Sikepaskro 5:16 - O Debleskro Drom 2021 (Sinte)

¹⁶ Peskro tselo djipen mukas lo pes gar mishto te djal. Bud pharo koowa djas leske an o shero trujel un kras leske daar. Un koi pashel was nasslepen un choli an leskro djipen.

O Debleskro Lab 2024 (Sinte-Manouche)

¹⁶ Peskro tselo djipen moukas lo pes gar mishto te djal. Boud pharo koova djas leske an o shero trouyel oun kras leske daar. Oun koy pashel vas nasslepen oun rholi an leskro djipen.

Sikepaskro 5:16 Referans Kwoze

Sikepaskro 1:3

Hoi lell o mensho peske dran peskri tseli phari budi, hoi les hi ap kai phub?

Gosewe laba 11:29

Kowa, kai gar jak dell ap peskro kheer un ap peskri familja, pral koleste well i phurdepen, hoi lauter krik phurdell. Un ko dinelo well palle o budepaskro kolestar, koles i gosewo dji hi.

Johanni 6:27

Ma djiwenn o chapaske, hoi paash djala! Djiwenn jaake, te lenn ko djipen, hoi gar pre-herella! O Mensheskro Tchawo kokres nai dell tumen kowa. Jaake sikras o Dewel, kai kowa leskro tchawo hi.”

Markus 8:36

I mensheske wals kowa gar mishto, te lals lo o tselo brawlepen ap kai phub, un nashrals peskro djipen.

Hosea 8:7

Kowa, hoi le krenn, hi har te tchiwans le i ducho an i phub un kek djob. Un hoi win well, hi i baro phurdepen. Kek djob well baro. Kowa hoi pre djal, anell kek jarro. Un te anals kowa jarro, wans wawar menshe un chans les pre.

Jeremia 2:8

Tumare rashaja putchan gar: ‘Kai hi o baro Dewel?’ Har penan le i menshenge, hoi te krenn le, rikran le pen gar ap mire laba. Un kol pralstune pral mire menshende hadan pen pral mande, un shunan buder gar ap mande. Un mire rakepangre, kai hunte penans mire laba dureder, rakran an o lab ko chocheno deblestar Baal, un mangan figuren an, kai kek dewel hi.

Jesaja 26:18

Har sawi djuwel hams an bari duk. Mare duka his tchitcheske un anan menge tchi. Maro them nai lam gar win dran i wasta i tchilatchendar. Mer wam gar i sorleder pral lende.

Sikepaskro 5:13

Un i bibacht well un jon nashrenn halauter. Un te hi i tchawo koi, atchell leske tchi an o wast.

1. Samuel 12:21

Ma nashenn kol chochene deblenge palla, hoi tchi molenna, un hoi tumen gar win nai lenna dran o merepen. Jon hi tchi.

1. Korintarja 16:16

shunenn ap kolende un ap sawende har jon, kai budrenn o Debleske pengri tseli sorjah!

Sikepaskro 2:11

Un har dikom ko tselo koowa, hoi mire wasta kran, un koi budi, hoi man koi pashel his, kote haiwom, lauter hi tchitcheske, har te nashoms pal o ducho, hoi djal pral i phub. Un tchi well win dran halauter, hoi krom an miro djipen.

Sikepaskro 3:9

Hoi well koleske win, kai krell peskri budi un marell pes tele?