Sikepaskro 3:13 - O Debleskro Drom 2021 (Sinte)

¹³ Jaake nai penah: Mer te chas, pijas un budras i bachtelo djijeha. Kowa lauter well men o Deblestar.

O Debleskro Lab 2024 (Sinte-Manouche)

¹³ Yaake nay penah: Mer te rhas, piyas oun boudras i barhtelo djiyeha. Kova lauter vell men o Deblestar.

Sikepaskro 3:13 Referans Kwoze

Sikepaskro 9:7

Doleske cha tiro maro un pi tiri mool i bachtelo djijeha; kowa kamell o Dewel jaake tutar.

Sikepaskro 2:24

Tchi hi feteder o mensheske, har te chal lo un pijell lo un well bachtelo pral kowa, hoi lo krell. I bachtelo dji, kowa dikom, well dran o Debleskro wast.

Debleskri gili 128:2

Tu chah kolestar, hoi tire wasta budran. Mishto tuke! Tuke djal latcho.

Sikepaskro 6:2

Kote hi jek, koles kras o Dewel baro un an-diklo, das les brawlepen un bud latcho koowa. Jaake hi les halauter, hoi o dji kamella. Un palle mukell les o Dewel gar kolestar te chal un bachteles te well. I wawar lell kowa halauter un chal les pre. Sawo koowa hi ninna phares te haiwell un krell man nasselo.

5. Mose 12:7

Un tumer un tumare familje chan i chapen kote glan tumaro baro Debleste, un awenn bachtelo pral halauter, hoi tumenge khetne anan, ap koleste tumaro baro Dewel peskri bacht tchiwas.

5. Mose 26:11

Ab bachtelo pral ko tselo latcho koowa, hoi job tut un tiri familja das. De ninna kolestar kol Levitarjen un kol wi-themarjen, kai mank tumende hi.

Debleskri gili 34:12

Awenn, tumer tchawe un shunenn, hoi me penau! Me kamau tumen te sikrell, har djiwenn tumer o baro Debleha.

Sikepaskro 2:3

An miro rodepen pal o goswepen rakrom miro djijeha, un penom mange: Pi tuke i mool, te wess bachtelo. Un jaake har i dinelo wom mato. Koi putchom mandar: Hi sawo koowa mishto o mensheske an peskro tikno djipen?

Sikepaskro 8:15

Doleske penau me: Men hunte wals i dji, hoi bachtelo hi. O mensheske dell tchi ap kai phub, hoi feteder hi, har te chal lo un te pijell lo, un te mukell lo les peske mishto te djal. Kowa hi, hoi nai krah pash mari tseli budi an maro djipen, hoi o Dewel men das ap kai phub.