HINI UWASI-BIADRCIMOWA ya-sfadoci MAFIYO 10:5 - Hini Uwasi-u-Biadrcimowa 1929

⁵ Iuhoni matvhfwi-gita-neswi Jesise u wrwe-nvhi, macimi u tapinvlaqi-mvhi nihi, Tagi nihki Nvnvhkvwi-laneki wvyaci hrku, macimi tagi uttvmv-wahku wiahsi ut udawa-nwv Samalivki :

HINI UWASI-BIADRCIMOWA ya-sfadoci MAFIYO 10:5 Referans Kwoze

YA-SFADOCI JRNE 4:9

Inv Samaliyawi-iqa waciganvhi, Nahiwa inwi ini yasi gelv, waghi Josv, nvtutv-mvwivni manowa, Samaliyawi-iqa nelv? u talrli. (Xvga Josvki mvtv uwasi nhvl-walade-mrwvhi Samaliyawi-lanvwahi).

YASFADOCI LOKU 17:16

macimi mrlrqvhi u fitvli si ulamqi-pvxinoli, niyrwa u melagilo : chena Samaliyawi-lanvwa inv.

YASFADOCI LOKU 9:2

Chena u wrwenaskv-wvhi wvhsi nvnvhimiwa-lici ini u gimrwi-drmkumi Mvnatu, macimi wvhsi gegahr-wrci nihi ya-vhqi-luga-lici.

YA-SFADOCI JRNE 20:21

Waciganvhi nuhgi Jesise, Grmrnelafewa udwafiku gelvwv : yasi inv Ufimv mahci wrwenaskvwici, datapilvhi yone gelvwv gi tasi wrwenasgolapwv, u talvhi.

YA-SFADOCI JRNE 7:35

Nihki Josvki waciganv’ hiwvki alagenv welvwv, Drniwa wa hawv yrmv ilani wvhsi bur gelvwa mkvwvqa? hv ini wa hawv lfwawa-nagi alagenv nihki Qegewi lanvwaki, macimi kvgahgi-mvhi nihi Qegihi?

YA-SFADOCI JRNE 4:5

Wacigan-vhi Samaliyawi udawa si biawv, Svikv sidota, mrlrqvhi ini mrlaghi vsisgi Jakvbe ma-melrci u qihfvli Joseli :

YASFADOCI LOKU 10:33

Wakv nr-nakuti Samaliv, yasi brmrmeci, biawv tv hvpilici nili : chena iah nawrci inv mrci-lapwv gitaminrqi-tahawa,

HINI UWASI-BIADRCIMOWA ya-sfadoci MAFIYO 4:15

Hini Sipulvnewi vsisgi, chena ini Niftalewi vsisgi, Hini msi-napi wvyaci, vlikv ini Jrtane, U Galalemwv nihki Nvnvhkvwi-laneki,

YA-SFADOCI JRNE 8:48

Hrpvfsaki nihki Josvki macimi, Hv mvtv ni uwasi iupa yasi gelv Samaliyawivni, macimi bonvci wvninahfi? u talrwrli.

YA-SFADOCI JRNE 4:20

N’uhfanrki wv usvsilvwaki yomv tvh mvqvhgigi; chena gelvwv ki taiupwv, wvhsi Culosamegi ini tvsi brbiaci usvsilvwawrci ilaneki, u talrli inv iqawv.

YASFADOCI LOKU 10:1

Huwa mviuhqrci ina yolumv wiahi inv Dabalamiwatv u mvmvhi neswrsi kutvkhi, chena mafhega tvsi macimi jrgi udawa ya-lvhfvme-qaci u ta wrwenaskv-wvhi nihi mrsv neswi, wvyaci wrsv hrci welv palocihi.

HINI UWASI-BIADRCIMOWA ya-sfadoci MAFIYO 22:3

chena u wrwenvhi ut vlolrkvnhi wvhsi utvhpimr-wrci nihi yasi vlvno-fulici ini wechadewi wihfancigawa : macimi mvtv wesv biahi nihi.

YA-SFADOCI MRKV 6:7

Chena utvhpi-mvhi nihi matvhfwi-gita-neswi, chena ut v-lami wrwenaskv-wvhi nihi mrsv neswi; macimi u melvhi wvhsi maku-fihtvwr-wrci nihi wivgilah-fihi;

YASFADOCI LOKU 9:1

Chena u mrwvtwi-mvhi nihi matvhfwi-gita-neswi, chena u melvhi wrsikvgi wvhsi makufihtvwr-wrci jrivhki wvninahfihi, macimi wvhsi gegahdo-lici vhqi-lugawanv.

YA-SFADOCI JRNE 17:18

Yasi gelv svpkv’ hini yalakuqvh-kvmigigi si wrwenaskvwivni, datapilvhi yone ini yala-kuqvh-kvmigigi ni tasi wrwenaskvwrki nihki.