Zakarie 4:7 - O Debleskro Drom 2021 (Sinte)

^7-8 “Un hoi hi kol dui djeteskre ruka”, penom me, “hoi tchatches un serwes pash i momelengri tardo hi, un hoi hi lengre dui kashta, kolengro djet an kol dui sonakangre koola nashell?”

O Debleskro Lab 2024 (Sinte-Manouche)

^7-8 “Oun hoy hi kol douy djeteskre rouka”, penom me, “hoy čačes oun serves pash i momelengri tardo hi, oun hoy hi lengre douy kashta, kolengro djet an kol douy sonakangre koola nashell?”

Zakarie 4:7 Referans Kwoze

Jeremia 51:25

Babilon, tu marepaskri berga, tu, kai o merepen anal pral i tseli phub, dik, me wau pral tute, penell o baro Dewel. Me taprau tut miro wasteha, un witsrau tut i berga tele. Hoi tutar atchell hi chatchede barra.

Zakarie 4:9

Un job putchas: “Djineh gar, hoi kolla hi?” Me penom: “Na-a, miro rai.”

Micha 4:1

O tsiro wella, kai hi koi berga soreles tardo, kai o baro Debleskro kheer tardo hi. Kai berga hi bareder har i tsele wawar berge. Un pash late wenn i menshe dran i tsele themma.

Debleskri gili 118:22

Ko bar, hoi i budepangre ap i rig witsran, kowa was ko sorelo bar, ap koleste o kheer tardo hi.

Debleskri gili 114:4

I berge stan har bakre, un i tikne berge har terne bakre.

1. Petro 2:7

Kau bar hi kutch tumenge, kai patsenna. Kau bar hi gar kutch kolenge, kai gar patsenna. Jon perenn pral kau bar, un choirenn pen koi pral, jaake har tchinlo hi an o Debleskro lab: Ko bar, hoi kol budepangre ap i rig witsran, kowa was ko bar, ap koleste ko tselo kheer tardo hi; pral ko bar perenn i menshe, un choirenn pen koi pral. Kolla kai patsenn gar ap o Debleskro lab, perenn pral leste. Jaake hunte djal lenge.

Bičepangre 4:11

Kowa hi ko bar, kai tumer ap i rig witsran. Kowa was i bar, kai hidjrell o tselo kheer.

Jesaja 41:15

Jaake har dell i hacho o djob win peskro tchinepaskro wurdineha, jaake krau tutar i newo tchinepaskro wurdin, koles sasterne danda hi har tchurja, te dess i berge khetne, te wenn le tchik, un i tikne berge har phuss, hoi i ducho krik phurdell.

Debleskri gili 114:6

Un tumer berge, hoi his tumentsa, te stan har i bakre? Hoi his tumentsa, tumer tikne berge, te stan har terne bakre?”

Remarja 11:6

Kran jon latcho koowa? Un doleske rodas lo len win? Na-a! Te krals lo kowa, wals peskro kamlepen gar o tchatcho kamlepen.

Micha 1:4

Tel leskre pire wenn i berge tikno har i momeli, hoi tele chatchell, un perenn tele an i tala, jaake har o pani i berga tele nashell.

Jesaja 28:16

Doleske penell o baro Dewel, maro rai: Ap i berga Zion tchiwau i sorelo bar, ap koleste miro kheer tardo well. Sorelo un kutch hi ko bar un rikrell lauter win. Ap leste hi tardo: Koon ap mande patsell, nashell peske gar.

Debleskro tsiro 16:20

Un hako them, hoi an o baro pani tchiddo hi, djas tele. Un i berge his buder gar koi.

Efesarja 2:20

I tsele Debleskre menshe hi har jek kheer, kerdo dran barra. Tumer han kol barra, hoi hi tardo ap i telstune barra. I telstune barra hi o Jesus Kristeskre bitchepangre un o Debleskre rakepangre. O Jesus Kristo hi ko sorelo bar, hoi rikrell o tselo kheer khetne. Un o kheer well baro un bareder, un well i shukar kheer, kai o Dewel djiwella.

Louka 20:17

Un o Jesus dikas ap lende, un penas: “Hi tchinlo an o Debleskro lab: His i bar, kai i budepangre lestar penan: Kowa hi tchi moldo. Ko bar las o Dewel un tchiwas les jaake an o kheer, te rikrell lo ko tselo kheer khetne.

Louka 3:5

Krenn, te well haki berga tikneder! Un hadenn ko them, hoi mank i berge tchiddo hi! O bango drom te well buder gar bango! Un o djungelo drom te well mishto kerdo.

Mateo 21:42

Penas o Jesus ap lende: “Djinenn tumer gar, hoi an o Debleskro lab tchinlo hi? Kote hi tchinlo: His i bar, kai i budepangre lestar penan: Kowa hi tchi moldo. Ko bar las o Dewel un tchiwas les jaake an o kheer, te rikrell lo ko tselo kheer khetne. O Dewel kras kowa, un kowa hi i baro koowa menge.

Jeremia 33:11

kote well pale sapen shunlo un bachteli gole. O pirno un leskri pirni, kai i bijab krenn, giwenn pale. Un wawar anenn viechen an miro kheer, te parkrenn le pen pash mande, un giwenn koi pashel: Parkrenn tumen pash o baro Debleste, ko rajeste pral o bolepen un i phub; job hi kamles ap mende. Hako tsiro hi leskro latchepen menge koi. Me krau te djal kau themeske pale jaake mishto, har leske glan kowa djas.

Markus 12:10

Djinenn tumer gar, hoi an o Debleskro lab tchinlo hi? Kote hi tardo: His i bar, kai i budepangre lestar penan: Kowa hi tchi moldo. Ko bar las o Dewel un tchiwas les jaake an o kheer, te rikrell lo ko tselo kheer khetne.

Mateo 21:21

Penas o Jesus: “Tchatchepah, me penau tumenge: Tumer te patsenn ap o Debleste, te krell lo nai hako koowa, palle nai krenn tumer ninna budeder, har me krom kau rukeha. Tumer penenn nai ap koi berga: Hade tut un witse tut an o baro pani! Un kai berga krell kowa.

Habakuk 3:6

Tchiwell job peskro piro ap i phub, palle trissell li. Lell job i wawar themma an o jak, trashenn i tsele menshe. Kol bare phure berge phagenn an kotja, un kol tikne phure berge perenn khetne, te nashell job – har an o phuro tsiro – pral i phub.

Esra 3:10

Un har tchiwan i budepangre i telstune barra pre o baro Debleskro khereske, his i rashaja koi tardo an pengre rashajengre ripja un phurdan an pengre phurdepangre. Un i Levitarja, kolengro phuro dad o Asaf his, kolen his pengre bashepangre, hoi kharenn Zimbale, ninna pashel, te nai sharenn le o baro Debles, jaake har o David, ko baro rai pral Israel kowa penas.

Debleskri gili 84:11

Jek diwes ap i platsa glan tiro kheer hi feteder har i serja wawar diwessa. Me kamau budeder te wap tardo pash o wudar glan tiro kheer, har te djiwap pash i tchilatchende.