Zakarie 8:2 - O Debleskro Drom 2021 (Sinte)

² Kowa penell o baro Dewel, ko rai pral o bolepen un i phub: “Me hom pherdo baro kamlepen o foreske Zion. Miro dji nashell, te well lo kau foreske ap i rig. Un miri choli well ap kolende, kai kamenn leskre menshen gar.

O Debleskro Lab 2024 (Sinte-Manouche)

² Kova penell o baro Devel, ko ray pral o bolepen oun i phoub: “Me hom pherdo baro kamlepen o foreske Sion. Miro dji nashell, te vell lo kava foreske ap i rig. Oun miri rholi vell ap kolende, kay kamenn leskre menshen gar.

Zakarie 8:2 Referans Kwoze

Joel 2:18

Palle well o baro Debleskro kamlepen bares an leste peskro themeske, un job krell peskro dji pre peskre menshenge.

Nahum 1:2

O baro Dewel hi i Dewel, kai kamell, te mangenn i menshe kek wawar debles an har les kokres. Leskri choli well pral kolende, kai hadenn pen pral leste. Kolen, kai kamenn lestar tchi te djinell, dell job i phagi. Un bistrell gar, hoi jon ap leste kran.

Jesaja 63:15

Dik dran o bolepen tele, un dik tele dran tiro railo kheer! Kai hi tiro kamlepen, hoi menge chatchell? Kai hi tiri soor? Hi tut buder kek dji un kek latchepen menge?

Jesaja 59:17

Un jaake har riwell i lurdo i sasterno gad an, jaake riwell job o tchatchepen an. Un jaake har i lurdo i sasterni stadi ap peskro shero tchiwell, jaake tchiwell job o kurepaskri bacht ap peste. Leskri choli hi har i plaashka ap leste, te dell lo kolende pengri phagi, kai i wawarenge tchilatchepen kran.

Nahum 1:6

Koon nai atchell tardo glan leskri choli? Koon nai atchell djido, te well lo chojedo? Leskri choli chatchell har i jag. Ninna i berge phagenn an kotja glan leste.

Zakarie 8:1

Un o baro Dewel, ko rai pral o bolepen un i phub penas:

1. Familjakro liil 12:19

Kote was o Debleskro ducho pral o Amasai, ko pralstuno pral i trijanda sorele kurepangre, un job penas: David, tire ham mer! ap tute rikrah men, tu o Isajeskro tchawo! Latchepen un bacht mu well pral tute, un ninna pral kolende, kai pash tute hi! Tiro Dewel hi ap tiri rig! Koi las len o David pash peste, un kras lendar pralstune pral peskre lurdende.