Sikepaskro 8:7 - O Debleskro Drom 2021 (Sinte)

⁷ Mer djinah gar, hoi wella. Koon nai penell menge, har halauter wella?

O Debleskro Lab 2024 (Sinte-Manouche)

⁷ Mer djinah gar, hoy vella. Koon nay penell menge, har halauter vella?

Sikepaskro 8:7 Referans Kwoze

Sikepaskro 10:14

Ko dinelo krell bud laba un haiwas gar, kai kek mensho djinella, har halauter wella. Un kek nai penell leske, hoi pal leste wella.

Mateo 24:50

palle well leskro rai pale ap i diwes, kai o budepaskro gar patsell, te well job. Ap jek kopo hi lo koi,

Sikepaskro 9:12

Ninna djinell o mensho peskro tsiro gar, un well tapedo an o tchilatcho tsiro, hoi ap jek kopo pral leste perell, jaake har i matche tapedo wenn an i netsa, un i tchirkle an pandle dorja.

Gosewe laba 24:22

Sik well i bibacht pral sawende. Nai djineh tu, hawi bibacht o baro Deblestar un o baro rajestar nai well?

Mateo 24:44

Doleske penau tumenge: Denn garda! Me, o Mensheskro Tchawo, wau pale an i tsiro, kai tumer gar djinenna.

Sikepaskro 6:12

Kek djinella, hoi o mensheske mishto hi an peskro djipen, hoi jaake tikno hi. Kau diwes hi lo koi un o wawar diwes buder gar. Un koon nai penell o mensheske, hoi pal leste wella ap kai phub?

Sikepaskro 3:22

Jaake dikom dren, tchi hi feteder, har te krell i mensho bachteles peskri budi; i bachtelo dji hi leskro brawlepen. Kek nai penell o mensheske, hoi ap i phub djala, te hi lo buder gar koi.

Gosewe laba 29:1

Koon mukell pes tchi te penell, un djal hako tsiro pal peskro shero, sawo wella ap jek kopo phagedo, un kek hi palle koi, kai hadell les pale pre.

Sikepaskro 7:14

Te hi tut i latcho tsiro, palle muk les tuke latches te djal. Te hi tut i djungelo tsiro, palle dikess dren: O Dewel kras ko jek tsiro har ko wawar, te djinell o mensho gar, hoi wella an kol diwessa, kai wenna.

Ester 5:12

Un o Haman penas: “Un pash kowa lauter kamas i rani Ester, te well kek wawar pash o chapen pashel, hoi joi o baro rajeske kras, har man kokres. Un ninna taissar kamell li, te wap me o baro rajeha pash late te chal.

Gosewe laba 27:1

Ma share tut pral kowa, hoi hi tut glan o wawar diwes! Tu djineh gar, hoi tuke ko diwes anell.

Sikepaskro 9:1

Kowa halauter lom ap miro dji, te haiwap kowa: Tchatche un gosewe, un halauter hoi jon krenna, hi an o Debleskro wast. Kek djinella, wenn i wawar latches ap leste? Wenn le chojedo ap leste? Kowa lauter well diklo an ko tsiro, hoi wella.