Tito 2:15 - O Debleskro Drom 2021 (Sinte)

¹⁵ Pen kawa lauter i patslenge! Rake an lengre djia! Te krenn le tchomone, hoi gar mishto hi, pen les lenge an o Debleskri soor! Hakeno hunte shunell ap tute.

O Debleskro Lab 2024 (Sinte-Manouche)

¹⁵ Pen kava lauter i patslenge! Rake an lengre djia! Te krenn le čomone, hoy gar mishto hi, pen les lenge an o Debleskri zoor! Hakeno hounte shounell ap toute.

Tito 2:15 Referans Kwoze

2. Timoteo 4:2

Pen i menshenge o Debleskro lab! Kre kowa un muk gar tele, ninna te kamenn i menshe kowa gar te shunell! Sike len lengri doosh! De len trad, te mukenn le o tchilatchepen! Kre lengre djia soreles an o patsepen! Un ab gar khino, te sikress len o tchatcho drom!

Tito 1:13

Un kowa, hoi ko sikepaskro penas, hi tchatcho. Doleske pen lenge, hoi pash lende gar mishto hi, un de len trad, te djan le tchatches ap o Debleskro drom.

1. Timoteo 5:20

Kolla, kai kran tchilatcho koowa, kolen dess trad glan lauterende, te well kol wawaren daar.

Mateo 7:29

Job rakras bari sorjah, un gar jaake har lengre tchatchepangre rakran.

Markus 1:22

Un jon kran bare jaka pral kowa, hoi job lenge penas. Job rakras bari sorjah un gar jaake har i biboldengre tchatchepangre rakrenna.

Louka 4:36

Un halauter kran bare jaka. Un jon rakran jek o wawareha, un penan: “Hawe sorele laba! Job rakrell sorele labentsa ap i bengende, un jon djan dran i menshende win.”

Markus 1:27

Un lenge atchas o rakepen krik. Un jon putchan mank pende: “Hoi hi kowa? I newo drom sikrell lo men i bari sorjah. Les hi ninna penepaske pral i benga. Un jon shunenn ap leste, un wenn dran i menshende win.”

1. Petro 4:11

Das tut o Dewel gole, te rakress o Debleskro lab, palle rake o Debleskro lab! Das tut o Dewel i soor, te budress i patslenge, palle kre kowa an o Debleskri soor! Jaake sharah mer o Debles an halauter, hoi o Jesus Kristo men das. Les hi o railepen un i soor kanna un hako tsiro. Amen!