Tito 2:12 - O Debleskro Drom 2021 (Sinte)

¹² An peskro latchepen penell lo menge, te penas “na-a” ap lauter, hoi job gar kamella, te kras mer ko djungelo koowa gar, hoi kol wawar kate ap i phub krenna. Mer das jak, hoi krah, te djas ap o tchatcho drom, un te kras, hoi o Dewel kamella, jaake rah har mer djiwah ap kai phub.

O Debleskro Lab 2024 (Sinte-Manouche)

¹² An peskro lačepen penell lo menge, te penas “na-a” ap lauter, hoy yob gar kamella, te kras mer ko djoungelo koova gar, hoy kol vavar kate ap i phoub krenna. Mer das yak, hoy krah, te djas ap o čačo drom, oun te kras, hoy o Devel kamella, yaake rah har mer djivah ap kay phoub.

Tito 2:12 Referans Kwoze

Ezekiel 36:27

Me dau miro ducho an tumende, un me krau sawe menshe tumendar, kai krenn, hoi tumendar kamau, un djiwenn pal mire tchatchepaskre laba, un rikrenn len dren.

Mateo 16:24

Palle penas o Jesus ap peskre malende: Koon ap miro drom mantsa djala, kowa hunte bistrell, hoi leske kokres mishto hi, un hunte lell peskro trushel ap peste, un djal mantsa.

Remarja 6:19

Me penom tumenge kowa jaake, te haiwenn man nai. Har hans gomme gar patslo, kran tumer djungelo un tchilatcho koowa. Un o tchilatchepen an tumende was baro un bareder. Kanna hi kowa wawartchandes. Doleske krenn kowa, hoi latcho un tchatcho hi! Jaake djiwenn tumer o Debleskro djipen.

Debleskri gili 4:3

Murshale, har rah tserdenn tumer miro lab an i tchik! Tumer rodenn pal kowa, hoi tchi moldo hi, un kamenn o chochepen.

2. Petro 2:9

O Dewel, maro rai, haiwell garda te dell ap kolende, kai les kamenna, te perenn le gar o tchatcho dromestar tele. Job haiwell ninna kol tchilatchen pandlo te rikrell, te lenn le pengri phagi ap ko diwes, kai well o tchatchepen wi-rakedo pral i tsele menshende.

1. Johanni 2:6

Koon penella, te atchell lo o Debleha khetne, kowa hunte djiwella jaake, har o Jesus Kristo djiwas.

2. Timoteo 3:12

Djiness, lauter kolla, kai patsenn ap o Jesus Kristeste un kamenn te krenn, hoi job kamella, wenn palla lino.

Debleskro tsiro 14:12

Doleske hunte wenn o Debleskre menshe soreles tardo an o patsepen, kolla lauter, kai krenna, hoi o Dewel kamella, un djan tchatchepah ap o Jesuseskro drom.”

Louka 1:75

jaake te djiwas mer leske i djudjo un latcho djijeha jaake rah, har djiwah.

1. Tessalonikarja 4:7

O Dewel das men gole, te djiwas i djudjo djipen. Job das men gar gole, te kras djungelo koowa.

Tito 3:3

Glan ko tsiro, kai hams gar patslo, hams ninna sawe menshe, kai prindjran o tchatchepen gar. Mer shunam gar ap o Debleste, un djam gar ap leskro drom. Hams pandlo ap djungelo koowa, hams tchilatcho un dikam tchilatche jakentsa ap kowa, hoi i wawaren his. Hams tchilatcho un chojemen ap i wawarende, un jon ap mende.

1. Tessalonikarja 4:9

Me hunte tchinap tumenge gar, te well tumen i baro dji i patslenge. O Dewel penas tumenge kowa an o dji.

Efesarja 2:2

Tumer djan ap o tchilatcho drom, jaake har i wawar menshe, un shunan ap o bengeste. Kowa hi o rai pral i tchilatche sorja mashkral o bolepen un i phub. Un job budrell an i djia kolendar, kai shunenn gar ap o Debleste.

Remarja 12:2

I menshe ap kai phub djiwenn pal pengro shero. Ma djiwenn jaake har jon! Mukenn tumen o Deblestar newes te krell, te haiwenn tumer, hoi job kamella: kowa, hoi hi latcho un mishto un tchatcho.

Remarja 6:12

Mukenn gar o tchilatchepen o rai pral tumende te well! Tumer djinenn, kai well o diwes, kai hunte merenn. Ma krenn ko djungelo koowa, hoi an tumaro dji hi!

Mateo 28:20

Penenn lenge, te rikrenn le ap lauter, hoi me tumenge penom! Tchatchepah, me hom pash tumende hako diwes jaake rah, har i phub koi hi.”

1. Johanni 2:27

O Jesus Kristo das tumen o Debleskro Ducho. Kowa atchell an tumende. Doleske hunte well tumen kek wawar sikepaskro. O Debleskro Ducho sikrell tumende o tselo Debleskro drom. Un lauter, hoi job tumende sikrell, kowa hi tchatcho un kek chochepen. Krenn kowa, hoi o Debleskro Ducho tumende sikrella! Jaake atchenn tumer o Jesus Kristeha khetne.

2. Petro 3:11

Mer djinah, kai lauter jaake paash djala. Doleske hunte kras mer lauter, te atchas o Debleha, un djiwas jaake, har job kamella.

Hebrearja 8:11

Kek hunte penell ap peskro phraleste, witar gar ap koleste, kai djiwell pash leste: Tu hunte hatsess o Debles! Hakeno djinella, koon me hom. I tikne un i bare prindjrenn man.

