HINI UWASI-BIADRCIMOWA ya-sfadoci MAFIYO 10:15 - Hini Uwasi-u-Biadrcimowa 1929

¹⁵ Tapilo gi tala-pwv nelv, Hini wa hvliwi grgilwa-wafeiv ini Srtvmewi vsisgi macimi ini Kumrlvwi vsisgi ini tvh jaiahqvh-kuwawi gesagigi, notv yomv udawa.

HINI UWASI-BIADRCIMOWA ya-sfadoci MAFIYO 10:15 Referans Kwoze

YA-SFADOCI MRKV 6:11

Chena goqa-grci-tvsi mvtv ga hutvhpana-gopwv, macimi mvtv nihki ga hvhkvwah-drku-wrki, yasi ini uci wapfa-yaqa, pvpvwv-tanv-muku ini paqi ya-dagi sebrci ki fidwrgi wvhsi u dabwawani-wrci nihki.

HINI UWASI-BIADRCIMOWA ya-sfadoci MAFIYO 12:36

Chena gi talapwv nelv, jrgi si naluhci kvlvwewa ga-kvlvwiwrci ilaneki, wah meliwaki tapv-svwrcimowa ntvsi ina jaiahqvh-kuwawi grsagigi.

HINI UWASI-BIADRCIMOWA ya-sfadoci MAFIYO 5:18

Xvga tapilo gi talapwv nelv, Brluhi manqvtwi macimi vsisgi-drmqa wa hvsanu, mvtv nakuti gcimrlacihi walr nakuti-paqa wa hini kutaladewa-nagi uci wiahisi vsanwi, brluhi jrivhki wiahi wah mahciludota.

HINI UWASI-BIADRCIMOWA ya-sfadoci MAFIYO 7:22

Maci, Dabalamiwatv, Dabalamiwatv, hv mvtv gi wefowa uci ni mosigesqr-cimupa, chena gi wefowa uci ni luhfa pvgilrpa wvninahfeki, macimi gi wefowa ni uci lvwepa maci mvgeci pakvtaf ewanv? na higoki ina grsagigi.

YA-SFADOCI JRNE 6:39

Chena vlv-yomv ini u tasi tahawa inv wa-wrwenaskvwitv, wvhsi jrivhki ini inv mviahci melici uci tagi wvndoiv wiahi, wakv wi hunsgrnvmv ini ina tvh jaiahqi gesagigi.

YA-SFADOCI JRNE 6:40

Xvga yomv ini u tasi tahawa n’Uhfv, wvhsi jrgi wiyafv ya-lrpvmrtv nili Uqihfimrli, macimi dapwahsa nili, wih bonvgi goqa-lrqvsi lanvwawewa; macimi nelv na hunsgrnv inv tv hini jaiahqi gesagigi.

YA-SFADOCI JRNE 12:48

Inv ya-rlvwinitv, macimi mvtv utvhpanrnv ni tayowanv, u bonrli nakuti wvh tapuwrlakuci : hini kvlvwewa ga-kvlvwiv, ini ivskv wah tapuwrlaku inv ina jaiahqi grsagigi.