picki frgici, jrivhki wi-ahi pamrtuwawa-nagi ipanvdota :

YA-SFADOCI JRNE 7:17

Qahqi ilani si tahata wvhsi u tasi tahawa-nilici si lvweci, wa hinv wrkutv ini kvgahgimiwawa, qahqi tuga ini Mvnatu uci, walr tuga ni kvlvwi pasiqi nelv uci.

HINI UWASI-BIADRCIMOWA ya-sfadoci MAFIYO 13:10

Chena nihki kvgahgimrfvki biaki, macimi, Gociwa gelv gi kvlolrki nihki pamrtuwawanv? u talrwrli.

HINI UWASI-BIADRCIMOWA ya-sfadoci MAFIYO 20:23

Svpkvhi gah mana-pwv ni taphikv : pvyaqv wvhsi lamvtvpi-yaqa ni mvyrwen-gigi, chena ni nvmvjen-gigi, mvtv nelv ini wvhsi meli-waiv, wakv nihgeni welvwv ini nihi naiahkv mviahci nvnvsfatv-wrci n’Uhfv, u talvhi.

YA-SFADOCI MRKV 10:40

wakv wvhsi lamvtvpi-yaqa ni mvyrwen-gigi walr ni nvmvjen-gigi mvtv nelv ini wvhsi meliwaiv; wakv nihki welvwv ini ya-kvwrcfado-fucki, u talvhi Jesise.