1. Timoteo 6:17

Pen kol brawelenge, te rikrenn jon pen gar bareder har wawar, un te tchiwenn jon pengro patsepen gar ap o brawlepen, hoi gar atchella. Mer tchiwas maro patsepen ap o Debleste, kai dell men lauter djipaske, jaake te nai djiwas bachteles.

1. Timoteo 4:12

Ninna te hal tu terno, ma muk tut ap i rig te tchiwell! Tu djiwess jaake, te dikenn i wawar patsle, har hunte djiwenn jon. Kowa dikenn le ap tire laba, tiro djipen, tiro kamlepen i wawarenge, tiro patsepen ap o Jesuseste, un tiro djudjo dji.

Kolossarja 1:22

Kanna wan tumer o Debleskre mala. Har peskro tchawo tumenge meras, las lo tumari doosh tumendar un kras tumen djudjo un erligo glan leste.

Galatarja 5:24

Kolla, kai djiwenn o Jesus Kristeha, kolla anan ko tsele tchilatcho koowa, hoi jon kran, pash o Jesuseste. Un kanna penenn le ‘na-a’ ap o djungelo koowa, hoi kamell an lengro dji te well.

Galatarja 1:4

Job meras, te lell lo mari doosh ap peste. Kowa kras lo, te lell lo men win dran ko tchilatcho tsiro, an hoi mer djiwah. Kowa kamas o Dewel, maro dad jaake.

2. Korintarja 7:1

Mire phrala, kol latche labentsa penas o Dewel, hoi kamell lo menge te krell. Doleske mukas mer kol tselo djungelo koowa, un kras mare djia djudjo, te djiwas latches un tchatches glan o Debleste, jaake har job mendar kamella.

2. Korintarja 1:12

Maro dji penell menge, mer djiwam maro djipen tchatches un djudjes, jaake har o Dewel kamella. Doleske nai sharah men. Mer rakram pral o Debleskro latchepen un penam tchi, hoi wella dran maro menshengro goswepen. Tumer djinenna, jaake djiwam gar kokres mank i wawar menshende, na-a, ninna pash tumende.

Remarja 8:13

Te djiwenn tumer tumaro phuro djipen, merenn tumer. Te djiwenn tumer jaake, har o Debleskro Ducho kowa kamella, un penenn ‘na-a’ ap o tchilatchepen, hoi an tumaro shero hi, palle djiwenna.

Bičepangre 24:25

Un o Paulo penas lenge, te hunte rikrenn le pen ap o Debleskro tchatchepen, te krenn le kek wi-ladjedo koowa, un te well ko tsiro, kai hakeno glan o Debleste tardo hunte well. Un o Felix las traash, un penas ap o Pauleste: “Kau kopo nai djah tu. Un te hi man tsiro, mukau tut pale gole te dell.”

Bičepangre 24:16

Doleske krau lauter te djiwap jaake, te well man hako tsiro i djudjo dji glan o Debleste un glan i menshende.

1. Johanni 5:19

Mer djinah, kai ham o Deblestar. I tsele wawar menshe ap i phub hi an o bengeskro wast.

Efesarja 1:4

Har o bolepen un i phub gar koi his, rodas lo men win, te djas ap o Jesuseskro drom. Job rodas men win, te dell lo men i djudjo dji, te hatsell lo kek doosh ap mende. Jaake bud kamas lo men,

Johanni 14:30

Man hi buder gar bud tsiro, te rakrap tumentsa. O beng, kai hi o rai pral kai phub, wella. Les hi kek soor pral mande.

Johanni 6:25

Kote hatsan le les, un putchan lestar: “Sikepaskro, kaana wal tu kate?”

Louka 1:6

O Zachari un i Elisabet his latcho an o Debleskre jaka. Un jon shunan ap o Debleste, un kran lauter, hoi an o Debleskro lab tchinlo his.

Debleskri gili 105:45

Kawa kras lo, te rikrenn le leskre laba, un shunenn ap kowa, hoi job lenge penas. Sharedo well o baro Dewel!

Judas 1:18

Jon penan: Glan ko tsiro, kai maro rai Jesus pale wella, wenna sawe menshe, hoi san pral o Debleskro koowa, un djiwenn jaake, har jon kamenna un krenn, hoi o Dewel gar kamella.

2. Timoteo 4:10

O Demas mukas man, un djas an o foro Tessalonika. Job kamell o djipen ap kai phub. O Kreskens djas an o them Galatia, un o Tito an o them Dalmatia.

Mateo 12:32

Un jek te penell djungele laba pral o Menshengro Tchaweste, jaake nai bistrell lo kowa. Jek te rakrell djungele laba pral o Debleskro Ducho, kowa bistrell lo an kek tsiro, gar an kau tsiro, un witar gar an ko tsiro, kai wella.

1. Timoteo 6:9

Kolla, kai kamenn brawele te well, kolla perenn an o bengeskro wast, un anenn pen an bud dinelo un djungelo koowa. Un kowa anell len an i bibacht un mukell len tele te djal.

Jakobo 1:27

Kanna penau tumenge, hoi o Dewel, maro dad, kamella, un hoi hi latcho glan leskre jaka: Krenn latchepen i tchorwele djuwjenge, kolen kek rom buder hi! Krenn ninna latchepen kol tchorwele tchawenge, kolen kek dad un dai buder hi! Ma mukenn tumen dren an ko tchilatcho koowa, hoi i menshe ap kai phub krenna.