HINI UWASI-BIADRCIMOWA ya-sfadoci MAFIYO 10:22 - Hini Uwasi-u-Biadrcimowa 1929

²² Chena gah sega-lamakufe-maku-wrki jrivhki ilaneki xvga ni wefowa uci : pvyaqv inv nvhekv ya-iqi wesigi-tahatv, henv wah wrpvnas-hofu.

HINI UWASI-BIADRCIMOWA ya-sfadoci MAFIYO 10:22 Referans Kwoze

HINI UWASI-BIADRCIMOWA ya-sfadoci MAFIYO 24:13

Pvyaqv inv nvhekv ini yaqi wesigi-fitv, henv inv wah wrpvnas-hofu.

YA-SFADOCI MRKV 13:13

Chena gah segalamakufe-maku-wrki gelvwv jrivhki ilaneki xvga ni wefowa uci : pvyaqv inv nvhekv iahqi wesigi-ta-hatv, henv inv wah wrpvnas-hofu.

HINI UWASI-BIADRCIMOWA ya-sfadoci MAFIYO 10:39

Hinv ma-mkvkv u ta lanvwawewa wah wvntu ini; macimi inv wa-wvndotv u ta lanvwawewa nelv uci wa mkv ini.

HINI UWASI-BIADRCIMOWA ya-sfadoci MAFIYO 24:9

Hina uwa gesanrci-nvmowa-nagi gah si pvgfa-naku-wrki nihki, macimi gah nfaku-wrki : chena gah segalama-kufe-maku-wrki nihki jrivhki dfwa-lanv si lanvwaki xvga ni wefowa uci.

YA-SFADOCI JRNE 17:14

Ni mahci melrki gi kvlvwewa; macimi inv yalakuqvh-kvmigigi u segalamvhi nihi, xvga nihki mvtv inv yalakuqvh-kvmigigi uci-weki, datapilvhi yasi bur nelv inv yalakuqvh-kvmigigi uci-wiv.

YASFADOCI LOKU 6:22

Ki gisrda-lamaku-fipwv cahi gelvwv, ina ilaneki gah sega-lamaku-wrki, macimi nihki u wihgrn-wvhi ga huci nuh-bianaku-wrki, macimi lsgimal-wrqa, chena luhfa-pvgitv-mol-wrqa ki wefowa-nwv brsi ma-jrfigi, xvga nili u Qihfvli ilani uci.

HINI UWASI-BIADRCIMOWA ya-sfadoci MAFIYO 5:11

Ki gisrdalamakufipwv gelvwv ina ilaneki vhtalalwrqa, chena nrnuh-grchalwrqa, macimi jrivhki yagi majrfigi si nrnhrci-malwrqa nelv uci.

YA-SFADOCI JRNE 7:7

Hini ya-lakuqvh-kvmigigi mvtv gitvh kvtvwi segalama-kunrwv; wakv ini ni segalamaku nelv, xvga ni tapinvuqrtutv ini, yasi u pakvtafewa-nigi mvjrfi.

YASFADOCI LOKU 8:15

Chena ini ini uwasi-vsisgegi, iuhgoni ya-laficki brsi dapvsvwigi macimi uwasi-tahawa-nagi u pami machi nodr-nrwv ini kvlvwewa, ud ryetvtanr-nrwv ini, macimi u biado-nrwv mvwifowa weci besi-tahawa.

YASFADOCI LOKU 21:17

Chena gah segalamakufipwv gelvwv yacsiwrci jrivhki ilaneki xvga ni wefowa uci.

YASFADOCI LOKU 21:19

Ki besi-tahawa-nwrgi ga huci vnhiwapwv kita lanvwawewa-nwv.