Sikepaskro 8:6 - O Debleskro Drom 2021 (Sinte)

⁶ Lautereske, hoi i mensho krella, well o tsiro, kai well o tchatchepen pral leste wi-rakedo. Un o mensheskro tchilatchepen hi phares ap leste tchiddo.

O Debleskro Lab 2024 (Sinte-Manouche)

⁶ Lautereske, hoy i mensho krella, vell o tsiro, kay vell o čačepen pral leste vi-rakedo. Oun o mensheskro čilačepen hi phares ap leste čiddo.

Sikepaskro 8:6 Referans Kwoze

Sikepaskro 3:1

Halauter, hoi djal ap i phub, koles hi peskro tsiro. Halauter, hoi krah, djal an o tchatcho tsiro:

Sikepaskro 3:17

Kote penom mange: O Dewel rakrell o tchatchepen win pral koleste, kai djiwell an o tchatchepen, un pral koleste, kai djiwell an o tchilatchepen. Hako koowa, un halauter, hoi jek krell, koleske dell i tchatcho tsiro.

Sikepaskro 3:11

Hako koowa, hoi o Dewel krell, krell lo ap o tchatcho tsiro. Un job tchiwas o mensheske an o dji, te haiwell lo, kai hi tchomone koi, hoi atchell hako tsiro. Ninna te hi kowa jaake, nai haiwell o mensho gar ko tselo koowa, hoi o Dewel krell, kokres tikne kotja kolestar.

Louka 13:25

Te stell o rai pral o kheer pre un krell o wudar pandlo, palle han tumer win tardo, un tumer denn gole: Rai, kre menge o wudar pre! Un ko rai penella: Me prindjrau tumen gar.

Sikepaskro 11:9

Terno mursh, muk tiro dji te giwell an tire terne bersha! Ab bachtelo jaake rah, har terno hal. Kre, hoi tiro dji tuke penella un tire jakentsa mishto hi; un biste gar, te well i diwes, kai rakrell o Dewel o tchatchepen win pral tute un halauter, hoi kral.

Hiob 10:13

Ninna te his jaake, djinau, khatedo an tiro dji his tut tchomone wawar mantsa glan:

Hiob 33:17

te anell lo len tele pengro tchilatcho dromestar, un te rikrell lo len pale, te wenn le pre-phurdo.

Hiob 33:19

Nai well, te bitchrell o Dewel i mensheske duka, te dell lo les jaake trad – sawe duka, hoi witsrenn les ap o tchiben un djan leske an leskre tsele kokale.