Zakarie 10:1 - O Debleskro Drom 2021 (Sinte)

¹ Mangenn o baro Deblestar, te dell lo brishin ap o tchatcho tsiro. Kowa hi o baro Dewel, kai krell i pesse wolke, un dell tumen doha brishin halautereske, hoi ap i phub bares well.

O Debleskro Lab 2024 (Sinte-Manouche)

¹ Mangenn o baro Deblestar, te dell lo brishin ap o čačo tsiro. Kova hi o baro Devel, kay krell i pesse volke, oun dell t'men doha brishin halautereske, hoy ap i phoub bares vell.

Zakarie 10:1 Referans Kwoze

Jesaja 44:3

Me tchorau pani ap o them, koles trush hi, un lengste panja nashenn an o truk them. Miro ducho tchorau ap kolende, kai tutar wenna, un miro latchepen ap tire tchawende.

Jakobo 5:7

Mire phrala, dikenn ap o diwes, kai well maro rai Jesus pale, un awenn gar khino an tumare djia, jaake har i hacho dikell ap ko diwes, kai peskro kutch djob bares was. Job djinell, o brishin hunte well un krell i phub sapeno, un pal i tsiro hunte dell pale brishin, te well o djob bares. O tselo tsiro well o hacho gar khino an peskro dji.

Ezekiel 36:37

Kawa penell o baro Dewel, maro rai: Ninna kowa krau i menshenge dran o kheer Israel: Te mangenn le mandar, mukau lendar jaake bud te well, har hi len bakre.

Jesaja 30:23

Palle dell o baro Dewel brishin ap o djob, hoi tu ap tiro kotar phub win witsral. Un tiri phub anell jaake bud djob win, te well tut budeder har doha maro. Un tire viechen well doha senlepen te chal ap i buchlo senelo them.

Debleskri gili 65:9

Un i menshenge ap i tseli phub atchell o rakepen krik glan ko baro koowa, hoi tu kral. Kotar, kai o kham pre djal bis kote, kai lo tele djal, mukeh tu halauteren te sal un bachteles te well.

5. Mose 28:23

Un dell kek brishin, un i phub tel tumende well jaake sorelo har bar.

Johanni 16:23

Ap ko diwes, putchenn tumer mandar tchi. Tchatchepah, me penau tumenge: Te mangenn tumer miro dadestar tchomone an miro lab, kowa dell job tumen.

Micha 5:7

Kolla, kai atchan pral o Jakobeskre menshendar, hi i menshenge an i wawar themma har i lewo mank i wawar viechende an o weesh, har i terno lewo mank i bakre. Job perell pral lende, marell len un dandrell len khetne. Un kek nai rikrell les pale.

Amos 4:7

Triin tchon glan kowa kai anan tumaro djob dren, rikrom o brishin pale. Un me dom brishin ap jek foro un gar ap i wawar. O brishin peras ap jek hachetikri phub, un koi wawar phub, kai kek brishin das, meras tele.

Hosea 10:12

Djiwenn an o tchatchepen, te well latchepen dran tumaro djipen! Krenn tumaro dji newes pre o baro Debleske, jaake har i hacho i newo kotar phub pre krell o djobeske. Kanna hi o tsiro, te rodenn man, o baro Debles. Palle wau un tchorau o latchepen pral tumende win har i brishin.

Ezekiel 34:26

Un me tchiwau miri bacht ap lende un ap o tselo them, hoi trul miri berga hi. Un dau brishin an o tchatcho tsiro. Kau latcho brishin krell,

Jeremia 14:22

Kek dewel, koles i menshe an wawar themma an-mangenna, nai bitchrell brishin! Witar gar dell o bolepen dran peste brishin! Na-a, maro baro Dewel, tu hal kowa, kai krell sawo koowa. Doleske dikah ap tute.

Jeremia 10:13

Te dell job gole, well bud pani khetne an o bolepen; i wolke mukell job te well fun dural, un mukell jag pral un tele karje te dell an o brishin. Ninna o phurdepen well win dran peskro kheer.

Jesaja 5:6

Un me mukau ko them tchiddo, har lo hi. I ruka wenn gar pale tchinlo, un i phub gar trujel witsedo. Palle wenna subjengre burra un subjengro senlepen bares koi pre. Un me penau o brishineske, te perell lo gar koi tele.

Gosewe laba 16:15

Te dikell o baro rai latches ap jekeste, nai djiwell kowa pre. Un leskro kamlepen hi har i brishin, hoi mukell o djob bares te well.

Debleskri gili 104:13

Dran o bolepen deh tu brishin ap i berge, un kreh te well i phubjat doha pani.

Jeremia 51:16

Te dell job gole, well bud pani khetne an o bolepen; i wolke mukell job te well fun dural, un mukell jag pral un tele karje te dell an o brishin. Ninna o phurdepen well win dran peskro kheer.

1. Rajengro liil 17:1

O Elija dran o gab Tishbe an o them Gilead penas ap o Ahab: “Me penau tuke an o lab o baro Deblestar, kai o Israeleskro djido Dewel hi, glan koleste hom me tardo: An kol bersha, hoi kanna wenna, dell kek brishin, witar gar djal i sapeno ducho pre dran i phub, bis te penau me kowa.”

1. Korintarja 3:6

Me hom har i hacho, kai witsras o djob an i phub. O Apollo hi har jek, kai tchoras o pani pre. Un o Dewel mukas o djob bares te well.

Hosea 6:3

Mer te das jak koi pre o tselo djijestar, te prindjras o baro Debles! Job wella! Kowa hi jaake tchatcho, har o kham hako diwes pre djala. Job wella, har i brishin pash mende wella, awa, har i brishin pal o wend i phub sapenes krella.

Debleskri gili 72:6

Muk les te well har o brishin, hoi perell ap i phub, har o pani, hoi krell o them sapeno.

Hiob 29:23

Jon dikan ap mande, te rakrap, har kamenn le, te well brishin. un pijan mire laba, har i hachetikri phub o brishin pijell.

Debleskri gili 135:7

Job mukell wolke pral i phub pre te djal, dell brishin ap i phub, ninna koi jag, hoi ap o bolepen pre un tele karje dell. Job anell o baro ducho win, hoi pral i phub phurdell.

Jeremia 5:24

An pengro dji penenn le gar: Mer te dikas pre ap maro baro Debleste! Job bitchrell menge o brishin an o tchatcho tsiro, brishin an o wend un brishin an i nijal, te well men o djob chapaske an ko tchatcho tsiro.