Sikepaskro 3:14 - O Debleskro Drom 2021 (Sinte)

¹⁴ Me haiwom, kai halauter, hoi o Dewel krella, hako tsireske atchella. Kek mendar nai krell tchomone pashel, un kek mendar nai lell tchomone krik. Kowa halauter krell o Dewel, te sharas mer les.

O Debleskro Lab 2024 (Sinte-Manouche)

¹⁴ Me hayvom, kay halauter, hoy o Devel krella, hako tsireske ačella. Kek mendar nay krell čomone pashel, oun kek mendar nay lell čomone krik. Kova halauter krell o Devel, te sharas mer les.

Sikepaskro 3:14 Referans Kwoze

Jakobo 1:17

Lauter, hoi hi mishto un latcho, wella o Deblestar an o bolepen. Job kras o kham un o tchon un i bolepangre momlia. Kolla krenn, te well diwes un rat, un jon wenn jek tsiro diklo un i wawar tsiro gar diklo. O Dewel hi gar jaake. Job atchell, har job hi.

Debleskri gili 33:11

Kowa, hoi o baro Dewel kamell te krell, atchell soreles tardo, un kowa, hoi les an peskro dji hi, te krell lo, atchell jaake rah har menshe koi hi.

Remarja 11:36

Lestar was halauter. Halauter djiwell lestar, un halauter djal pale pash leste. Sharas o Debles kanna un hako tsiro! Amen.

Bičepangre 5:39

Te hi ko koowa o Deblestar, palle nai phagenn les gar. Denn jak, te tchingrenn tumer gar ap o Debleste.” Un jon shunan ap o Gamalijel.

Gosewe laba 30:6

Tchip kek lab pash kowa pashel, hoi job penas, te dell lo tut gar trad, un hakeno dikell, kai hal i chocheno.

Tito 1:2

Jon hunte djinenn, te lenn le o djipen, hoi gar pre-herella. Kowa penas o Dewel glan i rah tsiro. Un job chochella gar.

Gosewe laba 21:30

Kote dell kek goswepen, tchi hoi jek feteder nai djinals un penals, har nai krell o baro Dewel.

Efesarja 3:11

Kowa, hoi les glan i rah tsiro an peskro dji his, kowa kras lo, har job o Jesus Kristes menge ap i phub bitchras. Kowa was maro rai,

Bičepangre 4:28

Jaake kran jon kowa, hoi tu glan i rah tsiro penal, te well kowa lauter jaake.

Bičepangre 2:23

Tumer dan o Jesuses an i wasta kolendar, kai gar ap o Debleste patsenna. Un kolla dan les ap o trushel, un kote meras job. Un hoi tumer leha kran, kowa his jaake glan-diklo o Deblestar.

Jesaja 46:10

An o phuro tsiro penom me glan-wi, hoi wella. Glan rah tsiro rakrom kolestar, hoi gomme gar his. Un me penau: Kowa hoi me mange glan lom, well jaake. Un me krau lauter, hoi kamau te krell.

Sikepaskro 7:18

Mishto hi, te rikreh tut ap ko jek lab, un bistreh witar gar ko wawar lab. Koon djiwell o Debleha, rikrell pes ap kowa lauter.

Sikepaskro 5:7

Te dikeh tu, har an o them o tchorwelo tele rikedo well, un o tchatchepen tele stakedo well, un kek peskro tchatchepen lell, palle kre kek bare jaka: I pralstune rikrenn khetne, un pral lende hi wawar pralstune, kai rikrenn i wasta pral kolende.

Gosewe laba 19:21

Bud koowa hi, hoi i mursh peske glan lell an peskro dji; kokres kowa wella, hoi o baro Debles glan hi jekeha.

Debleskri gili 76:10

har o Dewel pre stas, te rakrell lo o tchatchepen win, un te well lo halauterenge ap i rig, kai tikno rikedo wan ap kai phub.

Debleskri gili 64:9

Lengre laba kokres krenn, te san kolla pral lende, kai dikenn len.

Debleskro tsiro 15:4

Tutar darella hakeno, tiro labestar penenn le: Har baro un shukar hi lo! Maro rai, o baro Dewel hal tu. Kek wawar hi jaake har tu. I raja wenna dran hake themma; glan tute witsrenn le pen tele, te sharenn le tut. Lauter dikan, har pal o tchatchepen tu djal, har tu i menshende lengri phagi dal.

Daniel 8:8

Un koi mursh busni was bareder un bareder. Un har koi busni jaake sorelo was, phagas ko jek shing tele, un star wawar shinga wan kote win, kai glanstunes ko jek his. Un hako shing sikras ap i wawar rig: glan un pal, tchatches un serwes.

Sikepaskro 12:13

Kowa lauter, hoi kate penlo was, hi khetne lino kowa: Shun ap o Debleste un rike leskre laba! Kowa molell i tsele menshenge.

5. Mose 32:4

Job hi maro sorelo rikepaskro. Lauter, hoi job krell, hi mishto. Leskre tsele dromma hi tchatcho. Maro Dewel rikrell peskro lab; an leste hi kek tchilatchepen. Chochepen djinell lo gar.

2. Samuel 22:31

I tsele dromma, kai o Dewel man anella, hi latcho. Leskre laba hi latcho un tchatcho. Job rikrell peskro wast pral hakeneste, kai well pash leste.

Sikepaskro 5:6

Tchatchepah, bud sunja un bud laba molenn tchi. Dran kowa kre kowa, hoi o Debles sharell!