HINI UWASI-BIADRCIMOWA ya-sfadoci MAFIYO 10:2 - Hini Uwasi-u-Biadrcimowa 1929

² Huwa nili u wefowa-nwv nihki matvhfwi-gita-neswi apvstv-leki vlv-yolumv : Hinv nhihtv, Svimvne, Betv yr-lofutv, macimi u ja-ninrli Andloli; Jamse nili u qihfvli Sapade, macimi u janinrli Jrneli;

HINI UWASI-BIADRCIMOWA ya-sfadoci MAFIYO 10:2 Referans Kwoze

HINI UWASI-BIADRCIMOWA ya-sfadoci MAFIYO 4:21

Chena yoci vlikv hawv, u nawvhi neswi kutvkhi wa-janinrtihi, Jamse, nili u qihfvli Sapade, macimi u janinrli Jrneli, weci u fwrli Sapadeli ini ulvga-lagi, bami cvhtuqanvmuwrci ud rqsqhr-kvnwv; macimi u tah wihkumvhi nihi.

YA-SFADOCI JRNE 12:22

Filvbe biawv macimi u wetvmvwrli Andloli : Andlo biawv, chena Filvbe, macimi nihki u wetvmvwr-wrli Jesiseli.

YA-SFADOCI JRNE 6:8

Nakuti u kvgahgimrfhi, Antlo, Svimvn’ Betv u janinrli, u talrli nili,

YASFADOCI LOKU 5:10

macimi yone ya-iafi-wrci nahfrpi Jamse chena Jrne, u qifhi Sapade, wa-wihgrni-nrcki Svimvneli. Macimi Jesise, Tagi grwilvwaku; yoci inugi ilaneki gah pathvnrki, u talrli Svimvneli.

HINI UWASI-BIADRCIMOWA ya-sfadoci MAFIYO 4:18

Chena brmfa pvkvci ini Galalewi msi-napi, inv u nawvhi neswi wa-janinrtihi, Svimvn’ Betv yr-lofutv, macimi u janinrli Andloli, bami ini msi-napigi ipvgitvmalici hrqvsqhrkv; xvga nr-nvmafgacki nihki.

YASFADOCI LOKU 11:49

Waciganvhi iyoiv nahfrpi ini u laburwa Mvnatu, Ni nah laskvmv-wrki mrmosigesqalici macimi apvstvlihi; chena nrlatv nihi wa nfrwvhi nihki macimi wah nrnuhgrchr-wvhi;

YA-SFADOCI JRNE 21:24

Yrmv inv kvgahgimrfv ba-pvh-nemakv yolumv wiahi si dabwawa, macimi vwiga yolumv wiahi : chena ki wrkudrpa yasi u dabwawa dabwawanigi.

YA-SFADOCI JRNE 21:20

Betv, mrsi kulapi, u nawrli nili kvgahgimrfvli ya-vhqalamrci Jesise nakvsiwali; nileni nahfrpi vttvwvssi vpvcsinoli u pvlagi ini tvh svbrwigi, macimi, Dabalamiwatv, nafvwa inv wvh masdrhahkv? hiuli.

YA-SFADOCI JRNE 21:2

Nitvsi mrwvdwr-beki Svimvn’ Betv, chena Drmuse, Titimvs’ yrlofu, chena Nafani-vle, Ganv uci Galalewi-drmqa, chena nihi u qifhi Sapade, chena neswi kutvkhi u kvgahgimrfhi.

YA-SFADOCI JRNE 20:2

Mamaqi wacigav’ hinv, chena Svimvn’ Betvli si biawv, macimi nili kutvkvli kvgahgimrfvli Jesise ya-vhqalamrci, macimi, Naiahkv nihki ini nabowrlvkugi uci luhfvhrwrli nili Dabalamiwalici, macimi mvtv niwrkutv tvh saximrwrci naiahkv nili, u talvhi nihi.

YA-SFADOCI JRNE 13:23

Ntvsi ini tvh wihfanigi nakuti u kvgahgimrfhi Jesise u pvlagi bami si rpvcsinalici ya-vhqalamrci Jesise.

YASFADOCI LOKU 22:14

Chena ini yrtafvgi iah biayrgi, lamvtvpiwv inv, macimi nihi apvstvlihi weci.

YASFADOCI LOKU 22:8

Macimi Betvli chena Jrneli u wrwenaskv-wvhi, Nhrkuna macimi mvwi macfa-tvwi-nrga ini pamfrsiwawa, wvhsi manvwvhi meci-ivqa, u talvhi nihi.

YASFADOCI LOKU 9:10

Chena nihki apvstvleki, iah bir-wrci patagi, u muhgr-tutvmvwr-wrli si wiahi mviahci lutvmu-wrci nihki. Macimi ud rmwalvhi nihi, chena tabrna si srwa udawa Pafsaita sidota.

YA-SFADOCI MRKV 13:3

Chena yasi lamvtvpici wahsatagi ini Vlifiwi maqvhgigi ya-lvhfvm-fagi ini mvmrtumawi-kvmiqi, Betvli chena Jamseli chena Jr-neli macimi Andloli u gemi nvtuhdr-kuhi,

YA-SFADOCI MRKV 1:29

Chena walanv, iah biaci luhfr-wrci ini msi-kvmiqi uci, ini si biaki ya-drwrci wegiwv Svimvne chena Andlo, gilagi Jamse chena Jrne.

HINI UWASI-BIADRCIMOWA ya-sfadoci MAFIYO 26:37

Macimi Betvli ud rmwa-lrli chena nihi neswi u qifhi Sapade, macimi vlami uqrwafi mvci-labwrwa chena vhqi-patfvgifi.

HINI UWASI-BIADRCIMOWA ya-sfadoci MAFIYO 20:20

Hina uwa utfa-goli nili u giwrli nihki Sapade u qifhi gi-lagi inv u qifhi, usvsilvwaha-goli, macimi u nvtutvmr-goli nr-na-kuti wiahi.

HINI UWASI-BIADRCIMOWA ya-sfadoci MAFIYO 17:1

Chena nakutwvh-fukunv-giki vhkuwihi Jesise ud rmwa-lvhi Betvli, chena Jamseli, macimi u janinrli Jrneli, chena u ta kuqici-walvhi mospv-tanwi maqvhgigi nrnsihkv :

YA-SFADOCI MRKV 6:30

Chena nihki apvstvleki u mrwvsgrmr-wrli Jesiseli; macimi u wetvmvwr-wrli jrivhki wiahi, goqa-nahi-grci mviahci si Ivwe-wrci nihki, macimi goqa-nahi-grci mviahci kvgahgimiwa-wrci.

YA-SFADOCI JRNE 6:67

Waciganvhi Jesise, Hv nahfrpi gelvwv gah wapfapwv? u talvhi nihi matvhfwi-gita-neswi.

YA-SFADOCI JRNE 6:70

Ud rpvftvwvhi Jesise, Hv mvtv nelv gi mvmalapwv gelvwv nihki matvhfwi-gita-neswi, macimi nakuti gelvwv mvci-mvnadowi? u talvhi.

YA-SFADOCI JRNE 6:71

Huwa Josvli ud rcimrli inv nili u qihfvli Svimvn’ Isgalade, xvga yonv inv wvh masdruhrtv nili, nakuti nihki matvhfwi-gita-neswi.