Tito 2:13 - O Debleskro Drom 2021 (Sinte)

¹³ Un mer dikah ap ko bachtelo diwes, kai well o Jesus Kristo pale an o shukar railepen. Job hi maro baro Dewel, kai las men dran o tchilatchepen win.

O Debleskro Lab 2024 (Sinte-Manouche)

¹³ Oun mer dikah ap ko barhtelo dives, kay vell o Yezous Kristo pale an o shoukar raylepen. Yob hi maro baro Devel, kay las men dran o čilačepen vin.

Tito 2:13 Referans Kwoze

2. Timoteo 4:8

Kowa, hoi kanna glan mande hi, hi ko shukar koowa, hoi kolla lenna, kai kran, hoi o Dewel kamella. Un kowa dell man maro rai Jesus. Job hi ko tchatchepaskro rai, kai djal pal o tchatchepen. Ko shukar koowa dell lo man ap ko diwes, kai job o tchatchepen wi-rakrell pral i tsele menshende. Ko shukar koowa dell job gar mande kokres. Job dell kowa lauterende, kai dikenn o tselo djijestar ap ko diwes, kai well lo pale.

1. Korintarja 1:7

Tumen hi haki soor, hoi o Debleskro Ducho della. Un tumer dikenn ap ko diwes, kai well maro rai, o Jesus Kristo, pale.

Mateo 16:27

Me hom o Mensheskro Tchawo. Un me wau pale ap i phub an o railepen, hoi das man miro dad an o bolepen. Un mantsa wenna mire bolepangre. Un palle dikau ap hakeneste, hoi job kras. Un me dau latcho koowa kolen, kai latcho koowa kran. Un me dau i phagi kolen, kai tchilatcho koowa kran.

Tito 1:2

Jon hunte djinenn, te lenn le o djipen, hoi gar pre-herella. Kowa penas o Dewel glan i rah tsiro. Un job chochella gar.

Markus 14:62

“Me hom kowa,” penas o Jesus, “un ko diwes wella, kai dikenn tumer o Menshengro Tchawes, har hi lo beshdo ap i tchatchi rig o sorelo Deblestar, un har well lo an i wolke dran o bolepen.”

Hebrearja 9:28

jaake hunte meras o Jesus Kristo jek kopo i menshenge, te lell lo i doosh bud lendar ap peste. Ap ko tsiro, kai well lo i duito kopo, well lo gar, te lell lo i doosh i menshendar krik. Na-a. Palle well lo kolenge, kai tchiwan pengro dji ap leste, te lell lo len pash peste, un te dell lo len lauter kowa, hoi hi lenge an o bolepen.

2. Petro 3:18

Djiwenn bud un budeder dran o latchepen, hoi maro rai, o Jesus Kristo, tumen della! Job las men win dran o tchilatchepen. Prindjrenn les bud un budeder! Sharedo well job kanna un hako tsiro. Amen.

2. Korintarja 4:4

Jon patsenn gar ap leste. O beng, kai o rai hi pral kai phub, kras len korelo, te dikenn le gar, hawo latchepen well dran o latcho lab o Jesus Kristestar. Ko lab sikrell men o Jesuseskro railepen. Un job hi jaake har o Dewel.

Remarja 15:13

Un o Dewel, kolestar o tselo latchepen wella, ap koleste dikah, lestar mangah, te wenn tumer tchalo i bachtjatar an o dji dran tumaro patsepen, jaake te djinenn tumer: Ko latchepen, hoi dell men o Dewel an o tsiro, hoi wella, kowa well tchatchepah. Un o Debleskro Ducho dell tumen i soor, te dikenn bud un budeder ap o Debleste.

Remarja 5:5

Un kau patsepen mukell jekes gar nashedo te djal. O Dewel kamell men o tselo djijeha. Kowa sikras men o Debleskro Ducho, hoi o Dewel an mende das.

2. Petro 1:1

Me, o Simon Petro, tchinau kau liil. Me budrau o Jesus Kristeske un hom leskro bitchepaskro. Me tchinau ap lauterende, kai lan ninna ko patsepen har mer. Ko kutch patsepen, kai tchiwas men an o tchatchepen glan o Debleste, das men maro Dewel un o Jesus Kristo, kai las men dran o tchilatchepen win.

1. Petro 1:7

Kowa wella pral tumende, te well tumaro patsepen sorelo. Jaake har o sonakai an i jag djudjo un kutch kerdo wella, jaake hunte well tumaro patsepen ninna djudjo un kutch kerdo. Tumaro patsepen hi budeder moldo har o sonakai, hoi atchell gar. Te atchell tumaro patsepen sorelo, palle sharell tumen o Dewel un krell tumen bares un railes ap ko diwes, kai well o Jesus Kristo pale.

1. Petro 1:3

Mer sharah o Debles, ko dades maro rajestar, o Jesus Kristestar. O Dewel kamas men jaake bud, te was job maro dad un das men o newo djipen. Un an mare djia djinah soreles, jaake har job o Jesus Kristes i mulendar djido kras,

2. Timoteo 4:1

Kowa, hoi kanna penau tuke, penau glan o Debleste un glan o Jesus Kristeste, kai krell o tchatchepen win pral i djidende un i mulende. Job, kai well pale, te well lo baro rai pral i tsele menshende, kowa shunell, hoi tuke penau:

2. Korintarja 4:6

An o phuro tsiro, kai his halauter kali rat, penas o Dewel, te well diwes. Un koi was diwes. Jaake kras lo ninna mare djia pre, te atchas gar tamlo an mare djia, te haiwas mer o Debleskro railepen. Kowa dikah, te dikah ap o Jesus Kristeste.

