Sikepaskro 2:10 - O Debleskro Drom 2021 (Sinte)

¹⁰ Halauter hoi mire jaka kaman, kowa dom len. Un miro djijeske dom halauter, hoi mukas les te bashrell. Jaake wom bachtelo pral halauter hoi krom. Un halauter, koleske man tele marom, anas mange tchatchepah bacht an o dji.

O Debleskro Lab 2024 (Sinte-Manouche)

¹⁰ Halauter hoy mire yaka kaman, kova dom len. Oun miro djiyeske dom halauter, hoy moukas les te bashrell. Yaake vom barhtelo pral halauter hoy krom. Oun halauter, koleske man tele marom, anas mange čačepah barht an o dji.

Sikepaskro 2:10 Referans Kwoze

Sikepaskro 9:9

Muk les tuke mishto te djal an tiro djipen tiri romjah, kai tu kameh, jaake rah har tut kau djipen hi, hoi tut o Dewel das, un hoi jaake sik trujel hi. Sawi bacht was tuke o Deblestar pash tiri tseli budi, hoi tu hunte kress kate ap kai phub.

Sikepaskro 5:18

Te dell o Dewel i menshes brawlepen un latcho kowa, te nai chal lo un pijella, un te nai mukell lo peske mishto te djal, un leskro dji sal pral halauter, hoi leske dran peskri phari budi was, palle hi kowa tchomone, hoi o Deblestar was.

Sikepaskro 3:22

Jaake dikom dren, tchi hi feteder, har te krell i mensho bachteles peskri budi; i bachtelo dji hi leskro brawlepen. Kek nai penell o mensheske, hoi ap i phub djala, te hi lo buder gar koi.

Debleskri gili 119:37

Kre, te dikap gar ap kowa, hoi tchi moldo hi, un de man pale newi soor ap tiro drom!

Debleskri gili 128:2

Tu chah kolestar, hoi tire wasta budran. Mishto tuke! Tuke djal latcho.

1. Johanni 2:16

Pash i menshende ap kai phub djal lauter pal jek koowa: chapen un pipen, romedinepen un khelepen, brawlepen un sharepen. Kowa lauter well gar o Deblestar, maro dadestar. Kowa lauter hi phubjakro koowa.

Sikepaskro 2:22

Hoi atchell o mensheske, kai pes tele budras un tele maras pash peskri budi?

Sikepaskro 11:9

Terno mursh, muk tiro dji te giwell an tire terne bersha! Ab bachtelo jaake rah, har terno hal. Kre, hoi tiro dji tuke penella un tire jakentsa mishto hi; un biste gar, te well i diwes, kai rakrell o Dewel o tchatchepen win pral tute un halauter, hoi kral.

Sikepaskro 6:9

Well penlo: Feteder hi te dikas ap kowa, hoi men hi, har te nashas wawar koowa palla. Kowa hi ninna tchitcheske, un jaake har te nashams pal o ducho, hoi djal pral i phub.

Gosewe laba 23:5

Te dikeh tire jakentsa pre, hi o brawlepen gar buder koi, jaake sik hi lo krik har i tchirklo, hoi hadell peskre mussja un hadell pes an o bolepen.

Hiob 31:1

Me djom i sowel mire jakentsa dren, te dikap gar lubekanes i terni tchake palla.

Čačepangre 14:2

Har was lo khere, penas lo ap peskro dadeste un peskri date: “Me dikom an Timna i rakjat i Filistarendar. Kolat lenn mange, te well li miri romni!”

1. Mose 6:2

Koi dikan i Debleskre tchawe, har shukar i menshengre tcha hi. Un jon lan penge kolen, kai jon kaman, te romedinerenn jon len.

1. Mose 3:6

Un koi romni dikas ap ko ruk un penas ap peste: “Mishto wals, te chaus ko rukestar. Shukar hi lo! Un mishto wals, te waus gosewo.” Un joi las o rukestar, chas un das ninna peskro romeste, kai pash late his. Un job chas ninna.

Sikepaskro 5:10

Kote kai bud brawlepen hi, kote hi ninna bud, kai chan o brawlepen pre; un koles, kai kowa lauter hi, leske atchell tchi, har te dikell lo les an!

Sikepaskro 6:2

Kote hi jek, koles kras o Dewel baro un an-diklo, das les brawlepen un bud latcho koowa. Jaake hi les halauter, hoi o dji kamella. Un palle mukell les o Dewel gar kolestar te chal un bachteles te well. I wawar lell kowa halauter un chal les pre. Sawo koowa hi ninna phares te haiwell un krell man nasselo.

Sikepaskro 9:6

Har i menshe kaman len, un har choiran le pen pral lende, un har silweran jon ap lende, kowa lauter hi buder gar koi. Len hi tchi buder i menshentsa ap kai phub khetne, un koleha, hoi kerdo well ap kai phub.

Sikepaskro 2:1

Me penom mange: Mishto palle, me kamau latches te djiwell un mukau les mange mishto te djal! Kote haiwom, kai kowa ninna tchitcheske hi.

Sikepaskro 2:24

Tchi hi feteder o mensheske, har te chal lo un pijell lo un well bachtelo pral kowa, hoi lo krell. I bachtelo dji, kowa dikom, well dran o Debleskro wast.

Sikepaskro 5:17

Kowa hi, hoi me dikom dren, un hoi mishto hi, un ko feteder, hoi nai krah an maro tikno djipen, hoi o Dewel men das, te chas mer un pijas un kras i bachtelo djijeha mari budi. Jaake kamell kowa o Dewel mendar.

Sikepaskro 8:15

Doleske penau me: Men hunte wals i dji, hoi bachtelo hi. O mensheske dell tchi ap kai phub, hoi feteder hi, har te chal lo un te pijell lo, un te mukell lo les peske mishto te djal. Kowa hi, hoi nai krah pash mari tseli budi an maro djipen, hoi o Dewel men das ap kai phub.