Sikepaskro 7:12 - O Debleskro Drom 2021 (Sinte)

¹² O goswepen hi har lowe. Kones kolestar doha hi, kowa hunte darell gar. Leskro goswepen rikrell o gosewes an o djipen.

O Debleskro Lab 2024 (Sinte-Manouche)

¹² O gosvepen hi har love. Kones kolestar doha hi, kova hounte darell gar. Leskro gosvepen rikrell o goseves an o djipen.

Sikepaskro 7:12 Referans Kwoze

Gosewe laba 8:35

Ko mensho, kai man hatsas, kowa hatsas o djipen, un o baro Dewel dikell latches ap leste.

Gosewe laba 3:18

Har i ruk, hoi o djipen dell, hi o goswepen hakeneske, kai les an peste pre-lell. Bachtele hi lauter, kai o goswepen an pengre djia rikrenn.

Gosewe laba 2:7

Kolen, kai an o tchatchepen tardo hi, dell lo, hoi len hunte well. Un dell jak ap kolende, kai leskro drom djan, te krell lenge kek tchomone.

Johanni 17:3

Kowa hi ko djipen, hoi gar pre-herella: Te prindjrenn jon tut, kai tu hal o tchatcho Dewel, un te prindjrenn jon o Jesus Kristes, koles tu bitchral ap kai phub.

Johanni 12:50

Me djinau, leskro lab dell tumen o djipen, hoi gar pre-herella. Doleske rakrau me kowa jaake, har miro dad les mange penas.”

Gosewe laba 11:4

O brawlepen hi i brawelenge tchi moldo ap ko diwes, kai o Debleskri choli pral i menshende well. Kol menshe, kai an o tchatchepen tardo hi, wenn win lino dran o merepen.

Čačepangre 9:15

Kote penas o subjengro bur: Kamenn tumer tchatchepah, te wap me rai pral tumende? Palle awenn pash mande, un khatrenn tumen tel mande glan o kham! Un te krenn kowa gar, palle djal jag win dran o subjengro bur, un chatchrell i zedertikre ruka, hoi ap i berga Libanon tardo hi!

Filiparja 3:8

Awa, kowa lauter, hoi me ap ko tsiro patsom un krom, hi mange kanna buder tchi moldo. Me prindjrau kanna o Jesus Kristes. Job hi miro rai. Doleske hi ko tselo wawar koowa mange har tchik, un tchi moldo. O Jesus Kristes kokres kamau te prindjrell budeder.

Jesaja 33:6

Un tumer menshe an Jerusalem, tumenge well i tsiro, kai hunte darenn tchi. Bud bacht un goswepen well tumenge. Tumer djinenn, hoi tumenge mishto un gar mishto hi, un djiwenn o baro Debleha. Job hi tumaro bareder brawlepen.

Jesaja 32:2

Un hakeno lendar hi har i kheer, kai jek nai khatrell pes glan i baro phurdepen, un glan i baro sorelo brishin. Awa, jon hi har i panja an i mulo them, un har i baro bar pal koleste jek pes khatrell, te chatchell o kham tele an i tato them.

Gosewe laba 9:11

Me, o goswepen, dau tut i lengsto djipen, krau, te djiweh bud bersha.

Gosewe laba 2:11

Un tu deh jak, har te djiwess, un djineh, hoi mishto hi,

Debleskri gili 57:1

I gili o rajeske pral o gipangre, te giwell har koi gili ‘Ma mare men’. O David tchinas kai gili an ko tsiro, har job glan o Saul ap o naashepen his, un pes an koi grotta khatras.

Hiob 1:10

Tu deh jak ap leskro kheer un ap lauter, hoi les hi. Tu tchiwal tiri bacht ap lauter, hoi job an-taprell. Un leskre vieche wan bud un budeder an o tselo them.

5. Mose 32:47

Kalla hi laba, hoi tumenge bud moldo hi. Jon hi tumaro djipen. Djiwenn pal lende, un tumer djiwenna i rah tsiro an ko them wergel o panjestar Jordan, kai kanna dren djan, te lenn les tumenge dren.

Jesaja 30:2

Mandar putchenn le gar, hoi te krenn le. Na-a, jon djan tele pash i Egiptarjen, te mangenn le o rajestar Farao, te well job ap lengri rig, un te rikrell lo peskre wasta pral lende.

Gosewe laba 14:20

Kek kamell o tchorweles, witar gar kowa, kai pash leste hi. O braweles hi bud mala.

Sikepaskro 2:13

Me dikom, o goswepen hi feteder har o dinlepen, jaake har o diwes feteder hi har i rati.

Sikepaskro 7:19

Leskro goswepen krell o gosewes sorleder har deesh sorele pralstune, kai an o foro garda denna.

Sikepaskro 9:16

Kote penom mange: Ninna te hi o goswepen feteder har o sorlepen, well o tchorweleskro goswepen gar an-diklo, un ap leskre laba well gar shunlo.

Sikepaskro 9:18

O goswepen hi budeder moldo har i sorelo charo; un jek dinelo koowa krell bud latcho koowa paash.

Sikepaskro 10:19

Kones chapen hi, nai sal. Koon mool pijell, nai giwell. I lowentsa nai well tut kowa halauter.