Bičepangre 24:15

Me patsau ninna har jon, kai kolla, kai meran, pale djido wenna: kol latche un kol tchilatche.

Markus 8:38

I menshe an kau tsiro hi tchilatcho un mukan o Debles. Kowa, kai ladjell pes mange un mire labenge glan kolende, koleske ladjau me ninna, te wau me, o Mensheskro Tchawo, pale ap i phub. Ap ko diwes hi man o railepen, hoi das man miro dad an o bolepen. Un mantsa wenna o Debleskre bolepangre.

Debleskro tsiro 1:7

Dikenn, job wella dran o bolepen, un hakeno dikell les, ninna kolla, kai les ap o trushel dan. Un an hake themma rowenn le pral leste, un penenn le: “Patsams mer ap leste!” Awa, jaake hunte well kowa. Amen.

Tito 3:4

Kowa lauter was wawartchandes, har o Dewel mende sikras, har latcho un kamlo job ap i menshende hi. Job las men dran o tchilatchepen win

Kolossarja 3:4

Ap ko tsiro, kai nai dikell hakeno o Jesus Kristes, dikenn le ninna tumen pash leste an leskro railepen.

Kolossarja 1:23

Jek koowa hunte krenn tumer: Atchenn ap o Jesuseskro drom! Patsenn soreles ap leste! Mukenn gar tele, te dikenn ap kowa, hoi tumen hi pash o Debleste! Rikrenn soreles ap leskro latcho lab, hoi tumenge penlo was! Ko lab was penlo ap i tseli phub. Ninna me, o Paulo, hunte penap ko lab i menshenge. Kowa hi miri budi.

Jesaja 25:9

Ap ko diwes penell hakeno: Dik, kowa hi maro Dewel! Ap koleste rikram men, te well lo ap mari rig. Job hi maro baro Dewel, ap koleste men rikram! Giwas i bachtjatar: Job las men win dran o merepen.

1. Johanni 4:14

Mer dikam, kai o Dewel, maro dad, peskro tchawes bitchras. Doleske penah mer i menshenge, kai job kowa hi, kai lell len win dran o tchilatchepen un o merepen.

Kolossarja 1:5

Tumaro patsepen un kamlepen well dran kowa, kai dikenn tumer ap ko diwes, kai djiwenn tumer o Debleha khetne an o bolepen. Kowa shunan tumer ap ko tsiro, har tumenge o latcho lab o Jesus Kristestar penlo was. Un ko lab hi tchatcho.

Mateo 26:64

Penas o Jesus: “Awa, hi jaake, har tu penal. Un kanna penau tumenge: Ko tsiro well sik, kai dikenn tumer o Menshengro Tchawes, har hi lo beshdo ap i tchatchi rig o sorelo Deblestar, un har well lo ap i wolke dran o bolepen.”

Mateo 25:31

Un o Jesus penas: Ap ko diwes, kai well o Mensheskro Tchawo an peskro tselo railepen, un leha wenna i tsele bolepangre, palle hi lo o rai pral halauter, un rakrell o tchatchepen win pral i tsele menshende ap i phub.

2. Tessalonikarja 2:16

O Dewel hi maro dad un kamell men o djijestar. Job hi menge latcho, un penell menge an o dji, te kras lo lauter menge mishto, un te lell lo men pash peste hako tsireske. Lestar mangah un maro rajestar, o Jesus Kristestar,

2. Tessalonikarja 2:8

palle sikrell pes ko tchilatcho mensho, har job tchatchepah hi. Koles marell maro rai Jesus ap ko diwes, kai well lo pale. Job phurdell ap leste, un kowa merella.

Kolossarja 1:27

Kolen sikras o Dewel, har baro un shukar ko drom hi, hoi anell ninna kol menshen pash leste, kai kek bibolde hi. Un ko drom hi o Jesus Kristo, kai djiwell an tumende. Doleske djinenn nai, te djiwenn tumer leha khetne an o bolepen.

Remarja 8:18

Me patsau soreles, kol duka, hoi an kau tsiro ap mende wenna, hi bud bud tikneder har ko baro railepen, hoi o Dewel men della an ko tsiro, hoi wella.

1. Timoteo 1:1

Me, o Paulo, tchinau kau liil. Me hom o Jesus Kristeskro bitchepaskro, te penap i menshenge leskro lab. Jaake kamell kowa o Dewel, kai lell men dran o tchilatchepen win, un o Jesus Kristo, ap koleste patsah.

2. Timoteo 1:2

Me tchinau ap tute, Timoteo. Tu hal miro latcho tchawo an o patsepen. Latchepen, kamlepen un bacht tuke! Kowa dell tut o Dewel, maro dad, un o Jesus Kristo, maro rai, an o dji!

Tito 1:4

Me tchinau ap tute, Tito. Tut un man hi jek patsepen. Doleske hal tu har miro tchatcho tchawo. Mu well tut latchepen un bacht an o dji! Kowa dell tut o Dewel, maro dad, un o Jesus Kristo, kai las men dran o tchilatchepen win.

Judas 1:21

Un rikrenn tumen an o Debleskro kamlepen! Un dikenn ap maro rajeste, o Jesus Kristeste! Kowa hi jaake latcho ap mende, te dell lo men o djipen, hoi gar pre-herella.