Sikepaskro 7:7 - O Debleskro Drom 2021 (Sinte)

⁷ Ninna o gosewo well har i dinelo, te mukell lo pes te ginell. Dell jek leste lowe, te krell lo, hoi gar tchatcho hi, un job lell kol lowe an, palle nai djal lo buder gar pal o tchatchepen.

O Debleskro Lab 2024 (Sinte-Manouche)

⁷ Ninna o gosevo vell har i dinelo, te moukell lo pes te ginell. Dell yek leste love, te krell lo, hoy gar čačo hi, oun yob lell kol love an, palle nay djal lo bouder gar pal o čačepen.

Sikepaskro 7:7 Referans Kwoze

5. Mose 16:19

Te hal tu i tchatchepaskro, hunte dess tu koles peskro tchatchepen, koon an o tchatchepen hi. Tu dikess gar koi pre, koon glan tute tardo hi. Te dell jek tut kutch koowa, te dess tu les tchatchepen, ma le kowa an! Koon sawo shukar kutch koowa an-lell, well korelo o tchatchepaske, un dikell buder gar, koon an o tchatchepen hi.

2. Mose 23:8

Te hi jek an o tchingepen i wawareha un kamell tut te ginell, te dess les tchatchepen, ma le kowa, hoi job kamell tut dell! Koon sau koowa an-lell, well korelo o tchatchepaske un dikell buder gar, koon an o tchatchepen hi.

Gosewe laba 17:23

O tchilatcho kamell i lowe, hoi leske tchorchanes dino well, te rissrell lo o tchatchepen trujel.

Jesaja 1:23

Tire pralstune hadan pen pral mande un djan khetne i tchorepangre. Un hakeno lendar mukell pes te ginell. Un kol tchawe, kolen kek dai un kek dad hi, kolenge krenn le kek tchatchepen win. Un ko koowa kol djuwjendar, kolengro rom meras, mukenn le gar glan pende te well.

Sikepaskro 4:1

Palle dikom halauter, hoi gar tchatcho hi ap i phub. Me dikom i swa kolendar, kai dan le lenge gar lengro tchatchepen, un kolenge kek ap i rig was. Kolla, kai kran lenge tchilatchepen, his sorelo. Doleske was kek ap lengri rig.

Gosewe laba 17:8

Kowa, kai wawaren tchorchanes lowe dell, te krenn le, hoi job kamell, an koleskre jaka hi peskre lowe har durkepangre barra, hoi anenn leske bacht an hako koowa.

1. Samuel 8:3

Jon djan gar o drom har lengro dad, un rodan kowa, hoi lenge o feteder his, un lan tchorchanes lowe, un phagan o tchatchepen.

5. Mose 28:65

Mank kol menshende hatsenn kek platsa, kai khere han un atchenn nashte. Un o baro Dewel dell tumen kote i dji, hoi o tselo tsiro darell. An tumare jaka hi kek djipen buder. Un tumer kamenn buder gar te djiwell.

Jesaja 33:15

Kolla, kai an o tchatchepen tardo hi, un rakrenn, hoi tchatcho hi; kolla, kai kekeske chochepah lowe tele lenn, te wenn le brawelo, un tserdenn pengre wasta pale, te kamell jek len lowe te dell, te anenn le chochepen pre; kolla, kai shunenn gar ap kolende, kai kamenn jekes te marell, un kolla, kai djan gar kolentsa, kai o tchilatchepen krenn,

1. Samuel 12:3

Doleske hom kanna glan tumende tardo: Stenn pre un rakrenn kate glan o baro Debleste un glan o baro rajeste, kones job win rodas: Koneskri grumni lom me? Koneskri esla? Kones chochrom me? Konestar lom i sorjah, hoi leske his? Konestar mukom man te plaissrell, te pandap mire jaka glan leskro tchilatcho koowa. Me te krom kowa, palle kamau les me pale te dell.”

Sikepaskro 5:8

Hi feteder o themeske, te hi les i baro rai, kai dikell koi pre, te well ap o hachetikro them budedo, te well i menshen doha djipaske.

Sikepaskro 8:9

Kowa halauter dikom, un lom halauter an o jak, hoi well kerdo ap kai phub, kai hadell pes jek pral o wawareste un krell les bibachtelo.

1. Samuel 21:14

Un job kras glan lengre jaka jaake, har te wals lo dinelo. Har kaman le les an-taprell, was lo diwjo, un tchinas sikepen ap i bare wudja un mukas peskri tchunger an peskri tchora te nashell.