Sikepaskro 7:9 - O Debleskro Drom 2021 (Sinte)

⁹ De garda te wess gar sik chojedo! Koon choirell pes pral halauter, hi dinelo.

O Debleskro Lab 2024 (Sinte-Manouche)

⁹ De garda te vess gar sik rhoyedo! Koon rhoyrell pes pral halauter, hi dinelo.

Sikepaskro 7:9 Referans Kwoze

Jakobo 1:19

Mire kamle phrala, djinenn: Hako mensho hunte lell peske tsiro, te shunell lo. Job te kamell te rakrell, palle hunte putchell lo pestar, te hi kowa mishto, hoi job kamell te penell. Un job hunte well witar gar sik chojedo.

Gosewe laba 14:17

Koon sik an i choli well, krell jek dinelo koowa pal o wawar. Un koon lell pes tchilatchepen glan, pral koleste hi le chojedo.

Gosewe laba 16:32

Jek, kai gar sik chojedo wella, hi feteder har i tchatcho kurepaskro. Un koon o rai pral peste hi, hi budeder moldo har jek, kai i tselo foro dren lell.

Markus 6:19

Un i Herodia his chojedo ap o Johanneste un kamas les te marell, un joi kras les nashte gar.

Jona 4:9

Un o Dewel penas ap o Jona: “Hawo tchatchepen hi tut, te choiress tut jaake pral ko bur, hoi tele meras?” Un job penas: “Tchatchepah, mange hi jaake tchatcho, te choirap man, te kamau te merell.”

2. Samuel 19:43

Koi penan kol tsele mursha dran o them Juda ap kolende dran Israel: “O baro rai hi jek mare menshendar. Hoske han tumer koi pral chojedo? Mer cham an kek tsiro o baro rajeskro chapen. Un job was menge gar latcheder har tumenge?”

2. Samuel 13:22

O Absalom rakras gar peskro phraleha, o Amnon, gar tchilatches, witar gar latches, jaake midjak his lo ap leste, doleske, kai job ap leskri phenjate bari ladj anas.

2. Samuel 13:28

O Absalom penas ap peskre lurde: “Denn jak! Te pijas pes o Amnon mato, un te penau me ap tumende: ‘Denn o Amnones khetne!’ palle denn les mulo! Ma trashenn! Me penom tumenge, te krenn kowa. Awenn tchatche mursha un krenn kowa kek trashah!”

Markus 6:24

Un koi tchai djas win pash peskri date, un putchas latar: “Hoi mangap lestar?” Koja penas: “O shero o Johannestar, kowa kai taufras i menshen.”

2. Samuel 13:32

Koi penas o Jonadab, koleskro dad o Davideskro phraal Shimea hi: “Miro rai, ma pats, kai tire tsele mursh tchawe mulo hi! O Amnon kokres hi mulo. Leskro merepen kamas o Absalom jaake rah, har kowa leskri phenjat an i bari ladj anas.

1. Mose 4:8

O Kain penas ap peskro phraleste Abel: “Am! Djas win ap o them!” Un har jon win ap o them his, hadas pes o Kain ap peskro phraleste Abel un das les mulo.

Gosewe laba 14:29

Kowa, kai gar sik chojedo well, hi gosewo. Koon sik chojedo wella, sikrell har dinelo job hi.

Sikepaskro 7:10

Ma pen: An o phuro tsiro his halauter feteder har kanna! Te wals tu gosewo, penals tu kowa gar!

Gosewe laba 25:8

Ma dja sik pash i tchatchepangre murshende, te peness lenge, hoi dikal. Te well palle i wawar un sikrell, kai hi tut gar tchatcho, hoi kreh tu palle?

Jona 4:3

Un kanna, baro Dewel, le miro djipen mandar! Miro merepen hi mange mishto, budeder har te djiwap!”

Jona 4:8

Un har o kham ap o bolepen tardo his, mukas o baro Dewel i tato phurdepen dran o mulo them te well, un o kham das jaake tchurje ap o Joneskro shero, te nashras lo peskri soor. Un job kamas te merell un penas: “Miro merepen hi mange mishto, budeder har te djiwap!”