Sikepaskro 10:8 - O Debleskro Drom 2021 (Sinte)

⁸ Koon i cheb win hadella, nai perell koi dren. Un koon i massuri khetne phagella, koles nai dandrell i sap.

O Debleskro Lab 2024 (Sinte-Manouche)

⁸ Koon i rheb vin hadella, nay perell koy dren. Oun koon i massouri khetne phagella, koles nay dandrell i sap.

Sikepaskro 10:8 Referans Kwoze

Gosewe laba 26:27

Kowa, kai i wawareske i gruba win hadas, kowa perell kokres dren. Un jek, kai witsrell i bar, ap koleste perell lo pale tele.

Ester 7:10

Jaake bladan le o Hamanes ap ko kasht pre, koles job o Mordekajeske mukas pre te tchiwell. Un i choli o baro rajestar djas pale.

Amos 9:3

Ninna te khatrenn le pen pral ap i berga Karmel, rodau me len un lau len tele. Ninna te khatrenn le pen mandar tele an o baro pani, jaake penau o panjeskro sap, te dandrell lo len.

Amos 5:19

Kowa hi har te nashals jek peske glan o lewo, un i wawar baro diwjo viecho taprals les. Job khatrell pes an i kheer, tchiwell peskro wast ap i wanta, un i sap dandrell les.

2. Samuel 17:23

O Ahitofel shunas, kai was kowa gar kerdo, hoi job penas. Koi tchiwas lo i ledertikri plachta ap peskri burika, beshas pes koi pre un klissas khere an peskro foro. Kote penas lo i menshenge an peskro kheer, hoi te krenn le pal leskro merepen. Palle bladas lo pes pre, un meras. Un job was paskedo an o mulengro kheer peskro dadestar.

Čačepangre 9:5

Un lentsa djas lo an peskro dadeskro kheer an o foro Ofra, un das peskre phralen temerl. Kol efta-deesh mursh tchawen leskro dadestar Gideon das lo ap jek baro bar temerl. Kokres o Jotam atchas pral, o terneder tchawo o Gideonestar. Kowa khatras pes.

2. Samuel 18:15

Deesh terne mursha, kai hidjran o Joabeskre chare, wan trul leste, un dan les mulo.

Debleskri gili 57:6

Sike tiro barepen, hoi bareder hi har o bolepen, miro Dewel! Tiro railepen mu well pral i tseli phub!

Gosewe laba 11:6

Ko tchatcho koowa, hoi o Debleskre menshe krenna, lell len win dran o merepen. I phukepangre wenn tapedo an pengri bok pal i lowe.

Sikepaskro 10:9

Koon barra khetne phagella, kowa nai dukrell pes koi pashel. Un kowa, kai kasht tiknes krella, nai dukrell pes, te dell lo gar garda.