HINI UWASI-BIADRCIMOWA ya-sfadoci MAFIYO 10:1 - Hini Uwasi-u-Biadrcimowa 1929

¹ Chena u tah wihku-mvhi u kvgahgimrfhi matvhfwi-gita-neswi, macimi u melvhi nihi vliwi simakufewa notv wivgilah-fihi, wvhsi luhfa-pvgilr-wrci nihi, macimi wvhsi gega-hiwa-wrci jrivhgi si kvtunawa chena jrivhgi si vhqi-lugawa.

HINI UWASI-BIADRCIMOWA ya-sfadoci MAFIYO 10:1 Referans Kwoze

YASFADOCI LOKU 10:19

Wrpvtvmuku, gi mahci melalapwv simakufewa wvhsi kvgalkv-waqa mvnadoki macimi ga-kvhkvsrpi-lajacki, chena wvh’ simakufih-tvmvwaqa jrivhgi ini u wesikvtuwewa inv mvdaladewanv : macimi mvtv-wiahi gah wiahisi vhqipanvlaku-nrwv.

YASFADOCI LOKU 24:49

Macimi wrpvtv-muku, usgici gelvwv ni ta sfvtu ini u gisrcimiwawa n’Uhfv : pvy-aqv gelvwv vpiku ini udawa-nagi, brluhi betaniga-hofuyaqa wrsikvgi spamagi uci, u talvhi nihi.

YA-SFADOCI JRNE 3:27

Hrpvfsa Jrne macimi, Ilani kvtvwi utafi mvtv-wiahi, waciwaphi manqvtugi uci mahci melata ini.

YASFADOCI LOKU 6:13

Chena ini iah whr-pvgi grsa-gigi, utvhpi-mvhi u kvgahgimrfhi; macimi nihi uci magi-nvhi matvhfwi-gita-neswi, niheni nahfrpi apvstvleki u tasi wenvhi :

YASFADOCI LOKU 21:15

xvga gah melalapwv udoni macimi laburwa, wv hrlwi ilafihtv-muwrci jrivhki ki mvdaladewa-nwrki walr nvnvhkutv-muwrci.

YA-SFADOCI JRNE 17:2

datapilvhi yasi inv melvci gelv simakufewa wvhsi makufihtvgi jrivhki wivufi, wvhsi jrivhki nihi mviahci melvci, melrci goqalrqvsi lanvwawewa.

YA-SFADOCI JRNE 6:70

Ud rpvftvwvhi Jesise, Hv mvtv nelv gi mvmalapwv gelvwv nihki matvhfwi-gita-neswi, macimi nakuti gelvwv mvci-mvnadowi? u talvhi.

YA-SFADOCI JRNE 3:35

Hinv Ufimv ut vhqalamrli nili Uqihfimrli, macimi u laciwilici si meliwa jrivhki wiahi.

HINI UWASI-BIADRCIMOWA ya-sfadoci MAFIYO 26:47

Chena ia-haiahi gawvgi kvlvwi-lici, cah yrmv, Jotvse biawv, nakuti nihki matvhfwi-gita-neswi, chena weci nili maci mahsa-la-giki u gisghikv-neki chena cifhikvnv, nihki uci ugimrwi mkvtauku-lvyaki chena lanvwaki u gigi-lane-mwvhi.

HINI UWASI-BIADRCIMOWA ya-sfadoci MAFIYO 26:20

Huwa ia hulrqe-figi, lamvtv-piwv tvh wihfanigi weci nihi matvhfwi-gita-neswi kvgahgimrfhi;

HINI UWASI-BIADRCIMOWA ya-sfadoci MAFIYO 19:28

Macimi Jesise, Tapilo gi tala-pwv nelv, gelvwv naiahkv na-nakvsi-yaqa, mi lrpi-lanvwawewa-nagi ina inv u Qihfvli ilani wa ipvpi ini u wvhfrci-makufewa uci ugimrwi-vhpvbewa, nahfrpi gelvwv ga ipvpi-nrwv matvhfwi-gita-neswi ugimrwi-vhpvbewanv, pamvh-kuwrlr-wrki nihki matvhfwi-gita-neswi u dwalo-wanhi Iswelv, u talvhi.

HINI UWASI-BIADRCIMOWA ya-sfadoci MAFIYO 6:13

Chena tagi myrsi-vshadewa-nagi si biasinrga, wakv inv uci udwaninrga mvci wiyafv.

HINI UWASI-BIADRCIMOWA ya-sfadoci MAFIYO 4:23

Chena mafhega Ir Galale brmfa Jesise, kvgahgimiwa betiga u msi-kvmikumwrgi, chena nvnvhimiwa ini ugimrwi-drmqa uci uwasi-biadrcimowa, chena gegahiwa jrivhki yagi kvtunawa, macimi jrivhki yagi vhqilugawa alagenv nihi lanvwahi.

HINI UWASI-BIADRCIMOWA ya-sfadoci MAFIYO 9:35

Chena mafhega nili udawanv macimi nili udawanafv brmfa Jesise, pami kvgahgimiwa u msi-kvmikum-wrki, chena pami nvnvhi-miwa ini uwasi-biadrcimowa ini ugimrwi-drmqa uci, macimi pami gega-hiwa jr-ivhgi si kvtunawa macimi jrivhgi si vhqi-lugawa.

HINI UWASI-BIADRCIMOWA ya-sfadoci MAFIYO 9:38

Mvmrtumahku waciganvhi inv Dabalatvkv ini kvwvsqhrwa, wvhsi ini laskv-wrci br-pakvta-filici u kvwvsqhrwa-nagi.