Zakarie 1:12 - O Debleskro Drom 2021 (Sinte)

¹² Koi penas o bolepaskro: “Baro Dewel, tu rai pral o bolepen un i phub, har rah kameh tu gar tiro dji pre te krell i menshenge an Jerusalem un an i wawar forja an o them Juda? 70 (efta-deesh) bersha hal chojedo pral lende.”

O Debleskro Lab 2024 (Sinte-Manouche)

¹² Koy penas o bolepaskro: “Baro Devel, tou ray pral o bolepen oun i phoub, har rah kameh tou gar tiro dji pre te krell i menshenge an Yerusalem oun an i vavar forya an o them Youda? 70 (efta-deesh) bersha hal rhoyedo pral lende.”

Zakarie 1:12 Referans Kwoze

Zakarie 7:5

“Pen i tsele menshenge an o them un kol rashajenge: Har chan tumer tchi un dan gole ropah an o pantchto tchon un an o eftato tchon an kal efta-deesh bersha, kran tumer kowa mange? Na-a!

Daniel 9:2

An kau ersto bersh, kai job kote o baro rai his, dom me, o Daniel, jak ap kowa, hoi an o Debleskre lila tchinlo hi, kote kai penell o baro Dewel ap peskro rakepaskro, o Jeremia, te atchell o foro Jerusalem 70 (efta-deesh) bersha khetne dino tchiddo.

Jeremia 29:10

Kowa penell o baro Dewel: Ap ko tsiro, kai hi i Babilonarja efta-deesh bersha i raja pral tumende, dikau me pale ap tumende, te rikrap miro latcho lab un anau tumen pale khere.

Debleskri gili 102:13

Tu, baro Dewel, atcheh hake tsirenge, tut denn le an-gole an ko tsiro, hoi wella.

Debleskri gili 74:10

Miro Dewel, har rah mukeh tu len pal tute te sal? Mukeh tu len hako tsiro tiro lab te praassell?

Debleskro tsiro 6:10

Un dan soreles gole un penan: “Baro Dewel un tchatcho rai, ab sik un rake i phagi win pral kolende ap i phub, kai maran men. De len ko tchilatchepen pale, hoi jon ap mende kran!”

Zakarie 1:8

Me dikom an i rati i murshes, kai klissas ap i lolo grai. Job atchas tardo an i tala mank i mirtetikre ruka. Pal leste his wawar graja: lole graja, kalo-parne graja un parne graja.

2. Familjakro liil 36:21

Glan i rah tsiro penas o Mose ap i Israelitarja: “Hako eftato bersh hunte budrell kek tumendar ap peskri hachetikri phub, te lell i phub pale newi soor!” Ap ko lab rikran pen i Israelitarja gar. Kanna atchas ko them efta-deesh bersha muklo tchiddo. Jaake was ko lab tchatcho, hoi o baro Dewel o Jeremijeske an o mui tchiwas: “O them atchell muklo tchiddo efta-deesh bersha, bis te kol bersha trujel hi, kolen i Israelitarja gar dren rikran.”

Hebrearja 7:25

Doleske nai krell lo, te djal kek kolendar nashedo, koon job pash o Debleste anas. Job djiwell hako tsireske, un mangell o Debles lenge.

Jesaja 63:9

dran ko tselo pharo koowa, hoi ap lende tchiddo his. Kek wawar, kek bolepaskro un kek bitchepaskro was lenge ap i rig. Na-a job kokres was, un las len dran kowa lauter win. Dran leskro tselo dji kamas lo len un his lenge latches. Doleske las lo len koi win, hadas len pre, un hidjras len hake diwessa an ko phuro tsiro.

Debleskri gili 69:5

Budeder har mire balla ap miro shero hi kolla, kai hi chojedo ap mande, ninna te krom me len tchi. Un kolen, kai kamenn mange tchilatchepen, hi bari soor, un kamenn man te marell. Me krom len tchi, un hunte dap kowa pale, hoi me gar tchorom.

Debleskri gili 102:10

An tiri choli dal tu man trad, hadal man pre un witsral man pale tele ap i phub. Doleske chau jagakri tchik har maro. Un mire swa perenn an miro pipen.

Jeremia 12:4

I rah tsiro hi kau them kek brishineha, un ko tselo senlepen meras tele. I vieche un i tchirkle meran. Kowa lauter was dran o tchilatchepen kol menshendar, kai kate djiwenn. Jon penenna: O Dewel dikell gar, hoi krah.

Jeremia 15:17

Me nai hom gar wawar menshentsa bachteles khetne beshdo, un sau lentsa, tu tchiwal tiro wast ap mande, un hom kokres. Tiri choli pral kal menshende was ninna an mande.

Jeremia 30:18

Kowa penell o baro Dewel: Me anau mire menshen pale khere an pengro them, un krau miro dji haki familjake pre. Un o foro Jerusalem well pale pre-tchiddo ap peskre berge, un o baro rajeskro sorelo kheer kote, kai lo tardo his.

Daniel 12:6

Un job penas ap ko mursheste, kai an laintikre koola rido his, un pral ko lengsto pani tardo his: “Kaana hi ko tsiro, kai kau baro sorelo koowa pre herella?”

Habakuk 1:2

Baro Dewel, har rah hunte dap gole, un tu kameh man gar te shunell? Har rah hunte dap gole glan tute: “Dik, hawo tchilatchepen hi kate!” Un tu kameh menge gar ap i rig te well?

Debleskri gili 79:5

Baro Dewel, har rah atchell tiri choli ap mende? Har rah chatchrell li har i jag?

Sikepaskro 3:3

Dell jek tsiro, kai well maredo, un jek tsiro, kai well o dukepen sasto; jek tsiro, kai well o kheer tele phagedo, un jek tsiro, kai well o kheer pre-tchiddo.

Jesaja 47:6

Me homs chojedo pral mire menshende, un tchiwom len pale mandar, har te wans le buder gar mire, un dom len an tiro wast. Un tut his kek dji lenge. Ninna ap i phurende tchiwal tu tiro pharo wast un dal len phari budi.