Sikepaskro 2:16 - O Debleskro Drom 2021 (Sinte)

¹⁶ I gosewe hunte merenn, un i dinele ninna. Un ko gosewo well jaake sik bistedo har ko dinelo. An i tsirja kai wenna, hi halauter bistedo.

O Debleskro Lab 2024 (Sinte-Manouche)

¹⁶ I goseve hounte merenn, oun i dinele ninna. Oun ko gosevo vell yaake sik bistedo har ko dinelo. An i tsirya kay venna, hi halauter bistedo.

Sikepaskro 2:16 Referans Kwoze

Sikepaskro 1:11

Mer bistrah kol menshen, kai glan mende djiwan. Un kolla, kai pal mende wenn, wenn bistedo kolendar, kai pal lende wenn.

Sikepaskro 9:5

I djide djinenna, kai hunte merenn le, i mule djinenn tchi. Koleske, hoi le kran, well len witar buder tchi. Bistedo hi le.

Debleskri gili 88:12

Rakrenn le pral tiro latchepen pash i mulende? – Pral tiro tchatchepen an o mulengro them?

2. Mose 1:8

Pal bud bersha was i newo baro rai an o them Egiptia. Kawa djinas o Josefestar tchi,

Hebrearja 9:27

Un jaake har i tsele menshe hunte merenna jek kopo, un palle rakrell o Dewel o tchatchepen pral lende win,

Maleachi 3:16

Koi rakran kolla mank pende, kai djiwenn o baro Debleha. Un o baro Dewel das jak ap lengre laba un shunas, hoi le penenn, un mukas len an i liil dren te tchinell, te wenn le gar bistedo. An kau liil hi kolla dren tardo, kai djiwan leha, un hadan leskro lab.

Sikepaskro 6:8

Hoi hi o gosewes o dineleske glan-wi an kau koowa? Hoi molell kanna o tchorweleske, te djinell lo, har te djal lo peskro drom mishto?

Sikepaskro 2:14

Kowa, kai gosewo hi, dikell, kai lo djal. O dinelo nashell an i rati. Un ninna haiwom, jekeske djal har o wawareske.

Debleskri gili 103:16

Palle phurdell i ducho pral wergel, un krik hi lo, un koi platsa, kai lo his, prindjrell les buder gar.

Debleskri gili 49:10

te nai djiwell lo hako tsiro, un hunte merell gar.

2. Samuel 3:33

O baro rai rowas pral o Abner, un penas: “Hoske hunte meral tu, Abner, har jek, kai tchi-moldo hi?

2. Mose 1:6

Pale meras o Josef un peskre phrala un leskre tsele menshe, kai an ko tsiro djiwan.

Sikepaskro 2:15

Kote penom mange: Te djal mange har o dineleske, hoske rodom palle pal o goswepen? Ninna kowa hi tchitcheske.

Sikepaskro 7:2

O mensheske hi feteder te djal lo an i kheer, kai jek meras un i menshe rowenna, har te djal lo an i kheer, kai krenn le i bijab. Kote, kai jek meras, well diklo, kai hako mensho hunte merella. Un koon gomme djido hi, mukell pes kowa an o dji te djal.

Sikepaskro 8:10

Un pale dikom, har tchilatche menshe shukar paskedo wan. Un kolla, kai o tchatcho koowa kran, hunte mukan o Debleskro kheer, un wan bistedo an o foro. Kowa hi ninna phares te haiwell.

Sikepaskro 9:15

Un an ko foro his i tchorwelo, gosewo mursh. Peskro goswepah nai lals kowa ko foro win dran o wawareskro wast. Un kek his koi, kai rakras leha un putchas ko tchorwelo murshes.

Gosewe laba 14:8

O gosewo dell jak har lo djiwell, doleske hi lo gosewo. I narwele perenn hako kopo ap dinlepen dren. Un jaake chochenn le pen kokres.