Sikepaskro 7:26 - O Debleskro Drom 2021 (Sinte)

²⁶ Un me hatsom tchomone, hoi shutleder hi har o merepen, – i djuwel, kai i murshen taprell; kolakro kamlepen hi har dorja, kolentsa len pandell li; lakre mussja, hoi le trul lende tchiwell hi har shelle. I mursh, kai mishto hi glan o Debleskre jaka, kowa nai nashell peske latar; o dinelo well latar tapedo.

O Debleskro Lab 2024 (Sinte-Manouche)

²⁶ Oun me hatsom čomone, hoy shoutleder hi har o merepen, – i djouvel, kay i morshen taprell; kolakro kamlepen hi har dorya, kolentsa len pandell li; lakre moussya, hoy le troul lende čivell hi har shelle. I morsh, kay mishto hi glan o Debleskre yaka, kova nay nashell peske latar; o dinelo vell latar tapedo.

Sikepaskro 7:26 Referans Kwoze

Gosewe laba 22:14

O mui i wawareskro romjatar hi har i gruba, hoi dur tele an i phub djal. Un kolla perenn dren, pral kolende o baro Dewel chojedo hi.

Sikepaskro 2:26

Kol menshe, kai djiwenn jaake har glan o Debleste mishto hi, kolla lenna lestar goswepen un bacht an o dji. Kolla, kai djan o Debleskro dromestar tele, kolen mukell lo te budrell un brawlepen khetne anell, hoi pal i tsiro i wawareske well, jekeske, kai djiwell jaake har glan o Debleste mishto hi. Palle his leskri tseli budi tchitcheske, un jaake har te nashals lo pal o ducho, hoi djal pral i phub.

Gosewe laba 2:16

Ma kre har jon, te peress gar dren ap i shukar laba i djuwjatar kai i wawareskri romni hi,

Gosewe laba 9:18

Un job djinell gar, te hi kote i mule. Kolla, kai pash late wenn, hi ap ko drom, kai an o merepen djal.

2. Mose 10:7

Kote penan i pralstune ap o Farao: “Har rah anell kau mursh gomme bibacht pral mende? Muk kol menshen te djal, te mangenn le lengro baro Debles an. Haiweh tu gar, te djal i tseli Egiptia nashedo?”

Gosewe laba 6:23

Kowa, hoi tiro dad un tiri dai tuke pashel anan, hi har i momeli ap tiro drom. Te denn le tut trad, rikrenn le tut ap o drom, hoi o djipen anell.

Gosewe laba 6:24

Lengre laba rikrenn tut pale, te djas gar pash i romjate i wawarestar, te shuness gar ap i shukar laba i wawar djuwjatar.

Sikepaskro 7:27

Dik, penell o sikepaskro, kowa hi, hoi hatsom win, har dikom ap jek koowa pal o wawar, te haiwap kau tselo koowa feteder.

1. Mose 19:35

Koi dan jon rati pengro dades mool te pijell. Un i terneder tchai djas un tchiwas pes pash leste. Ninna kau kopo haiwas job gar, har joi pes pash leste tchiwas, witar gar, har joi lestar pre stas.

1. Mose 39:9

Kek hi bareder an kau kheer har me. Un miro rai rikras tchi peske har tut kokres. Tu hal leskri romni. Har nai anau hawi bari doosh ap mande, te krap kowa, hoi o Dewel gar kamella?”