HINI UWASI-BIADRCIMOWA ya-sfadoci MAFIYO 11:1 - Hini Uwasi-u-Biadrcimowa 1929

¹ Chena ini biamikvtwi ina Jesise u mahci tapigamvhi matvhfwi-gita-neswi u kvgahgimrfhi, ini-uci wapfa wvhsi kvgahgimiwaci macimi nvnvhimiwaci udawanwrgi.

HINI UWASI-BIADRCIMOWA ya-sfadoci MAFIYO 11:1 Referans Kwoze

YASFADOCI LOKU 8:1

Chena ini biamikvtwi palocihi mviuhqrci, yasi srpwi brmfaci gryrukv udawanv macimi udawanafv, pami nvnvhi-miwa macimi pami biatvwiwa nili uwasi-biadrcimowanv ini Mvnatu ugimrwi-drmkumi uci, chena weci nili nihki matvhfwi-gita-neswi,

HINI UWASI-BIADRCIMOWA ya-sfadoci MAFIYO 9:35

Chena mafhega nili udawanv macimi nili udawanafv brmfa Jesise, pami kvgahgimiwa u msi-kvmikum-wrki, chena pami nvnvhi-miwa ini uwasi-biadrcimowa ini ugimrwi-drmqa uci, macimi pami gega-hiwa jr-ivhgi si kvtunawa macimi jrivhgi si vhqi-lugawa.

YA-SFADOCI JRNE 15:14

Nih-grnvki gelvwv, nili wiahi silvweyaqa da-tapimalvku.

YA-SFADOCI JRNE 15:10

Qahqi gjetunvmaqa ni tapigamowanv, ga hvpipwv nit vhqa-ladewa-nagi gelvwv; datapilvhi yasi naiahkv gjetunvmv u tapi-gamowanv n’ Uhfv, macimi vpiv ut vhqaladewa-nagi.

HINI UWASI-BIADRCIMOWA ya-sfadoci MAFIYO 28:20

pami kvgahgi-mahku nihki wvhsi giginvmu-wrci jrivhki wiahi goqa-nahi-grci gi tapima-lapwv : macimi sci, nelv weci gelvwv mosvtvwi, weginrqi brlu’ hini jaiaqvh-kvmigiga ini ya-lakuqvh-kvmigigi.

HINI UWASI-BIADRCIMOWA ya-sfadoci MAFIYO 7:28

Chena ini biamikvtwi, ina Jesise iah mahci lutvgi yolumv kvlvwewanv, nihki mahsalagiki u qvqahdrna - ladrnrwv u kvgahgimiwawa :

HINI UWASI-BIADRCIMOWA ya-sfadoci MAFIYO 4:23

Chena mafhega Ir Galale brmfa Jesise, kvgahgimiwa betiga u msi-kvmikumwrgi, chena nvnvhimiwa ini ugimrwi-drmqa uci uwasi-biadrcimowa, chena gegahiwa jrivhki yagi kvtunawa, macimi jrivhki yagi vhqilugawa alagenv nihi lanvwahi.

YA-SFADOCI MRKV 6:12

Chena nihki luhfaki macimi nvnvhimi-waki wvhsi ilaneki mvtveni si tahawani-wrci.

YASFADOCI LOKU 23:5

Pvyaqv nihki ini vlikv si gcihgrwaki, Hu wesrfihvhi inv nihi lanvwahi, pami kvgahgimiwa srpwi mafhega Cudia, macimi Galalegi uci vlami lvwi brluh’ga utvsi, iwvki.