Sikepaskro 3:2 - O Debleskro Drom 2021 (Sinte)

² Jek tsiro hi koi, kai o mensho boldo wella, un jek tsiro hi koi, kai o mensho merella; jek tsiro, kai tchiwah senlepen an i phub, un jek tsiro, kai well ko senlepen pale win tserdedo.

O Debleskro Lab 2024 (Sinte-Manouche)

² Yek tsiro hi koy, kay o mensho boldo vella, oun yek tsiro hi koy, kay o mensho merella; yek tsiro, kay čivah zenlepen an i phoub, oun yek tsiro, kay vell ko zenlepen pale vin tserdedo.

Sikepaskro 3:2 Referans Kwoze

Hebrearja 9:27

Un jaake har i tsele menshe hunte merenna jek kopo, un palle rakrell o Dewel o tchatchepen pral lende win,

Hiob 14:5

Tu penal, har phuro i mensho well, kitse tchonna job djiwell. Un penal, ap hawo diwes leskro djipaskro tsiro trujel hi.

Galatarja 4:4

Har ko tchatcho tsiro was, bitchras o Dewel peskro tchawes. Kowa was i mensho, un pandlo ap o Moseskre laba.

Louka 1:20

Ap o tchatcho tsiro well kowa jaake, har tuke penom. Tu patsal mire laba gar, un doleske lell o Dewel tiro rakepen jaake rah krik, bis te well ko diwes, kai kowa lauter wella.”

Mateo 15:13

Penas lo: “Jon hi har ruka, kolen gar miro dad an o bolepen an i phub tchiwas, un jon wenna dran i phub win tserdedo.

Johanni 16:21

I djuwel, kai lell i ternepen, kolat hi duka. Te hi ko ternepen koi, bistrell li kol duka. Jaake bari hi lakri bacht, kai joi las i ternepen.

Jesaja 38:1

An kol diwessa was i merepaskro nasslepen pral o Hiskija. Un o Debleskro rakepaskro, o Jesaja, koleskro dad o Amoz his, was pash leste un penas ap leste: “Kawa penell o baro Dewel: ‘Tu weh gar sasto kau nasslepastar, un hunte meress. Doleske pen tire menshenge, har te djal pal tiro merepen dureder!’”

Hiob 7:1

I menshe hunte budrenn phares ap kai phub. Pengro tselo djipen marenn le pen tele har i budepangre, kai wenn haki rati plaissedo.

Bičepangre 7:20

An ko tsiro was o Mose boldo. Un job his shukar an o Debleskre jaka. Triin tchon his job an peskro dadeskro kheer, un jon dan garda ap leste.

Bičepangre 7:17

Palle was ko tsiro, kai kowa was, hoi o Dewel o Abrahameske penas. I Israelitarja wan hako diwes budeder an o them Egiptia.

Johanni 7:30

Koi kaman jon les te taprell. Un kek nai hadas o wast ap leste. O tsiro his leske kanna gar koi, kai well job tapedo.

Louka 1:36

Shun, i Elisabet, kai tire menshendar hi, hi an wawar koowa an o shobto tchon. Joi hi phuri un latar well penlo, kai lell li nai kek tchawe.

Louka 1:13

Koi penas o bolepaskro ap leste: “Ma traash, Zachari! O Dewel shunas tut, har tu mangal lestar, te well tumen i ternepen. Tiri romni Elisabet lella i mursh tchawes. Un koles dess tu ko lab Johanni.

Mateo 13:41

O Mensheskro Tchawo bitchrell peskre bolepangren ap i phub. Un jon lenn kolen glan leskre jaka krik, kai kran, hoi o Dewel gar kamella, ninna kolen, kai anan i wawaren ap o tchilatcho drom.

Jeremia 45:4

Pen leske: Kowa penell o baro Dewel: Dik, miro them, hoi me bares krom, kowa krau me paash. Mire menshe, kolendar i natsjona krom, tradau win dran o them.

Jeremia 1:10

Dik kai! Me dau tut kai diwes penepaske pral bud menshende un themma, te tradess len win, phagess len khetne, dess len tele un kress len paash, un mukess len pale bares te well, un kress len soreles.

Jesaja 54:1

Jerusalem, tu hal har i djuwel, kai kek tchawe nai lell, kanna gib, tu, kai kek tchawes ap i phub anal, ab bachtelo, gib un de gole i bachtjatar! O baro Dewel penell tuke: Tu, koi mukli djuwel, tut wenn budeder tchawe har kolat, kai romedino hi.

Jesaja 38:5

Dja pash o Hiskija, un pen leske: “Kawa penell o baro Dewel, ko Dewel tiro dadestar, o Davidestar: Me shunom tiro mangepen, un me dikom tire swa. Shun, me kamau pash tiro djipen gomme 15 (deesh-te-pantch) bersha pashel te tchiwell.

Debleskri gili 113:9

Kolat, kai kek tchawe nai las, hadell lo, te well li i bachteli dai. Sharedo well o baro Dewel!

Debleskri gili 52:5

Tu kameh o tchilatchepen budeder har o latchepen. Un o chochepen kameh tu budeder har o tchatchepen.

Hiob 14:14

Te merell i mensho, well lo palle pale djido? Palle bistroms, har djungeles mange kanna djal, un dikoms ap ko tsiro, kai mange feteder djal.

2. Rajengro liil 4:16

Un job penas: “Wawar bersh an kau tsiro rikreh tu i tchawo an tiri mussi.” Koi penas joi: “Ach, miro rai, tu Debleskro mursh, kre mange tchi glan!”

1. Rajengro liil 13:2

Un jaake har o baro Dewel leske penas, das o Debleskro mursh gole: “Chatchepaskri! Chatchepaskri! Shun, hoi o baro Dewel penell! I tchawo well boldo an o Davideskri familja. Leskro lab hi Josia. Kowa marell ap tute kol rashajen, kai chatchrenn sungepaskro koowa ap tute i mule deblenge. Un menshengre kokale wenn chatchedo ap tute.”

1. Samuel 2:5

Kolla, kai brawelo his, hunte budrenn kanna, te lenn le maro. Un kolla, kai bokan, kolen hi kanna doha te chal. Koja, kai nai las kek tchawe, koja las efta. Un koja, kolat bud tchawe his, kolake atchell gar jek.

5. Mose 34:5

Un o Mose, koles o baro Debleskro tchatcho wast hi, meras kote an o them Moab, jaake har o baro Dewel les penas.

1. Mose 47:29

Har ko tsiro was, kai merell lo, kharas job peskro tchawes, o Josef, un penas ap leste: “Ab mange latcho, de tiro wast koi pre, kai rikreh tiro lab: Paske man gar an o them Egiptia!

1. Mose 17:21

Kokres ko koowa, hoi me tuha win krom, te wap tumaro Dewel un te wenn tumer mire menshe, kowa djal dureder ap o Isaak. Koles leh tu tiri romjatar Sara ko wawar bersh an kau tsiro.”

Gosewe laba 24:27

Dja win ap tiri phub un kre tiri budi! Pal kowa le i romni, te well tut i familja!

Jesaja 28:24

I hacho, hoi peskri phub trujel budrell, krell job kowa hako diwes? Witsrell job pale te pale i phub pre?